未結婚未有小朋友時, 一直覺得麵包機呢一樣電器係極度無聊, 因為買麵包咁方便, 麵包又唔係貴喎, 買嚟把鬼咩. 哈哈, 宜家莎拉終於知道點解要買麵包機啦, 原來就係因為想小朋友食得健康. 最大推動力其實係因為陶寶B呢一排餵飯有時好扭計, 但俾麵包佢食就自己食得好好喎, 加上遲啲會慢慢早餐都俾包類佢食, 咁如果買出面既軟包, 又要買啲比較靚既麵包, 一來價錢真係唔平, 二來始終自己動手整一定健康啲, 所以就最後都買咗部P牌麵包機啦.
其實平時返工, 莎拉都會為自己及謝菲準備三文治做早餐, 雖然未至於日日都整, 但起碼五日內都有三日, 所以一星期都會買一至兩次麵包, 所以呢部麵包機自己一星期整兩次都真係唔會浪費呢. 麵包機價錢$16xx, 仲再送3盒麵包粉, 所以一回家就可以試機架啦.
好啦, 新機落地, 就跟住說明書內既做法, 用普通麵包程式差不多4小時之後就可以架啦. 莎拉晚上就將所有材料放入機內, 設定好預定時間, 第二朝早上就被香噴噴既麵包味整醒啦, 唔係誇張真係全屋都充滿焗麵包既香味架. 第一次就試整提子麵包, 打開麵包機, 脹bokbok既麵包呼喚緊"食我啦食我啦", 一切開真係好軟熟, 熱鬧鬧香噴噴既麵包真係特別好食呀.
今日我地就搵嚟客席食家"陶瀾"嚟試吓莎拉既第一個自家麵包.
陶瀾: "好有麵包既麵包味, 新鮮熱鬧好好食."
第一爐麵包好快就KO晒, 所以第二輪就試回original既白麵包及抺茶牛奶麵包. 用自家焗既白麵包整份蛋治再加杯coffee, 真係無敵早餐呀.
兩款麵包都可以放約1-2日, 不過到第3日麵包就開始好乾啦, 上網search過原來可以試加湯種增加柔軟度, 睇嚟莎拉要努力硏究吓先得啦.
好吸引喎~部機你o係邊度買嫁?
ReplyDelete我係百X匯買, 好多電器鋪都有架
Deletehi, Leona 報到! 陶bo B 大個咗好多!
ReplyDeleteyeah,,,,我地又相遇啦
Delete好吸引呀, 我都想買黎整俾晞嵐食
ReplyDelete麵包粉邊樹買?
自己整可以健康啲, 起碼沒有防腐劑. 部機係各大電器鋪都有架
Delete港版新model 105？
ReplyDelete木木媽, 唔係呀, 我呢部係model 104, 我買咗一星期之後先出105呢, 不過好似基本function沒有分別, 係放乾果既格大啲
Delete用中種或者老麵會好些 ;)
ReplyDelete我要去你個blog度偷吓師先得, 你整既造型包好靚呀,,,
Delete我有部 K 牌, 幾年前諗住自己可能幾分鐘熱度, 貪得意買部較便宜的來玩吓, 之前佢搓完 dough 自己整腸仔包提子包都還好, 阿仔出世後無時間整型, 用埋麵包機來焗, 老實講其實我唔係太鐘意佢的 texture... 好硬! 用湯種整都唔見得好好多 所以我都好 tempted 買部 P 牌, 但已經有一部走去買另一部好似有點兒過份. (諗咗好幾個月啦其實...)
ReplyDelete我之前reseach過幾個麵包機既牌子, 好似P牌及象牌整出嚟既麵包Texture係最好. 而我近排成日用部機整dough整做型包, 效果真係好得, 連老公都話無買錯部機呢,, 所以p牌機真係highly recommanded呀!!!
Delete