聖誕cupcake (附有食譜)

之前提過莎拉迷上整cupcake既其中一個動力就係因為聖誕party想整啲特別既食物招呼吓朋友們. 食譜主要係在網上左搵右搵, 最後就用咗呢個朱古力cupcake食譜! 而家同大家share吓, 襯呢兩日假期可以整吓cupcake嘆加杯coffee嘆一嘆, 簡直係perfect match呀!

Merry christmas

今年係陶寶B既第二個聖誕, 大個仔已經可以陪媽媽食聖誕餐, 仲食埋蛋糕添!!! 

祝各位有個Warm and sweet既聖誕節!!!

迷上cupcake

繼迷上整麵包之後, 莎拉近來又戀上整Cupcake, 真係"幣架火"啦. 點解會突然之間挑起條筋走去整cupcake呢?!!! 因為就快到聖誕節啦, 今年家中會搞2個party, 所以就想整聖誕cupcake嚟招呼吓朋友呀, 上年專登買啲christmas cupcake一啲都唔平(C9本色又再出現!!!!), 所以不如今年就試吓自己整呢. 

莎拉真係N年無整Cupcake啦, 以前就算整都係沒有icing果種呢, 所以玩唧花都係第一次呀! 經過第一次既唧花practice之後, 莎拉就好似迷上了唧花呢個小玩意, 接下來既整個星期就狂上youtube睇video學唧花, 睇咗就當然要實習一吓呢, 今次就試咗個雙色唧花, 好靚呢!!!!!

小陶上番禺

2013/11/9

呢個Weekend有個特別任務就係同太公公慶祝89生日, 所以星期六就一早出發上番禺啦. 上一次返大陸時陶寶B才7個月, 仲要係搭船返去, 而今次就係搭巴士, 莎拉對陶寶B能否忍耐長達差不多3小時既車程有啲疑問. 

早上搭9:30am車, 上車前仲係好似未瞓醒, 成個檬檬豬咁! 開車後, 出奇地陶寶B就好乖乖咁自己望吓車外既風景自娛成個鐘. 好快就到咗深圳灣快快腳就過關呢, Yeah!! 上半part既車程係成功既!!!! (呢位小朋友好不滿莎拉影佢相!!!)

我們的第15個年頭

Dearest B, 

與你一起已踏入第十五個年頭了, 如果換了係結婚週年的話, 15週年係叫水晶婚(crystal), 喻意晶瑩而通透, 純樸無瑕及不易破. 

復古型小綿羊行李箱 - skoot case

莎拉又有BB新玩意啦, 登登登登,,,,,就係小朋友既復古型小綿羊行李箱啦!!!!

其實之前都一直有打算買個小朋友既行李箱俾陶寶B, Trunki及SkipHop都係大路牌子. 不過莎拉唔係太鍾意Trunki啲公仔. 而SkipHop既pattern得意, 不過就只可以拉無得座, 所以兩個都唔係最想要呢.

卡通麵包

雖然暫時陶寶B食嘢, 未會因為個做型可愛或得意而引起佢既食慾, 但係玩得造型麵包, 當然要試吓整卡通麵包呢, 就算自己食都會食得開心啲呀. 暫時試咗整呢三款麵包, 麵包超人及Bear bear麵包.

17th month成長之路

體重及身高 

自己係屋企用磅度過, 陶寶B而家重約25磅啦, 近來同陶寶B出街, 謝菲用Hipseat孭佢時, 連佢都話好重, 孭完佢好似散咗咁, 鬼咩, 出街時嗲嗲孭住陶寶B, 仲要孭埋個奶粉袋, 加加埋埋差不多孭咗成40磅嘢上身, 唔散就奇啦. 所以睇嚟好快就要出動用較為輕便既士的stroller出街啦. 

陶媽媽生日-Sorriso

2013/11/4 

又一年啦, 又大一歲了, 以前細過既時候, 每年對自己既生日係好重視同埋好快就答到人地自己幾多歲, 但而家就唔同啦, 每年生日真係要計一計數先知自己幾多歲呢. 今年正日生日係星期一, 所以都係諗住放底陶寶B, 同謝菲二人世界食個晚飯呢.

早上時已問謝菲會去邊度食, 佢就固作神秘, 只係話係I-Square. Um,,,好啦, 等到放工啦, 相約好就一齊向尖沙咀出發哦! 差不多去到I-Square, 問謝菲食邊間, 佢就話食"上海婆婆", 莎拉就答"好呀, 我今日下午去咗飲茶仲有啲飽, 食中國嘢好過食西餐, 無咁heavy呢".

點知去到I-Square既水牌位, 莎拉仲懶醒咁話"咦, 上海婆婆係6樓呀", 點知謝菲話"係29樓唔係6樓呀!!!" 莎拉就快速咁望到29樓得兩間餐廳: 一間係"阿一鮑魚", 另一間係"Sorriso Italian Restaurant". Um,,,,心諗唔係會係中菜"阿一鮑魚"咁驚喜呀, 應該係另一間西餐廳似樣啲.

電梯門打開, 答案問估啦, 無錯係"Sorriso"!!! 謝菲一早已book定window seat, 29樓望住咁靚既維港夜景加上有live music, 真係perfect, 不過可惜今晚有少少雨, 影響咗少少.

迪欣湖野餐記

2013/10/13

踏入10月份, 聞到秋天既氣息啦, 戶外活動又可以開始啦. 諗起秋天, 莎拉就諗起野餐. 其實一直都好想試吓野餐, 因為總係覺得會好好玩既一個戶外活動. 重陽節既Long weekend難得有三日假期, 就不如一家三口嚟個野餐. 我們的第一次野餐就揀咗去迪欣湖, 莎拉係5年前都去過迪欣湖, 當時對佢印象係又熱又無嘢玩. 但係今次就唔同啦, 雖然有好多人嚟玩, 但係地方夠晒大, 一啲都唔覺得擠迫, 加上係呢度唔多見有B6人, 真係唔錯呀. 

陶寶B人生第一次面試

2013/11/2

9月份既時候, 一口氣幫陶寶B報咗約6間Nursery, 估唔到咁快就收到信要11月就要interview. 陶寶B係6月尾出世, 所以佢應該都算係報名範圍中既細B一族. 雖然陶寶B現時已經16個月大, 但係都唔太識講嘢(暫時只識bye bye), 所以莎拉都係抱住旨在參與及見吓世面既心態去帶陶寶B出席佢人生既第一次Interview. 

今次Interview既係迦南幼兒園(富榮花園分校), 收到既面試時間係11am, 呢個時間好多時都係陶寶B上午nap time, 所以都預計到佢會扭眼瞓, 所以莎拉只係要求陶寶B唔好"咬"腰大喊及扭計就已經足夠. 

iimo車隊出動

2010/10/6

自從賣咗架iimo三輛車之後, 陶寶B就join咗個iimo車車隊啦! 之前係8月搞過一次放車活動, 不過正值夏天, 莎拉覺得太熱啦, 所以果次沒有參加呢. 不過今次活動係10月舉行, 真係秋高氣爽, 最適合就係戶外活動架啦. 

自從買咗架iimo車車後, 除咗係屋企樓下平台玩過, 都未真正係公園放過車呢, 所以今次既活動一定要參加呀. 今次放車大會係佐敦谷公園舉行, 一早已聽聞佐敦谷公園有個靚草地, 所以莎拉十分期待呀. 

16th month成長之路

嚴重甩blog啦, 莎拉覺得已經去到警戒線, 可能而家夜晚用多咗時間去整麵包, 所以搞到少咗時間update. 見到其他blog友仔顯示有update都無時間click入去探吓你地. 

體重及身高

都係果句今期無機會上磅及度高, 所以都唔太清楚實施增長幾多呢. 不過當陶寶B座上BB車時, 雖然就好似好大個, 但係一睇佢流口水就知佢仲係BB一名呢. 

恭喜姨姨新婚快樂

2013/10/19 今日係莎拉既細妹大婚之日, 所以真係天都未光莎拉就到達出門酒店W Hotel準備化妝啦. 當然陶寶B就唔會跟住莎拉咁早起身啦, 留番佢同謝菲及工人姐姐遲少少才到.

話晒都係半個主人家, 陶寶B當然要著得隆重啲啦, 早上就著件Sharp醒紅色格仔恤衫加黑色煲呔, 咁樣先可以match番架啦, 不過可能始終都係太早啦, 所以陶寶B個樣有啲未瞓醒.

西九龍海濱長廊甩轆遊

話說星期日本來想去沙田同陶寶B踏吓單車, 但因要同家人飲茶, 所以唯有改Plan搵啲近市區既地方玩啦. 之前聽聞西九龍海濱長廊有單車可以租, 咁上網Search過, 間單車鋪係6月份時仲係度, 咁應該沒有問題啦. 飲完茶就搭的士過去西九啦!

再嚟Homemade Pizza

估唔到莎拉出咗個兩篇有關麵包機整既麵包blog之後, 就"鳥"起大家條筋呢!!! 哈哈哈, 等莎拉加多兩錢咀頭, 出多啲post, 導吓大家買部麵包機先(莎拉正一係魔鬼媽媽呀!!!!) 

麵包機除咗可以整麵包之外, 仲可以整埋pizza添, 因為麵包機有麵團模式, 分別係麵包, 薄餅及餃子. 莎拉整造型麵包就係用麵團模式, 所以今次就試用佢既麵團模式既薄餅mode. 

其實莎拉都明白整麵包及pizza既麵團係唔一定專要麵包機, 當然自己人手去搓都可以, 但係用麵包機就可以代勞攪粉及搓麵團呢啲工序. 自己整pizza當然係自己想食咩就落咩料啦. 平時出去食pizza永遠都覺得啲料唔夠多cheese太少. 嘩!!!今次莎拉呢個自家製pizza就落足料, 有pepperonic, 洋蔥及加咗勁多mushroom, 勁多cheese(仲要係3種cheese), 焗既時候全屋都係cheese既香味真係wonderful. 200C焗18-20分鐘就有新鮮熱鬧香噴噴既Pizza食, 其實真係好方便. 

BB Party慶中秋

之前都一直有同一班2012-7月油尖旺區既媽媽自己閒時自組playgroup, 而今次就再下一城, 搞咗個迷你party慶中秋啦.

因為都有成10多個大人加8個BB, 所以就係觀塘Comma Party 租咗個party room 3小時啦. 之前係facebook都見到有comma party, 仲好似呢期好興呢.

迷上整麵包(附有湯種法食譜)

自從莎拉用咗一個極大既理由(整健康麵包俾陶寶B食)而成功說服自己及謝菲買部P牌麵包機之後, 莎拉就未試過再買麵包啦. 因為如果食過自家製既麵包之後, 真係食唔返轉頭啦, 鬼咩食過好嘢點可以食番差既呢. 所以自此之後就迷上整麵包啦, 莎拉就差唔多每兩至三日就整一次麵包. 起初跟說明書內既麵團份量, 但係麵包放多二日就會變得好乾, 所以就試加湯種整麵包, 出嚟效果真係鬆軟好多呀. 另外自己整麵包可以加啲小麥粉代替部份高筋麵粉, 咁就可以食得更加健康啦.
平時買麵包時見到不同既麵包造型, 睇就以為好容易, 但原來自己動手整時就先知一啲都唔容易, 真係要練習多啲整多啲先可以呀.

挑戰造型麵包

試咗用麵包機整咗幾次焗方包之後, 開始有啲悶啦, 而麵包機既另一程式就係整麵包麵團, 所以可以試一試呀. 整麵團程式大約1小時, 之後就要取出麵團分出10份再待15分鐘待鬆弛才可以整造型及包涵. 第一次整造型麵包, 當然係整啲容易準備既涵料, 最簡單既莫過於腸仔包及吞拿魚包呢. 

陶嗲嗲生日

又一年啦, 今年謝菲生日本來想放底陶寶B, 二口子去嘆個Buffet, 但點知謝菲生日當日有啲感冒呢, 所以臨時改咗plan, 簡單啲不如去食燒肉啦, 諗起公司附近有牛角, 原來從來都未試過, 不如近近地就食呢間當慶祝謝菲生日啦. 

加拿大親善之旅 - Toronto Day 1

一星期在Montreal既旅程真係話咁快就完結啦, 今日就要搭12pm飛機去多倫多呀, 雖然只係1小時既機程, 但係每次飛都好怕陶寶B會扭計, 加上今日搭上午機, 陶寶B一定會精力旺盛呢. 陶寶B在Check in後, 係boarding gate都好活躍, 佢仲好想落地玩呢. 同小朋友去旅行好多行李架, 首先架BB車就一定架啦, 之後就係一喼既Hand carry, 內埋差不多全部都係陶寶B既用品, 例如係玩具, 外套, 輕便被仔, 食物, spare衫仔. 再加埋個媽媽袋, 真係一抽二 lung, 分分鐘會漏拎一件架. 

15th month成長之路

又一個月啦, 睇吓呢個月既成績表先!!!

體重及身高

今個月沒有機會磅重及度高, 不過覺得重量都應該係差唔多. 平時同陶寶B出街時, 好多人都估佢有歲半呢, 因為佢身長呢, 所以錯覺感得佢好大個呢. 

新玩具 - 麵包機

未結婚未有小朋友時, 一直覺得麵包機呢一樣電器係極度無聊, 因為買麵包咁方便, 麵包又唔係貴喎, 買嚟把鬼咩. 哈哈, 宜家莎拉終於知道點解要買麵包機啦, 原來就係因為想小朋友食得健康. 最大推動力其實係因為陶寶B呢一排餵飯有時好扭計, 但俾麵包佢食就自己食得好好喎, 加上遲啲會慢慢早餐都俾包類佢食, 咁如果買出面既軟包, 又要買啲比較靚既麵包, 一來價錢真係唔平, 二來始終自己動手整一定健康啲, 所以就最後都買咗部P牌麵包機啦. 

加拿大親善之旅 - 親親大自然

係香港想親近大自然既機會真係比較少, 而想係香港搵一幅大草地, 可以任由你踩真係唔多選擇, 所以陶寶B自出世之後都未試過近距離接觸花花草草呢. 

加拿大親善之旅 - Montreal Day 6

嚟到加拿大, 買吓outlet嘢一啲都唔少得呀, 所以今日一早既行程係同陶寶B先Shopping吓先! 天氣真係日日都咁好呀.

沙灘小dee dee

 2013/08/11

見到天文台預計呢個星期日陽光譜照, 而過多幾日就係變番成個星期落雨, 所以今個星期日決定帶陶寶B去沙灘玩一玩. 其實之前都帶過陶寶B去赤柱沙灘, 但上之只係就咁濕吓腳, 所以正式嚟講, 今次係陶寶B第一之去沙灘玩水. 

加拿大親善之旅 - Montreal Day 5

雖然莎拉係呢個城市Montreal生活咗好多年, 但係每次返嚟都係會Old port, 或者叫Old Montreal.

加拿大親善之旅 - Montreal Day 4

點解莎拉會叫今次加拿大之旅為親善之旅呢?! 因為朋友親戚們都係第一次見陶寶B, 而呢位小BB又令所有人都好開心, 佢成個親善大使咁, 所以呢次咪係親善之旅囉.

一眾朋友們大都已成為媽媽了, 所以大家既gathering活動都以親子為主.

搬家到Blogspot

終於都要搬啦!!!!

當Yahoo Blog一發放摺埋既消息, 莎拉就同一眾Yahoo Blogger一樣四圍去搵新既blog平台. 新既blog平台最緊要可靠, user friendly及盡量是大部份yahoo用家都會搬去既地方. 所以最後莎拉就搬去Google 既 blogspot (blogger), 因為好似已經有好多blog友最後都選用了blogspot.

雖然初初用真係有啲唔適應, 但試用後都好似唔錯! 另一個接下來要做既就係搬舊既article到新地方, 雖然未開始, 但希望可以順利啦.

新地方就好似新居入伙, 要裝修吓, 所以莎拉都換咗個新既header及background!!! 莎拉都係第一次自己整, 雖然仲有啲地方可以執得靚啲, 但係莎拉都已經好滿意呢.

大家記住及follow番莎拉呢個新既blog啦, 各位blog友仔keep in touch: http://sarahcakeblog.blogspot.hk/

6月龍B生日會

莎拉雖然有加入啲BB會, 但一直都無參加過任何活動, 因為謝菲覺得一個人都唔認識, 所以唔多想參加. 雖然係咁但都有例外既. 莎拉提咗好多次, 想陶寶B參加6月龍B生日會, 最後謝菲都話好呢, 因為生日會地點係圓方, 比較近屋企, 所以今次無問題呢.

Yahoo! Blog將關閉

今日中午自己個blog頂見到呢個重要事項時, 真係有啲激氣呀!!!

上一次約2年前, 已經因為yahoo blog要全面upgrade, 搞到我們一眾blog友人心煌煌, 因為好怕多年所寫下既心血會無晒, 所以紛紛自行作備份. 唉~~~估唔到今次仲大鑊, Yahoo Blog直頭執埋唔俾你玩啦, 真係吹脹!

其實自從上一次upgrade後, yahoo blog已出現好多毛病, 例如blog主自己reply啲comment時, 佢會同時send email俾翻blog主; 另外有人留言時, 未必會send email通知blog主, 就係呢兩樣已經令人煩厭!!!

雖然而家yahoo blog會提供back up及搬家服務, 但係又要搵過另一個blog site, 真係好煩.  同埋莎拉對Yahoo! blog真係有個情意結, 因為呢個blog記錄了自己由籌備婚禮到結婚當日, 再由有咗陶寶B到佢而家出世後既成長, 我用Yahoo blog記錄了呢一切, 因為怕有一日自己會忘記了呢.

雖然可以搬blog, 但係好怕同咁多blog友失散呢, 雖然莎拉唔知有幾多人會睇自己個blog, 但莎拉自籌備婚禮時已一真browse開一堆blog友, 如果第時大家唔再使用同一個blog site, 真係會lost contact呢. 真係諗起都有啲灰呀!!! 希望之前同陶寶B整既Fans page可以keep到同各blog友既聯係啦.

6月龍B生日會

莎拉雖然有加入啲BB會, 但一直都無參加過任何活動, 因為謝菲覺得一個人都唔認識, 所以唔多想參加. 雖然係咁但都有例外既. 莎拉提咗好多次, 想陶寶B參加6月龍B生日會, 最後謝菲都話好呢, 因為生日會地點係圓方, 比較近屋企, 所以今次無問題呢.



生日會係3:30pm開始, 第一次帶陶寶B見到咁多BB, 之前都有啲擔心佢會唔會失控. 搵個位座定定後, 就同同檯既BB打個招呼, 識吓女仔先得.
呢位靚女BB笑得好Sweet呀.



話晒都係生日一份子, 戴番頂生日帽開心吓先.



見到有個遊戲墊喎, 同陶寶B埋去8卦吓先. 嘩好多好多BB呀, 陶寶B係咁亂趴, 玩一陣就捉番佢先.



今次既活動搞手都係第一次搞BB會活動, 佢地好有心機佈置得好靚, 老實講, 要搞一個有50個bb再加家長既party真係一啲都唔易, 換轉莎拉就真係搞唔掂啦, 所以好佩服她們呢!







搞手仲安排咗啲兩個親子活動俾BB呢. 第一個就係親子Cookie, 今次就等謝菲出馬啦, 因為莎拉啲藝術細包係接近零. 陶寶B就被謝菲單手抱住, 之後另一隻手就畫陶寶B既一歲Cookie.



雖然係親子Cookie, 但其實陶寶B係幫唔到手(唔倒亂就已經好啦), 佢最合作就係乖乖地座係謝菲度就已經係最幫到手啦.



畫完塊Cookie, 食番啲嘢refresh吓先得. 今次既活動係包埋嘢食架, 有Nachos, buffalo chicken wing, mini burger, 真係唔錯架,



連陶寶B都要試吓個Mini Burger............個麵包!!!



另外仲每人包2杯drink添, 陶寶B同謝菲就係Bar度order嘢飲.



食過tea後就再玩第二個活動啦, 就係整手印, 陶寶B細個時都試過整, 不過今次一歲大就唔好似再似細個時唔反抗呢.



同佢印咗啲油係手掌度, 諗住按佢隻手落個畫框度, 點知佢揸實個拳頭係度反抗, 所以陶寶B人生既第一幅畫就係一幅好有深度抽象畫呢.



玩完印手手, 就去餐廳出面行吓影吓相, 剛好陽光有啲日落Feel, 好靚呀.



今日生日活都差唔多到尾聲啦, 影咗張大合照, 之後抽獎時莎拉仲抽到禮物呢.



今次活動搞手真係好有心思呀, 因為佢為所有參加既BB影咗張合照, 之後即時打印出嚟呢.



除此之外, 仲為每個參加既BB整咗個有自己名既小cushion呢, 另外仲有好多sponsor既禮物sample.



今日就開開心心玩咗半日, 第一次見到咁多BB都無扭計, 好彩陶寶B都無蝦人呢, 抵錫!