復活搗蛋梅窩行

2015/4/4 

又到一年一度既復活長假期啦, 大部份既人一定好開心因為可以有個long long weekend, 不過莎拉好老土係放勞工假既, 所以long long weekend與我無關, 不過今年好彩地有個清明節, 所以有幸地有個long weekend呢, 所以一定要搵啲地方去一去, 想起中環去離島既船當中, 好似有一條航線去梅窩, 而印象中真係好似無去過(就算去過都係小時候呢), 所以不如就去梅窩吧!!! 

Happy 1000 days

2015/3/20 

無聊媽媽最鐘意做無聊事喔, 得閒無事去數數陶寶B既出世1000天既正確日子. 既然可以慶祝100日點解唔可以慶祝1000日呢(10000日就無打算慶祝啦, 因為到時小朋友都差不多27歲了, 睇怕佢都唔會陪我癲呢). 

1000日都係小朋友成長既理程碑嚟架, 就當搵個借口出街食飯切蛋糕囉. 還記得百日宴既情景, 當晚食到尾聲時陶寶B就已經扭計了, 影既一張全家幅都影得麻麻地呢. 到了今日1000日陶寶B已經好享受吹蠟燭切蛋糕既過程, 食蛋糕時仲會要求食件大少少添. 

希望陶寶B繼續享受開心既童年, Keep住開心快樂,  活潑健康, 做個happy little dude, 媽媽會與您一起成長, 盡量住記錄你的一點一滴!!!

Junior尿兜革命(下)

估唔到相隔2星期就咁快可以寫埋下半部份呢, 上回講到陶寶B對痾WeeWee已經掌握得不錯時, 只係剩下Poo Poo呢個問題. 但世事就係咁, 你愈覺得會好難搞時, 點知到頭來結果又出奇地順利喎. 

介片革命既下半部份就係咁既, 嘗試了一星期陶寶B點都係唔肯座係廁所去PooPoo, 固執地要用佢企既方法去poo poo, 真係俾佢激C, 轉烈點就要有賴叻叻既婆婆及Helper姐姐, 佢地有一日見到陶寶B好似想去PooPoo, 之後就快快手抱佢去廁所迫佢座係度去PooPoo, 就係咁陶寶B就成功第一次座係廁所去Poo Poo啦. 

暴走維園@智樂遊樂場

2015/3/22 

一早聽聞"智樂"呢個機構所舉辦既活動係非常好玩, 咁啱前幾天心血來潮上佢既網頁睇吓有咩活動, 點知剛好就見到智樂會係花卉展內搞個遊樂場, 嘩正呀, 今個星期日有節目啦. 

當人人去維園係去參加花卉展時, 我們就係特登去場內玩呢個"智樂社區共建遊樂場". 就算經過啲花, 陶寶B都無興趣去睇(其實連大人都無咩興趣, 因為太多人了), 所以就一支箭直奔去遊樂場啦. 場內所有遊戲用既物料全部都係由一啲被人視為廢物既東西去建成,  例如車軚, 木塞, 木珠呢一啲咁Raw既材料. 

陶寶B一見到有咁多小朋友不知幾開心, 佢見到小朋友執起地上既珠仔然後放上竹上面滾動, 陶寶B就跟住去做, 不需要大人去教單憑自己既觀察就學到了. 呢個滾珠仔遊戲簡單到不得了, 但有時就係簡單就係最好玩. 

Junior尿兜革命(上)

 2015/3/17 

3月份既天氣開始回暖了, 係時候要開始應真戒片了, 因為9月就開學, 無理由到時都用片片架. 其實莎拉都沒有什麼策略, 只係一開始就不穿片片真接穿褲仔, 因為希望陶寶B瀨濕幾次之後佢就會覺得唔舒服而主動要求去尿尿, 點知第一天係沒有著片片既情況下, 一連瀨濕幾次, 就算已經每2小時就同佢去廁所, 但每次點都痾唔出搞到最後都係瀨咗!><

莎拉想了又想究竟問題出咗係邊呢?!!!會唔會因為陶寶B對住個成日廁所佢意識唔到就係去廁所既地方呢?! 所以莎拉就買了個Junior尿兜俾佢試一試. 

Wow,,,一安裝了個尿兜就第一時間俾陶寶B試一試, shu兩shu就成功痾出vv啦, yeah yeah yeah!!!

 跟住我們一家人好似傻咗咁跳晒舞拍晒手係咁讚陶寶B叻仔, 咁陶寶B就好明顯知道原來自己去痾vv係好叻仔架.

悠長農曆假期雜項(上)

每年既農曆新年, 莎拉都要被迫放多天既假期, 所以一到新年莎拉就會化身成full time mom. 其實咁多日假期又唔會去旅行其實真係好浪費. 每年既年初一一如過往, 食過午餐後就北上番禺探親啦, 今年陶寶B大個仔好多了又會識講"恭喜發財", 不過就講到勁重外國人口音既"Kung Hei Fat Choi", 每次一見財神, 全盒或利是就會自動波講"恭喜發財", 全家人都被陶寶B氹到好開心.

泰好味之泰式雞肉青咖哩(附食譜)

上年去華欣旅行時, 同媽咪上堂學煮泰菜, 返到香港之後就一直無煮過, 前兩日整理廚櫃時發現仲有啲泰式咖哩醬包, 所以就不如嚟個泰式料理啦. 其實煮泰式咖哩真係好方便, 係買食材呢個程序比較麻煩, 因為好多都要出去九龍城專售泰式食材既鋪頭先有得買. 小心喔, 呢個泰式雞肉青咖哩係一個會追飯食既菜式嚟架!