三門仔+白石角海濱放車記

2014/10/05

今天有姨姨及姨丈相伴, 再加個特別嘉賓小狗Momo一齊玩, 第一站首先去三門仔既"皇朝漁苑"飲個茶先, 呢間酒家設有戶外檯, 所以好適合帶小狗來.

 雖然係戶外不過都唔算好熱, 加上有怡人既海邊景色, 嘢食都特別好味道.

寧靜的愉景灣

2015/1/1

新年新開始, 當然要出街行個大運啦, 今天揀選了愉景灣 , 因為莎拉同謝菲都從來未去過呢. 其實去愉景灣都好方便, 搭地鐵到東涌站再轉巴士就到達. (另一選擇就係中環座船)

到達愉景灣都差不多中午時份了, 雖然係假期但係人流真係唔多 (正合莎拉心意呢), 環境清靜空氣清新(因為沒有車的關係吧!), 真係好喜愛呢個地方.

坪洲半天遊

2014/10/12 

雖然係土生土長既香港人, 但係原來從來都未去過坪洲, 平時去離島來來去去都只係識得去長洲及南丫島, 不過近年假日每次去長洲或南丫島都係人山人海, 行山時人頭湧湧有如市區一樣, 所以都開始對呢兩個島失去興趣了. 想起平時搭船去離島時有一條航線去坪洲, 不如就會一會坪洲啦. 去坪洲既船分快船及普通船, 星期日兩款船既價錢足足相差一倍, 所以如果想搭普通船既就最好check定schedule. 雖然係星期日, 但船上既遊人寥寥可數, 相比於長洲或南丫島既船簡直係兩個世界, 快船約25分鐘就到達坪洲了. 

為食豬

好想寫呢個topic好耐架啦, 因為每當小朋友食緊喜愛既食物時個樣真係特別可愛. 感恩陶寶B係食呢方面都唔係太需要莎拉擔心, 不過佢都有喜惡之分既. 

1) 首先陶寶B係一個澱粉王, 飯麵粉通通都鐘意(粥就例外), 特別鐘意食粉麵, 就算佢已經食咗飯, 但每當一見到有人食粉麵, 陶寶B都要食埋一份, 人地唔知飽就追飯食, 佢就追麵食, HAHA! 

終於有offer啦

Yeah yeah yeah!!!!齊鼓掌!!!

經過整個11月密集式既幼稚園面試後, 踏入12月就係等消息既階段了. 每一晚回家腦海中都係響起"打開信箱"呢首歌"打開信箱, 內裡得一片迷茫". 無信會失望, 有信就有希望. 不過就算有信都係失望既多, 因為內容唔係Reject就係waiting list. 

面試時表現麻麻地既都預咗reject, 不過無諗過表現ok既都係waiting list呀, 真係希望愈大失望就愈大. 前前後後都已經收到十多封信啦, 所以就算再有學校信都已經抱住無望既心態了. 

面試月又嚟啦

2014/11

經過上年報讀PN後失敗既刺激, 今年既K1真係不容有失, 所以係8月份既時候已經開始check住啲幼稚園既報名日期, 差不多個星期都要check實學校website有否updated. 

今年莎拉好似癲了的報了多間幼稚園,  十幾間幼稚園既Application加上回郵信封都幾十個, 真係填到Short咗. 莎拉唔係怪獸家長, 所報既學校都不是什麼出名既幼稚園了, 我只係但求陶寶B有書讀, 要求真係低到不能再低了, 但係真係唔明白點解香港既教育制度會咁樣, 令到原來咁低既要求都不容易達到.