2013/06/30

陶寶B一歲生日會

莎拉揀咗係陶寶B正日生日前既兩時期既父親節當日, 幫陶寶B搞咗個小朋友少少+大人多多,差唔多35人既生日會. 雖然唔多小朋友, 但係都盡量為小朋友們搞點玩意, 希望佢地玩得開心.
今次birthday party係中午時段, 而場地就係借朋友既會所, 所以謝菲就負責啲Decoration.


2013/06/26

陶寶B facebook page

有留意開莎拉呢個blog既朋友, 或者都會發現莎拉update既次數愈來愈少, 唉~~~~, 真係身不由己呢. 其實莎拉儲儲埋埋有好多嘢想寫想share, 但係奈何每日放工之後要一直陪陶寶B玩, 直至到佢瞓咗先有自己既私人時間, 不過往往都已經係晚上10pm啦.

所以既然係咁, 不如就開個陶寶B facebook 群組啦, 因為一來用手提電話upload 上facebook真係方便好多,  二來有好多陶寶B既相及Video都想post出嚟, 所以就係陶寶B一歲就成立咗佢既關注page.
莎拉每日都會不定時update吓有關陶寶B既嘢, 無論係乖, 曳定係傻, 都會通通share!

有興趣既朋友仔記住Like陶寶B個Page啦.
https://www.facebook.com/taoboab



2013/06/24

大個仔一歲啦

To My Dearest囝囝陶寶B:
 
親愛的陶B, 不知不覺今日您已經一歲了, 時間真係過得好快, 一年前既今日, 您呢個曳曳豬, 唔肯乖乖留係媽咪個肚入面多一個月, 總係要早了四週出嚟同大家見面, 您知道嗎, 當時真係打亂了我們的震腳呢!!! 經過18小時的痛, 陶寶B您終於大駕光臨, 今天媽媽還記得第一次抱您時的感動及奇妙感覺呀.
雖然您出世時比較弱小, 但係感恩您後勁凌厲, 今天的您已經係一個健康既大Baby. 還記得初出世時您小小的手捉緊媽媽的手指, 而今天您已經可以開始捉實媽媽的手掌了. 過去的一年, 您給了我們經歷了好多的第一次”, 無論是好或是壞的第一次都已經印在我們腦海中.
您的來臨好像教了我上了一堂課,
您教了我如何當一位媽媽, 我不敢用好媽媽來形容自己, 因自問還有好多地方需學習或是重新學習喔. 陶寶B, 我們要一起努力當一位好媽媽好孩子. 媽媽不需要您十項全能, 我只要您當一個健康及快樂的寶寶便已足夠.

生日快樂, 身體健康, 開心常在.

Love From 莎拉媽媽

2013/06/23

陶寶B夏水禮

好熱呀, 好熱呀!!! 夏天嚟啦, 等咗咁多個Weekend, 終於等到個星期六係陽光譜照啦. 莎拉媽媽準備好晒陶寶B既游水片片, 型仔泳褲, 同游泳水泡, swimming pool, I am coming!!!
等陶寶B瞓咗個午睡之後, 同佢換好晒裝束, 就落ClubHouse既泳池游水水啦. 個泳池係在building下, 所以唔會怕太曬.

陶寶B六月份出世, 話晒都係Summer boy呀, 應該唔怕游水既!!! 首先係池邊熱吓身先.

2013/06/17

赤柱遊一遊

2013/05/19
天氣熱辣辣, 真係要同陽光玩吓遊戲先得, 有咩地方又可以食個outdoor lunch, 行吓街之後仲可以去玩吓水呢?!!! 非赤柱莫屬啦. 上一次去赤柱都有成年啦, 當時應該係wk28(與陶寶B一起的日子- WK28 (大肚look)), 仲懶型咁影咗啲大肚相呢, 所以好想再同陶寶B去一次.

一早起身, 煮好晒陶寶B既粥仔, 執好晒嘢就出發啦. 去到赤柱都係11am, 正呀, 未係太多人, 影相都靚啲呀.

2013/06/12

第一次陶寶B相伴之母親節

今年係莎拉正式成為人地媽咪既第一個母親節, 之前曾經幻想過會點去慶祝, 但係因為陶寶B都仲係細, 所以都係簡簡單單已係一個最好既節目啦. 一早瞓醒自己玩咗一陣, 爬係度自己望住街景, 自得其樂.

2013/06/07

11th month成長之路

近呢個月, 莎拉工作上超忙, 搞到都無時間寫每個月既成長之路, 不過莎拉都已經寫到第11個月啦, 無理由而家才放棄架, 所以點都要繼續架, 好啦, 唔可以脫期架! 加油呀!!!!

體重與身高
今期沒有機會上個磅, 所以唔知實際重量, 但憑平時莎拉抱佢既感覺, 已Feel到佢重量應該有進步. 而身高方面, 莎拉自己粗略度過, 好似有78cm, 比上個月高咗啦. 好多人見到陶寶B都話佢唔似11個月大, 因為佢真係身長, 唔通陶寶B會變成老積仔, OH NO, 莎拉唔要呀!!! 所以而家有機會返而會俾陶寶B著多啲BB裝, 即係啲包住PatPat既style, 因為遲啲再大啲, 就唔再有size著到架啦. 懷念小時候既陶寶B呢.

2013/06/01

自組Playgroup

莎拉一直沒有幫陶寶B報Playgroup, 其實都好猶豫係報唔報好!!! 一方面如果唔報Playgroup, 咁陶寶B就無得同其他相若年齡既BB玩吓交流吓(其實識女仔至真). 好彩之前Join咗個facebook既7月媽媽會, 而有一班住係油尖旺區既媽媽就自發搞個"自組Playgroup". 每兩個星期就搞一次, 而地點就租康文署既埸地, 每次租1hr都係$48, 仲可以借啲yoga墊, 咁BB們就可以安心係度玩.