Wedding vendor review - 帝京酒店 (證婚埸地)

係時候輪到開始寫商戶評分啦!
**************************************************
商戶: 帝京酒店 (地中海花園)
評分: 3.5分  (最高5x)
**************************************************

一直渴望一個可以在室外既婚禮(因為可以禮成時吹啲肥皂泡), 當然可以係草地上行禮就Perfect, 但係要完成呢個夢想實在會一再令我over budget啦, 所以最後我們選擇咗帝京酒店7樓既地中海花園.

包場2小時價錢都只係$380X(不包括證婚律師), 相比係一啲證婚公司30min既package其實係價錢唔算貴. 有2小時既時間可以同啲親戚朋友慢慢影相, 唔需要急住交場.

地方都好寬落, 當日場地有成約70人-80人, 當都唔覺得好擠迫 (當日酒店Set咗約60個座位給我們), 雖然package註明係容納50人, 但係酒店都沒有charge我們, 好彩好彩!!!

呢個就係進場既走廊, 唔算太長, 但唔會覺得濟迫

迷戀越南粉-Pho24

謝菲同我都係越南粉既die hard fans, 因為以前係加拿大既時候, 有好多越南人開既越南粉餐廳, 最正宗既又最好味就係Montreal既越南粉啦, 真係"百食不厭"!!!

謝菲鍾意食既程度可以用瘋狂嚟形容 (真係要叫佢做"Pho仔"). 所以返到嚟香港後, 每次有出名及又話自己係正宗既新開張越南粉餐廳, 我地都會去試吓.

我地對越南粉都食得好高要求, 首先個湯一定要夠熱 (唔熱真係好難食架!!!), 其次就一定要有生芽菜及九層塔, 再者就要有"是拉差辣椒醬"及"甜醬",,,,講到自己好似蔡瀾咁!

沙田新城市廣場新開張一間過江龍既越南粉-Pho24, 新開張仲有special, 生牛肉粉都係賣$26咋!!!  我地呢晚座係Bar檯位, 對住個open kitchen, 窗邊仲有好多乾既越南粉呀!!!

Wedding vendor review - Wendy's Bridal Salon (晚裝)

係時候輪到開始寫商戶評分啦!
**************************************************
商戶: Wendy's Bridal Salon
評分: 5分 (最高5x)
**************************************************

我係Wendy度租咗1件婚紗及2件晚裝既package係$488X. 我自知自己著唔到啲內有"呼拉圈"既公主型晚裝款式, 所以一開始就Target A-Line 款式. 最後就揀咗一件銀色及米黃色既晚裝.

結婚之一日去Wendy度攞衫時, 再著多一次上身既時候, Wendy就俾咗個surprise我, 就係一裙兩著!!! 因為其實件銀色晚裝係兩件加埋一齊而組成既, 所以Wendy就整咗一條紫色加個好閃既扣針既腰帶俾我用嚟可以就咁與件底裙著, 當另外一個清清地既款式用嚟切結婚蛋糕著.

雖然呢個"一裙兩著"既另外一款只係有少少唔同, 但Wendy對新娘子既個一份細心真係好好, 滿足到我呢啲又想玩吓花款既煩麻友!!!

呢個就係一裙兩著既#1及#2

   

Wedding vendor review - Wendy's Bridal Salon(婚紗)

係時候輪到開始寫商戶評分啦!
**************************************************

商戶: Wendy's Bridal Salon

評分: 5分  (最高5x)

**************************************************

婚紗鐘情於簡單既款式, 自己之前都係試過啲重釘功, 魚尾styel, 公主feel啲既, 但係全部著起都唔似自己, 加上希望N年之後睇番啲相, 都唔會覺得out, 希望可以係classic, 所以最後都係A-line多紗既裙加上腰間有一排閃石, 當時著上身就知呢條係The One, 非常襯自己!

Wedding vendor review - Wendy's Bridal Salon(裙掛)

係時候輪到開始寫商戶評分啦!
**************************************************
商戶: Wendy's Bridal Salon
評分: 5分  (最高5x)
**************************************************

雖然起初有諗過Cocoon既潮掛, 但係唔想一再out budge啦, 所以就係Wendy度租開衫, 見佢有裙掛就look一look啦, 當時有試傳統既裙掛款式, 但係都好似唔係我想要既(已經年齡唔細啦, 著起顯得更加老成). 最後揀呢款另類新潮掛,傳統得嚟又有啲特別 , 當日試既時候已經好鍾意架啦!

Yahoo搞咩嘢,,,,,,怒呀!!!!

呢兩日不斷見到有唔少Blogger投訴啲婚後物資post俾yahoo delete晒,,,,,

我自己個5篇婚後物資既post都走唔甩俾Yahoo剷走咗,,,,,有無搞錯呀,,,,,離晒鋪,,,,,Yahoo真係好鬼麻煩, 好彩我自己啲婚後物資賣得7788, 如果唔係咪又要從新整過....

一個字形容,,,,怒呀!!!!Yahoo係咪想俾我地班Blog友聯合抵制呀,,,,,

燒烤後要涼一涼-糖百府

復活節假期, 最好當時係約吓朋友仔聚吓啦. 星期六就揀咗BBQ呢個活動, 成班friend去咗西貢既燒烤大王度BBQ, 長途馬拉松既BBQ後, 食完啲咁熱氣既嘢食加上對住個炭爐幾個鐘, 個人好想食啲涼涼地既嘢Cool一Cool佢!!!

搭小巴出番旺角落車附近就有間糖百府, 好耐無食個佢既棉花冰啦, 就沖入去食甜品降一降火啦,,,

我就點咗個綠茶紅豆冰涼粉,,,,好好味呀, 最鐘意佢啲綠茶味既涼粉,,,,,呢個係我既至愛, 食完之後立即成個人涼晒,,,,,Cool!!!!