小陶上番禺

2013/11/9

呢個Weekend有個特別任務就係同太公公慶祝89生日, 所以星期六就一早出發上番禺啦. 上一次返大陸時陶寶B才7個月, 仲要係搭船返去, 而今次就係搭巴士, 莎拉對陶寶B能否忍耐長達差不多3小時既車程有啲疑問. 

早上搭9:30am車, 上車前仲係好似未瞓醒, 成個檬檬豬咁! 開車後, 出奇地陶寶B就好乖乖咁自己望吓車外既風景自娛成個鐘. 好快就到咗深圳灣快快腳就過關呢, Yeah!! 上半part既車程係成功既!!!! (呢位小朋友好不滿莎拉影佢相!!!)

下半part既車程, 陶寶B上車後無幾耐就瞓咗, 連莎拉自己都瞓埋一份呀! 呢位小朋友好合作咁係車度瞓咗差不多個半鐘, 瞓醒又好精靈咁周圍望吓, 又八吓車外既風景, 全程3.5小時沒有扭計, 今次真係好乖呀, 抵錫呢. 食飽Lunch之後, 就係家中花園跑跑跳跳摸東摸西, 再去睇吓魚池啲魚魚, 不知幾咁開心呀!

日頭玩完室外, 到咗夜晚就係屋內玩行樓梯,

哈哈哈, 小朋友真係咩都可以玩一餐, 只要係未玩過新奇既就可以又係一個新玩具新遊戲. 今次短短兩日既行程, 仲同咗2位老表見面呢,

陶寶B仲不繼咁追住表姐仔咁玩, 笑到卡卡聲, 真係玩到唔捨得走呀, 唯有下次農曆新年再見啦.