BB Party慶中秋

之前都一直有同一班2012-7月油尖旺區既媽媽自己閒時自組playgroup, 而今次就再下一城, 搞咗個迷你party慶中秋啦.

因為都有成10多個大人加8個BB, 所以就係觀塘Comma Party 租咗個party room 3小時啦. 之前係facebook都見到有comma party, 仲好似呢期好興呢.

Party room既費係以每小時每個人計既, 費用係包埋嘢飲(其實係你可以係打開佢地個雪櫃自己攞嘢飲, haha, 都幾free架), 至於食物方面, 佢地有啲party room有煮食設備或者可以叫外賣都無問題(不另收費架), 所以最後我地就order咗外賣 (乾手淨腳!!!) 小朋友就首先自己自由活動吓Warm up 吓先, 大人就襯呢個時候食啲嘢先.

雖然大個都係6月7月BB, 但原來學行既進度大家都有所不同, 陶寶B算係行得好自如既其中一位呢, 所以佢就全場係度周圍行.

有位媽媽仲帶咗個帳篷嚟玩增加歡樂氣氛呢.

陶寶B因為自己已經可以掂行掂過, 所以佢就係搗蛋個位, 入到去個帳篷玩兩玩就企起身, 一時就想走出嚟, 一時就想拆個帳篷, 真係八厭到無朋友呀.

陶寶B你想點呀, 座係個tent門口度阻住晒喎!!!

一眾媽咪們最想就係影張BB大合照, 大人影大合照就話易姐, 同BB影真係好難呀, 媽咪們又出動餅餅, 又出動玩具, 終於都叫做影到呢張BB大合照啦.

之後就成班BB玩吓彩虹布先(哈哈哈, 啲媽咪真係好犀利, 連張咁大張彩虹布都有, 勁呀!), 陶寶B都係第一次玩彩虹布咋, 莎拉見有啲BB好驚驚呢仲喊添, 不過陶寶B就好似玩得好開心, 仲係彩虹布下面走嚟走去呀.

玩咗咁耐都係時候俾一眾BB食吓奶叉叉電先, 陶寶B都食吓餅先. 不過有啲BB飲完奶之後都瞓咗啦.

差啲忘記今日既Party theme係中秋party, 當然要整番個DIY燈籠應節啦.

莎拉同陶寶B既大一個親子作品 (好肉酸呢!!!), 下次都係留番俾有Art 天份既謝菲整啦.

連陶寶B都唔滿意呢個DIY燈籠, 所以搵個背脊"duk"住莎拉呀!!!