2011/05/29

夏日誇啦啦

今年既夏天比起過去果幾年遲咗好多, 5月都到啦, 都仲係涼涼地, 我最愛既夏天去咗邊"薯"呀????

上年因為籌備結婚, 所以都盡量唔曬咁多太陽啦!!!今年我要曬番夠本呀!!! 好可惜連續兩個星期日都天陰陰又落雨, 終於今個星期日, 天文台預測連續幾日都係天氣酷熱, 陽光普照, YEAH!!! 今個夏天終於可以開齋啦!!!!

2011/05/28

星期六Girls Night- Kitchen M

星期六掉低謝菲, 同幾個女仔Friend食飯飲嘢, heehee, 等我回復一下"李小姐"既日子呢!!!! 又要食飯又要飲嘢, 非尖沙咀莫屬.

今次就試吓K11既意大利菜Kitchen M. 之前睇Openrice既comment, 都知呢間餐廳好鬼難搵, 但係我點都估唔到要穿過間boutique先可以去到餐廳門口, 搵死人咩!!!!真係對住個floor plan都唔知點行呀!

4個女仔座定定order之後, waiter就送上暖既包, 普通個啲包無咩特別, 但係黑色個果好味呀, 食落有少少甜味, 有啲似Outback個啲rye bread!!

2011/05/27

陶太變變變!!!

哈哈哈! 今日我作出咗一個重要既決定

...

...

...

就係剪短頭髮!!!!

去到Salon, 我同髮型師講我要剪短佢!!! (上次去剪頭髮咪又係咁講, 最後咪又臨陣脫縮!!!) 今次我好有決心啦, 因為呢個長頭髮真係keep咗好耐啦, 之前因為籌備結婚更加唔可以剪短, 真係見到都又熱又悶呀! 

對上一次短頭髮已經係12年前既事, 當時仲啱啱識謝菲無幾耐! 但個次既短髮look反映唔多好, 個個都話長髮look好啲! 所以一直對再剪短頭髮有啲驚呢!!!

我特登唔話俾謝菲聽我呢個new look, 俾個surprise佢, 好彩佢都覺得幾好睇, heehee, 仲話好似識咗個新女朋友咁呢!!!

2011/05/22

Wedding vendor review - 勞斯汽車旅遊服務有限公司 (租車)

係時候輪到開始寫商戶評分啦!
**************************************************
商戶: 勞斯汽車旅遊服務有限公司
評分: 4分  (最高5x)
**************************************************
因為酒店果度送咗張花車公司既coupon(包3hrs Mercedes Benz W140系花車), 所以都無諗住出去搵其他租車公司.

其實勞斯汽車主打係出租古董勞斯萊斯, 之前去睇車既時間, 都見過佢啲古董及現代勞斯萊斯, 嘩,,,真係好鬼grand!因為我男女家都係酒店作敬茶儀式, 架花車只係用嚟由海景嘉褔酒店去證婚個埸(帝京酒店), 所以我諗呢架花車既出鏡率應該唔會太高, 都係唔好再亂洗錢啦!!!

因為Coupon送個款係舊款車, 所以我就upgrade到W220系列及加多1hr, 所以就要補多$120X啦!

2011/05/21

Wedding vendor review - 海景嘉福酒店 (出門酒店)

係時候輪到開始寫商戶評分啦!
**************************************************
商戶: 海景嘉福酒店 (出門酒店)
評分: 4.5分  (最高5x)
**************************************************
好早就已經決定咗出門一定會係酒店, 一來地方大可以容納姊妹們及親戚們, 二來地方整齊啲, 影相效果會好啲, 三來方便啲, 唔使走嚟走去晒時間!!!(其實咁多原因, 無非都係要說服自己及謝菲俾我租間大啲既酒店房, 奸計得逞)

因為酒店本身送咗一晚海景房俾我地, 所以都無考慮其他酒店啦, 因為係出門之用, 加上男家都會係番呢間房做入門儀式, 所以我要加錢Upgrade去租間大啲既海景套房, 再者擺完酒當晚, 唔想咁辛苦(我實在太多藉口啦), 所以當晚都係會住多晚呢. 之前諗住連續租兩晚, 點都有啲special discount掛,,,點知最後quote完個價, 真係一額汗,,,,非常貴呀,,,upgrade既個晚要補$21XX plus 10% service charge,  而另一晚既價錢係$47XXplus 10% service charge (如果改租City view, 會平$800). 嘩,,,,,,真係貴到個人都赤埋, 咁大個女都未試過住咁貴既酒店呀!!!! 算啦, 又係呢個句累同事"一世人一次結婚, 算吧啦"!

之前已經去酒店實地睇過一次佢啲房架啦, 海景套房係一廳一房及有兩個廁所, 廳與房既比例係接近一比一既, 其實都好寬闊, 空間係好足夠既, 有一張3-4人及1人沙發.

2011/05/20

泰好味-昌發泰國炒麵屋

又到星期日, 唔使飲茶, 當然就要出動搵嘢食啦, 近來晚晚都會睇小儀同金剛既"街坊廚神", 啱啱睇正一集介紹九龍城, heehee, 不如就去九龍城食泰國菜啦!!!
餐廳環境一般, 好街坊鋪既格局, 檯上有啲公雞細碗仔, 原來係啲泰式調味料!!全部都係辣辣, 啱晒我!!

