迷上cupcake

繼迷上整麵包之後, 莎拉近來又戀上整Cupcake, 真係"幣架火"啦. 點解會突然之間挑起條筋走去整cupcake呢?!!! 因為就快到聖誕節啦, 今年家中會搞2個party, 所以就想整聖誕cupcake嚟招呼吓朋友呀, 上年專登買啲christmas cupcake一啲都唔平(C9本色又再出現!!!!), 所以不如今年就試吓自己整呢. 

莎拉真係N年無整Cupcake啦, 以前就算整都係沒有icing果種呢, 所以玩唧花都係第一次呀! 經過第一次既唧花practice之後, 莎拉就好似迷上了唧花呢個小玩意, 接下來既整個星期就狂上youtube睇video學唧花, 睇咗就當然要實習一吓呢, 今次就試咗個雙色唧花, 好靚呢!!!!!

點解女仔咁鐘意cupcake, 咪就係因為個"靚"字呢. 莎拉呢個cupcake receipe係來自"大蚊廚房" 好多cupcake都係用buttercream icing, 但係當你睇到所用既牛油份量就係打冷震, 因為實在係成磚牛油咁食落肚呢, 所以莎拉真係怕怕呀. 因此就改用cream cheese icing, 相對用少好多牛油, 加上食既時間, cream cheese微微既酸味配上微甜既cupcake真係又出奇地夾呀, 食起上嚟guilty既感覺都無咁重呀!