I am a big kid now

快要踏入3歲的時候, 近排陶寶B好多行為及表現都好似想同人講"我大個仔啦". 

事例一

不再要飯衣口水肩了 

小朋友食飯食都就身都係, 食飯前媽咪預備一件飯衣或口水肩是常識吧. 不過大概2個月前開始, 陶寶B已經拒絕再戴口水肩或穿飯衣了, 可能因為佢見到大人們全部都不用穿飯衣食飯, 所以佢想好似大人一樣就咁食飯呢.  

事例二

不要說我壞話

當陶寶B曳曳時, 俾莎拉罰完後, 莎拉有時就會講番俾嗲哋知, 而係呢個時候, 陶寶B就會阻止莎拉講落去, 想用手去蓋住我個咀叫我唔好再講呢. 當然啦, 人大了就要面, 講曳嘢就醜醜架嗎, 所以不可再講佢壞話呢. 

事例三

主動幫手

有一日落大雨, 當莎拉回到家時成隻落湯雞咁款, 陶寶B見狀後就話:"媽咪濕濕呀", 之後就9秒9去攞張紙巾, 然後就講:"媽咪抺抺", 好Sweet好大個仔呢. 

事例四

照顧小弟弟

近日相約好友食飯時, 好友有一個2歲既小朋友, 陶寶B表現出哥哥既風範, 會乖乖排排座一齊睇卡通, 之後走既時候, 又會主動去拖住小弟弟, 而當小弟弟扭計不肯座BB車時, 陶寶B又會同佢講"弟弟乖唔好扭計", 呢位小朋友好似好生性咁!!!

千言萬語

望一望月曆, 不經不覺完來差不多已接受了一年的言語治療. 還記得一年前剛剛開始言語評估時, 陶寶B能講既字真係得十個字之內, 再加上仲要成日流口水. 經過慢長一年, 每月兩次既言語治療, 說話能力已大為進步. 

由以前只懂說十個字, 到而家打開本生字書已經差不多全部識晒了;

由不懂叫媽媽, 到而家已經會說"我愛媽媽". 

與同年齡既小朋友相比, 雖然陶寶B還未能夠口若沿河, 暫時仲未能暢所欲言, 但基本既表達能力已經沒有問題, 莎拉相信陶寶B會繼續慢慢進步, 能夠"千言萬語"既日子一定會來臨架. 

母親節@媽媽咪咪嘉年華2015

2015/5/10 

今年母親節既活動就係去了媽媽咪咪嘉年華, 雖然呢個係BB展內裡有好多有好多參展商, 但係佢有別於平時係灣仔舉行的那些BB展呢, 因為呢個媽媽咪咪嘉年華展場內有會好多大型足氣彈彈床吹氣滑梯, 仲有重點係有巧虎出來表現呀, 所以陶寶B作為FANS之一係不能錯過呀. 媽媽咪咪嘉年華舉辦既地點在亞洲博覽館, 係就係遠咗少少, 不過就係因為遠所以人流相對較少, 所以都不失為一個好處呢. 早上食過早餐後就開始呢個追星之旅啦. 

被"寵幸"的玩具

2015/05 

一直以來陶寶B每晚瞓覺都不是特別需要物件或公仔去陪瞓覺, 佢最需要陪瞓既就只有媽咪或嗲咃, 無呢兩個人就唔多掂. 但不知何解由呢個月開始, 每晚瞓覺前佢一定要攞住一些東西或物件先肯上床瞓覺. 

而呢些東西或物件真係咩都有, 例如係故事書, lego, 車仔, 波波, 真係應有盡有, 不過被"寵幸"(^O^)既東西大多係臨瞓前所玩既/所睇既物件. 

其實陶寶B攬住玩具瞓覺都不是一個大問題, 好多時莎拉都會襯佢熟睡時拎走件玩具, 點知試過有幾次陶寶B半夜扎醒時都仲記得件玩具, 真係估唔到小朋友係咁好記性呢. 

復活搗蛋we嘩充氣嘉年華

2015/4/6

復活節其實可以叫放電節, 因為多日假期一定要諗定節目俾小朋友玩, 不過玩咗幾日啦, 真係大人都已經謝謝地了, 所以到了最尾一日既假期要安排一些簡單些既玩意先掂. 剛好屋企附近攪了個we嘩充氣嘉年華.

場內有好多彈彈床玩, 陶寶B可以盡力跳跳跳啦. 場內有3種吹氣彈床及滑梯, 不過陶寶B仲細呢, 所以最驚險既滑梯就無俾佢玩了.