滿室香氣

自從N年前第一次去完泰國做Spa之後, 就愛上咗個啲燃點香熏既味道. 自從有自己既屋企之後, 都買咗啲不同味道既香精及香熏.

而每次行街經過Jurlique都俾既點緊既香熏味道吸引, 最後都忍唔住, 買咗呢隻好清新Clarity blend essential oil, 點起既時候有柚子檸檬既味道.

意式香草焗雞

成日都覺得整一餐中式晚飯係複雜過整西餐既, 所以當準備時間唔夠既話 (其實係想偷吓懶), 都會轉整西餐呢!

而家中既焗爐就係我既好朋友啦!!! 每當想快快手整Dinner就係佢出動既時候啦.

隻雞醃咗啲香草放入去焗, 乾手淨腳, 等陣間就可以開飯食得!

同場再加個香草三色螺絲意粉就又搞掂一餐! 

Wedding vendor review - Converse (裙掛鞋)

係時候輪到開始寫商戶評分啦!

**************************************************
商戶: Converse
評分: 5分  (最高5x)
**************************************************
打從一開始就決定要揾波鞋去襯裙掛, 一來會覺得young啲又潮, 二來可以俾對腳休息多一陣, 因為打後全日都要著高踭鞋, 如果早上只係著平底鞋, 對腳就無咁受罪啦. 而最後我當日既決定係啱架, 因為著住平底鞋真係好舒服!!!

好鐘意呢對金色既Converse, 但又唔捨得拎出嚟著, 所以而家對鞋已經收埋係櫃內啦! 唔知各位靚太/B2B會點樣處置當日既裙掛鞋及婚紗鞋呢?!

網址:

• http://www.converse.com.hk/#/Products/Shoes/Chuck

相關文章:

• 裙褂鞋有著落啦

Wedding vendor review - 海景嘉福酒店 (婚宴場地)

係時候輪到開始寫商戶評分啦!

**************************************************
商戶: 海景嘉福酒店 (Picasso Room)
評分: 5分  (最高5x)
**************************************************
因為自知圍數唔多(約16圍), 又要酒店, 又要無柱位, 要求多多, 所以係婚期前1年半就已經睇場及Confirm場地啦. 尋找晚宴既地方過程, 大大話話走訪咗8間酒店, 唔係min charge太貴, 就或者場地有柱位唔啱心水, 好彩最後就搵到海景嘉福酒店(InterContinental Grand Stanford Hotel) 既Picasso Room, 雖然所book既場沒有華麗會變色既LED燈, 但係圍數場地大細啱晒自己既要求, 酒店既中菜出名好食, 所以就好快落訂Confirm啦.

甜酸鬼馬蝦(附有食譜)

之前係蘋果報紙既副刊見到呢個食譜, Print咗出嚟, 就一直諗住要試吓! 甜酸鬼馬蝦呢個餸名係莎拉改既, 咩叫鬼馬蝦呢, 其實係將啲蝦膠釀入油炸鬼度呀, 味道好好食, 酸酸甜甜至啱夏天食呀!

火龍果果凍(附有食譜)

近排沉迷整奶凍呢類型既甜品, 但係整得好就覺得好heavy呢. 所以就換一個健康之選既甜品, 就係火龍果果凍.

火龍果有美白皮膚的維生素C以及具有減肥作用、降低血糖和潤腸作用、預防大腸癌的豐富的水溶性膳食纖維, 真係多身無壞呢.

雖然自己都唔係太鐘意火龍果既淡淡味道, 但係換咗整成果凍後, 味道都唔錯, 又容易整, 啱晒夏天食呢, 食得多啲都唔怕肥呀!

材料(可以整4杯):

火龍果 500g (約2個大size既火龍果)

芒果 300g (約半個)

魚膠片 15g

砂糖  30g

做法:

1) 預先將魚膠片用冰水浸軟.

2) 火龍果去皮切粒後打成茸, 坐入熱水中加熱, 之後加入砂糖. 再放入已浸軟的魚膠片拌勻.

3) 將火龍果漿注入杯中, 放入雪櫃冷藏至凝固.

4) 火龍果去皮保留紅色部份切片, 將芒果去皮切細粒後, 放上已凝固的果凍上, 即成.

X-Game後遺症-痛痛痛

今個夏天嚟得遲咗, 連玩Wakeboard既開季都遅咗. 上年只係玩咗2次咋, 因為驚曬黑同埋唔想嘥咁多錢呢. 所以今年book咗船, 就好期待啦 (真係未出發先興奮). 今年仲轉咗地方及船家, 搬咗去西貢玩.