沙灘小dee dee

 2013/08/11

見到天文台預計呢個星期日陽光譜照, 而過多幾日就係變番成個星期落雨, 所以今個星期日決定帶陶寶B去沙灘玩一玩. 其實之前都帶過陶寶B去赤柱沙灘, 但上之只係就咁濕吓腳, 所以正式嚟講, 今次係陶寶B第一之去沙灘玩水. 

今次就揀咗去屯門既黃金海灘, 因為屋企附近有車直接到沙灘, 夠晒方便呀.

平時同陶寶B出街都已經多嘢架啦, 今次仲要去海灘添, 真係連謝菲都要幫手出動背包呀. 陶寶B上咗車無幾耐就瞓著咗啦, 咁就Good啦, 因為叉一叉電, 咁一陣就有精神去玩啦. 去到黃金海灘都差唔多10:30am, 可能時間仲早, 所以沙灘未見太多人, 相比起平時去開既石澳, 呢度真係好似少人啲呀. 雖然只係10:30am, 但係已經好曬好熱啦, 所以謝菲就走去租番一把沙灘傘先得呀!

之前聽過有啲媽媽話BB怕玩沙及怕玩水, 不過睇嚟陶寶B絕對無呢個問題, 仲係一個summer beach boy添. 

佢真係好大膽呀, 仲想行出啲玩去玩浪.

佢座係沙上玩, 佢第一次掂啲沙, 個樣好新奇, 隻手仔一手執起啲沙玩, 好搞笑. 陶寶B你用手玩好啦, 唔好放入口食就得啦. 

今日就帶咗個沙扒玩具嚟, 不過陶寶B好似唔多識玩, 佢仲未真係發現到玩沙既樂趣呢.

莎拉一拍埋去同陶寶B度, 佢就白雪雪, 莎拉就明顯黑好多啦. 

 陶寶B, 你咁白, 係咪用SPF70既太陽油呀?!

 呢個小朋友唛沙灘唔係玩沙, 而係玩太陽油之真呀! 不論同邊個影相, 都係揸住支油既.

今日真係太陽好猛烈呢, 所以玩咗一個小時後, 都係時候準備沖身走人去翻黃金海岸個邊食Lunch啦. 今次就去咗呢間" "食, 嚟之前其實係Openrice度已經 seach定食咩嘢架啦. 今日就試吓呢間Ebeneezer's啦. 

今次就叫咗個curry chicken rice 及 chicken pita, 莎拉都係為咗個pita而嚟, 不過太肚餓啦, 所以連相都唔記得影呢. 

食飽就係黃金海岸行咗一圈, 上次嚟已經係N年前啦. 對黃金海岸既印象係停留係以前中學時代搵人影寫真相既年代呢, 唔知呢度有幾多blog友仔N年前好似莎拉咁曾經係黃金海岸搵人影過寫真相呢?!!! 諗番起真係old school到爆, 自己都打冷震呢. 今時今日既黃金海岸已經唔同晒啦, 就圍都擺咗啲攤檔, 不過真係無咩嘢啱睇呢, 所以不如早啲返屋企再游個靚水爽一爽啦.