3歲生日hea遊澳門兩日一夜(中)

平時在定2個大人加陶寶B瞓張雙人床真係好迫, 所以呢一晚酒店瞓張King size bed真係好寬落, 去到9am才自然醒, 好爽呢. 換好衫執好晒行李就去check out啦. 今天不覺意地同陶寶B襯了親子裝了, 記憶中呢次好似係第一次既親子裝喎!!! (莎拉執行李時真係無為意到架^O^) 

今天第一個行程就係首先去大三巴做個遊客先, 話晒都係澳門既地標, 點都要來影番張相哦. 

期間限定之荔園summer fun 2015

2015/07/18 

荔園呢一個名字係莎拉媽媽及謝菲嗲哋童年回憶既一部份, 雖然印象有些模糊, 但係印象最深既都係荔園既叮叮船及宋城, 莎拉有不少既童年相都係在荔園內影架. 估唔到N年後既今天居然有個期間限定版既荔園出現, 可以俾莎拉同謝菲嚟個集體回憶之餘, 仲可以同陶寶B分享自己兒時所玩過既叮叮船, 為陶寶B締造出一個佢既荔園童年回憶. 

戲院初體驗

2015/7/1 

踏入三歲後, 首次帶陶寶B入戲院睇戲, 莎拉就揀了迷李兵團Minions作為陶寶B人生第一套戲. 不過"迷李兵團"大部份既戲院都係上映3D版本, 如果要陶寶B戴住幅3D眼鏡睇相信有難道, 所以莎拉就要揀2D版之餘仲要係中文配音, 可惜上映2D中文版的戲院真係少之有少呀, 最後要去到九龍灣既E-Max睇戲. 

3歲生日Hea遊澳門兩日一夜(上)

2015/6/18

其實又係莎拉想去玩, 所以就借陶寶B生日過橋去Hea吓Relax吓. 其實都有好幾年沒有去澳門了, 而陶寶B就更加未踏足過澳門, 所以就不如近近地為陶寶B嚟個3歲Birthday trip啦. 星期四下午就同陶寶B及謝菲係碼頭會合出發搭金光飛航. 

今次都係第一次搭金光飛航, 都幾舒服呀. 因為星期四平日啦, 所以船都係半滿, 同weekend時人山人海真係差得遠呀. 瞓一陣後一小時既船程就到了澳門了. 

3歲生日會-開心馬戲團

2015/6/7

每年踏入6月就係莎拉媽媽要搞大projet之月, 個大project咪就係陶寶B既生日會囉. 雖然只係在家中同家人搞個小型生日會, 但都盡量希望有氣氛既生日會. 

今次莎拉就用了馬戲團作生日會既主題, 其實男仔既生日主題選擇係少過女仔架, 所以決定主題既任務就一年難過一年了. 

3歲了....

To My dearest囝囝陶寶B:

不經不覺囝囝您又大了一歲了, 由過往的BB到了今天的little dude了. 過去呢一年就係非常惡搞的Trouble 2, 您的trouble又未至於令到媽媽十分苦惱, 因為媽媽明白呢個trouble係小朋友必須經過的階段, 有時你不聽話因為您不明白不理解所以才會發脾氣而扭計, 因此媽媽唯有不厭其煩去再一次同您解釋, 一次不明白不緊要, 因為媽媽深信總有一天您會明白及理解的. 雖然話就係話係Trouble2, 但是媽媽總覺得呢個Trouble 2係會伸延成為Trouble 3的, 所以我們一起加油, 一起學習啦.

今年9月就您就會正式返學讀K1了, 十多年的學生生涯就會正式開始, 媽媽不需要您成績出眾, 媽媽只希望您能夠開會成為有禮貌有品德既小朋友, 因為呢一些東西先會一生受用. 媽媽不會著急您的發展, 因為人生咁漫長, 又何需在童年已被密集的課程去填滿呢! 媽媽不會急急為您鋪設起跑線, 因為呢場係一場長跑, 平均既跑速才是上上之策. 媽媽只想您將來大個時回憶中既童年全是開心快樂既片段, 做個Happy kids, 每天都要笑容滿面的.

雖然您已經3歲, 但說話中有時還會夾雜了一些BB外星話, 就是呢一些BB外星話就令到媽媽可以樂透一整天了. 感謝上天給予您的來臨, 因為您帶給我們的歡樂及經歷是沒有其他東西可以取締的. 時間可否行慢一些呢? 因為媽媽真的好想可以慢下來陪您一齊成長.

媽媽祝您你生日快樂, 身體健康, 繼續做個happy little dude!!! Love you!!! xoxo

From 莎拉媽媽

我愛Summer

2015/5/31 

香港夏天雖然又熱又濕, 但係莎拉依然鐘意夏天, 因為可以去沙灘玩喔. 陶寶B絕對盡得呢方面既真傳, 因為有得去沙灘玩不知幾開心. 

石澳呢個沙灘一直都係莎拉既飛佛, 因為呢度啲沙夠幼及水質都幾好, 加上沙灘既公共設施非常足夠, 仲有最正就係石澳既小食店選擇又多又好食, 所以閒閒地可以係石澳Hea幾粒鍾架.