嘆茶

2015/8/15

連續好幾個週未都陽光譜照做beach boy, 呢個週末終於都天陰陰落大雨了, 本來約了朋友們大戰石澳都要取消呢, 所以就臨時改為尖沙咀室內活動啦. 原來都有好一陣子無去尖沙咀飲茶行街了,  發覺自由行真係比之前少了好多, 但係商場內既人大部份都係講"煲冬瓜"既人, 反而特顯自己講"廣東話"好似異類咁.

飲茶呢個節目其實陶寶B都好Like架, 問佢想食咩, 佢就一定會答:"我想食燒賣, 腸粉",  所以每次飲茶就一定要有呢兩種點心架. 

偽文青@Page One (37m22d)

2015/8/15 

因為都好耐無行海港城了, 所以搬了新位置的Page One都未行過, 襯今日下雨天, 不如就嚟書店打吓書釘做文青吧. 

新的Page One分上下層, 比起先前的舊鋪真係大了好多, 闊落好多呢. 兒童書既Section大了之外, 仲多咗好多玩具或小童新玩意呢. 陶寶B見到咁多新玩意當然要試吓玩, 玩的耐就索性坐地下休息吓. 

莎拉好喜歡呢間新的Page one, 因為人流少之餘仲要係本地人為主(終於都覺得自己係香港行街了)

陶寶B除了玩玩具, 都有佢文青既一面架. 

打書釘當然要搵個位坐架啦 (自己搵張椅當自己屋企咁), 之後就攞本佢既至愛Thomas 及 Peppa pig書慢慢嘆. 

陶寶B最鍾意就係會發出好多種聲音既Peppa pig書, 前前後後不斷玩咗幾次, 見佢玩得咁開心莎拉就開始擔心如果一陣要佢放底本書好可能會扭計唔肯走了, 不過又真係出乎意料之外喎, 陶寶B佢Loop了本書N次之後就自己主動乖乖將本書放回原位(可能讀到悶了吧), 機會難得呀, 莎拉仲唔順水推舟叫陶寶B同書店Say good bye, 所以呢有時心中諗住小朋友一定扭計時, 結果又偏偏相反呢, 真係永遠都估你唔到呢, 小朋友就係咁樣每次都俾唔同既驚喜/驚嚇/驚訝你呢.

唱唱古怪歌

由細到大陶寶B都係一個有拍子感既小朋友, 佢會好主動唱歌. 每當佢唱平時聽開既兒歌, 莎拉當然會認得啦, 但有時都會聽到佢唱一些完全估唔到既歌仔, 莎拉試過聽了兩日都估唔到(好似玩緊獎門人超級無敵估歌仔咁), 終於忍唔住問工人姐姐知唔知佢唱緊咩, 個答案真係估你唔到, 原來陶寶B係唱緊無線每日早上"創富坊"首歌呀, 真係俾100次機會我估都無可能估到呀.

 但問題係點解陶寶B會咁熟呢首創富坊既歌呢?! 細問工人姐姐原來係爺爺每日都會睇創富坊, 因此令到陶寶B對呢首歌耳熟能詳, 莎拉聽完姐姐既解說後立時滴汗加O咀, 出現一個陶寶B睇創富坊既畫面.

3歲生日hea遊澳門兩日一夜(下)

食飽後就向下一站目地的---澳門科學館(http://www.msc.org.mo/)出發啦. 過往從來都沒有想過會澳門科學館的, 不過既然是同小朋友去旅行, 行程上都要找一些親子玩意喔. 係澳門找的士真係好難, 所以我們就搭巴士去澳門科學館了. 而陶寶B一直都好鐘意搭巴士的, 呢個安排佢都好開心呀. 

澳門科學館既外觀真係夠晒Cyber, 令人立即想起外太空外星人呢類東西. 

髮型屋之初體驗

2015/8/1

話說陶寶B由出世到而家都從來未幫襯過髮型屋架, 佢過去既”飯碗頭”都係出自莎拉之手. 不過因為頭髮愈來愈厚了, 加上又要交學生相, 所以係時候出去搵人剪啦.

其實係上個星期六謝菲嗲哋已經單拖試過帶了陶寶B去了試剪架啦, 不過未坐定陶寶B就已經喊了, 所以上次完全係Mission failed.

因為有此經驗, 所以今次就係再次踏足salon前係屋企同陶寶b嚟個心裡輔導, 係屋企同佢玩幫公仔剪頭髮, 等佢打定底.

好啦, 到咗當日行到去salon門口, 陶寶b隻腳就已經踩break, 點都唔肯入去. 咁好啦, 唯有抱佢入去啦. 入到salon首先就坐係謝菲嗲哋大脾上等, 佢一路等一路就叫走, 仲要好似好想喊咁呢. 而莎拉就一路同陶寶B講嘢一路分散佢既注意力, 就係咁坐了10分鐘後就開始放鬆一些, 而期間陶寶B就係度觀察周圍環境.

愉景灣沙灘滑出Summer Fun 2015

2015/8/2 

今年既夏天天氣真係唔錯, 暫時只得有一個Weekend係下雨天呀, 所以莎拉已經係連續第N次去沙灘玩啦. 不過今次既沙灘活動就有少少唔同呀, 因為係有一條又長又高(有11米高)既吹氣滑梯免費任玩呢. 吹氣滑梯開放時間係由11am-6pm, 所以就先約埋朋友們搭10:30am既船, 陶寶B呢個笑容正正係未出發先興奮!!!