2011/05/16

香芋梳乎厘Taro Souffle (附有食譜)

平日唔使著飯既我, 一到咗星期日就會點都著番餐既. 無甜品不歡既我, 如果一餐dinner之後沒有甜品, 好似覺得incomplete咁, 所以好多時, 屋企人或者朋友星期日嚟我屋企食飯, 我盡量都會預備甜品呢.

而近期我既至愛就係香芋梳乎厘 (Taro Souffle), 因為唔會用太多牛油整, 食完都無太大既罪惡感!!! 自從識整之後, 出去食飯都少order咗呢個dessert啦!!! 唔好以為好難整呀, 我第一次跟住個Recipt整都已經成功咗啦, 快啲試吓啦!

2011/05/15

Wedding vendor review - Wendy's Bridal Salon (男禮)

係時候輪到開始寫商戶評分啦!
**************************************************
商戶: Wendy's Bridal Salon
評分: 4.5分 (最高5x)
**************************************************

我記得幾年前參加婚禮, 見到既男禮好多時都係有條閃閃既銀邊, 當時心想, 第時結婚老公千萬不可以咁著. 好彩到我結婚既呢個年代, 個種閃閃既銀邊, 金邊既款式已經唔再流行, 取而代之就係比較正統既男禮!!!

之前都有睇過幾間出名既男禮, 好似VA, Mode咁, 但係價錢俾我既預計貴咗好多 (因為已經有好多個婚禮項目洗大咗啦), 同謝菲商議後, 不如去睇睇Wendy 個度啲男禮啦因為之前影Pre-wedding時, 都係Wendy度租過一次男禮, 款式都可以. 

一早心儀黑色既日式燕尾服, Wendy就俾咗幾套謝菲試, 估唔到謝菲對男禮既要求比我想像中高, 佢反覆試咗幾次, 內裡既背心及煲呔左襯右襯, 最後揀咗一套黑色既男禮. 本來仲揀咗另外一套銀灰色既男禮, 但因為Wedding whisper個邊package多咗quota出嚟, 所以最後只係租咗一套男禮, 價錢都只係$50X.

2011/05/12

肥糖糖歎世界

好耐都無Update吓肥糖糖既近況啦, 上一篇原來已經係成年前啦!!!

自從係一年前佢隻眼做過手術之後, 佢眼角膜上就有一條疤痕啦, 不過雖然係咁, 但係就一切己原全好番晒啦, 佢仲變成咗隻正宗既大食懶"加菲貓" (係呢個時候, 謝菲受同細妹就會話, 唔通你想佢出去打工搵錢咩?!)

2011/05/10

無敵早餐

星期日如果唔需要同屋企人飲茶, 往往就係我同謝菲既"hea爆"時間.

咩嘢叫"hea爆"呢?! 就係瞓到飽, 之後陶太就整番個"無敵早餐" (其實係爆quota早餐至啱)同謝菲歎吓.

KO完個早餐之後, 真係好飽呀!!! (鬼咩, 食咁多嘢, 我食得晒就真係無敵啦) 食到咁飽要去做Gym跑耐啲先得啦!!!

2011/05/09

快打上海小吃- 上海香港麵家

星期六, 同謝菲出戰銅鑼灣尋找我地想搵既超大掛牆多格相框, 但最後都係失望空手而回, 搵唔到都要醫吓肚啦!!

因為太肚餓啦, 所以就那那聲搵嘢食. 每次去到銅鑼灣, 都心思思想去食渣甸街既"文輝墨魚丸大王", 但係門口實在太多人啦, 我又實在餓到肚都孿, 於是就轉移去佢對面果間"上海香港麵家"啦!!

2011/05/08

Wedding vendor review - Wedding whisper 婚姻物語 (媽咪衫)

係時候輪到開始寫商戶評分啦!
**************************************************
商戶: Wedding whisper 婚姻物語
評分: 0分 (最高5x)
**************************************************
呢間Wedding Whisper真係令我火都嚟埋(詳細情形, 可睇番"Wedding vendor review - Wedding whisper (十萬個唔掂)"), 我深深體會到咩嘢叫 "入錯黑店, 俾錯錢", 好彩唔係租我自己啲衫, 如果唔係我一定即場激到嘔血!!!

講番件媽咪衫, 第一次如果你就咁睇啲媽咪衫, 或者覺得OK, 加上佢地係咁同你講, 遲啲會再番新貨, 事主(即係我)就係咁無知地JOIN 咗呢間黑店.

不論款式, 服務態度及價錢, 全部都唔合格, JOIN既時候真係"鬼um眼"!!!! 好彩媽咪件衫當日都有得攞, 但係佢地啲改衫手工好差, 同埋當日仲俾錯咗件毛毛披肩我媽咪, 真係無話可說.

租咗一件米黃色及淺紫色既晚裝, 新淨程度一般


其實諗起當時俾錢都有啲問題, 我join既時候係婚期前1年, 但開單既時候已經要我俾晒全數, 仲唔可以用credit card俾, 我就又好似啲無知婦孺照俾錢, 真係當日結婚時, 間鋪頭沒有執粒都算好彩 (因為後來今年3月時佢另一間姊妹店突然結業)!!!

希望如果有b2b真係join咗呢間黑店, 就真係要自己跟得緊啲啦!

網址:
  • Not Available
相關文章: