加拿大親善之旅 - Montreal Day 6

嚟到加拿大, 買吓outlet嘢一啲都唔少得呀, 所以今日一早既行程係同陶寶B先Shopping吓先! 天氣真係日日都咁好呀.

點解嗲嗲會咁抱陶寶B, 咪就係因為有人PooPoo囉.......

下完街之後, 就到lunch啦. 今日最後一日係Montreal, 點都要食多次越南粉呀, 因為實在太鍾意食啦. 今次細佬就帶我地去食一間好出名既雞湯越南粉. 平時食開既越南粉都係用牛骨湯, 所以今次都係第一次食雞湯越南粉, 效果又真係出奇地夾呀, 飲晒成碗湯都唔覺口乾呀.

 

 而呢度仲有一款叫"雞雜沙律", 酸酸地既菜加爽爽既雞雜, 又幾好味喎. 

另外粉卷都係唔錯既選擇呀.

食越南粉時就最好配番杯越南咖啡, 咁就完美啦. 

大人就嘆越南粉, 陶寶B就嘆佢既私家飯仔, 大家都咁Yummy. 

不過似乎佢就愈食就愈眼瞓呀, 打晒喊路咁!

食完lunch後, 莎拉就交低陶寶B俾婆婆, 同謝菲出downtown行街街拍拖嚟個二人世界!

Montreal downtown最旺既街道相信非St Catherine莫屬, 呢條街隻中好多shopping center及名店, 有啲似香港既銅鑼環. 莎拉都曾經係呢條街留下唔少腳毛呀. 另一個Montreal既特色係教堂林立, 仲要係一啲好有歷史既教堂.

St Catherine除了係行街shopping既好地方, 仲有唔少睇table dance既店呢. 

Montreal呢度大部份既building都唔會高, 仲會見到啲舊building既牆上有graffiti, 其實莎拉真係好欣賞, 因為啲graffiti為沉悶及千篇一律既building帶嚟生氣. 

夜晚就出街食飯, 嚟到美加無理由唔食ribs架. 其實莎拉都好鍾意食ribs架, 因為食ribs時一定要落手食, 食到最後手指都"lam"埋, 真係finger licking good呀!!! 今次就試咗呢間Madisons New York Grill & Bar. 

呢個賣相唔多給引既係crab cakes, 味道同個賣相一樣唔多掂呀.

呢個係炸魷魚, 味道ok啦, 沒有什麼驚喜呢.

呢個係nachos with spinach cream sauce, 平時nachos點cheese就食得多, 今次都係第一次點cream sauce, 一大班朋友食就真係唔錯呀.

到咗主菜啦, baby back ribs,,,,,味道係期待既BBQ sauce, 相信呢間既Ribs唔係the best, 但係都係一個合格既ribs呀!