固執的玩童

大家都話小朋友2歲就係Trouble two, 咁3歲呢?! 咪就係Terrible three囉. 其實自從開始了幼稚園的生活後, 有學好既方面, 但同樣都有吸收了壞的. 事例就係鐘意扮嘢扭計, 仲要係”那”起把聲加埋誇張既面部表情嚟扭計, 唔知仲以為佢做緊話劇添呀. 

不過你有你誇張, 我有我鎮定, 你愈做戲我就愈唔理你, 因為當我行開唔彩佢時就會知驚. 

其實所有既扭計原因背後最大既因由都係因為”固執”及”自我”而引起. 有時佢要堅持既”固執”其實係一啲好無聊既嘢, 例如係想搭小巴而唔想搭的士, 係大人既眼內可能係好小事, 撘咩又有咩所謂呢, 但係小朋友既世界內今日搭咩車可能係重點節目呢. 所以有時俾陶寶B激到嘔電時, 唯有就想一想由佢小朋友既眼內去睇件事, 可能就可以令自己既怒火熄滅. 

送羊迎猴一二事

年廿八

年廿八就上了番禺準備過新年, 自從嫁咗之後都係改為年初一先上大陸, 不過今年老公話無咩所謂, 所以就改為年廿八就上番禺喔. 大陸地方大, 真係啲玩具擺晒出嚟都唔覺阻地方呀.

陶寶B婆婆娘家既傳統係會在搭正大初一時拜神及食午夜飯, 無錯係零晨12點像徵式要食飯. 要啲小朋友咁夜都參與唔瞓覺, 就當然係互相一齊玩呀, 睇吓電視啦.


雖然話就話係像徵式, 但都係有湯有幾個餸架, 同埋重點係要添飯, 所以先前食果餐團年飯都係食少啲嚟應付呢餐午夜飯. 陶寶B今次都係第一次參與食午夜飯, 所以當佢夜嗎嗎成檯餸時, 真係當堂呆咗一呆. 不過好彩有個表表姐係度Lead住佢, 所以陶寶B都乖乖地食咗呢餐午夜飯.

年廿七- 行年宵

2016/2/5

新年又點可以唔行吓年宵呢? 陶寶B今次都係第一次行年宵, 所以樣樣對佢嚟講都係好新奇熱鬧. 一係就唔行, 要行就行個最大既年宵, 當然就係維園果個啦. 

可能因為係星期五既關係, 所以都未算係好多人, 起碼自拍時都仲有位影.