尋找味道回憶-海景軒

上年既結婚週年紀念dinner, 因為當時莎拉剛有咗, 所以都唔係好食得到嘢, 就算幾好味都唔可以真正enjoy. 今年既anniversary, 莎拉就要好好慶祝吓啦. 當晚婚宴既菜式, 莎拉最深刻既印象就係個葡式焗響螺, 因為真係好好味, 所以好想再食一次.

於是今年既2週年慶祝就去番Intercontinental Grand Stanford Hotel (海景嘉福酒店)既中菜廳"海景軒"食飯.
本身海景軒都係一間幾出名既中菜廳, 除咗因為佢連續多年榮獲美芝蓮星級食肆之外, 仲因為佢地既總廚"梁師傅"係好出名, 每年都有菜色參選而獲獎.

唔知係咪臨近冬至既關係, 本身想book星期六食, 但係full booking, 咁好啦, 不如改為正日(12/18), 點知居然佢地由18至23日都full booking, 真係估佢唔到. 


咁難才book到位, 所以莎拉對呢一餐晚飯真係極度期待. 雖然叫海景軒, 但係位處basement, 所以其實係沒有海景架.
餐廳環境雅致, 佈置簡潔, 雖然係星期一, 但居然有7成滿座, 不過檯與檯之間有番足夠距離, 所以絕對唔會嘈炒.
小吃當然不能少, 今次就係乾篇四季豆(賣飛彿呀).

先先就點咗一個葡式焗響螺($98)及椰香焗蟹蓋($138)作為頭盤.

葡汁焗響螺與兩年前婚宴當晚一樣係咁好食, 好香既葡汁.

而個椰香焗蟹蓋真係Wonderful, 未食已經聞到陣陣椰香, 食落就啖啖蟹肉, 成個蟹蓋都塞滿好滿足.

兩個人不能order太多嘢食, 而真係樣樣都想試呢, 所以好難決定呢, 最後就order咗陳皮沙薑煎雞($238), 蜜梅京燒骨($168)及鴛鴦糯米飯($150/2).

陳皮沙薑煎雞係得其中一款獎菜式(唔記得係邊一年), 初初係menu見到個名, 只係諗陳皮cross-over沙薑, 唔知係咩味呢?! 點知見到點菜, 已經覺得個display好精緻啦. 一邊就用一個籃載住香脆野味既沙薑雞件, 而另一面就係雞肉混入爽脆馬蹄做成既肉丸加上陳皮醬汁. 一碟餸有兩種味道, 真係好正.

蜜梅京燒骨雖然唔係得獎菜式, 但係京燒骨每一舊都肥瘦適中加上酸酸甜甜既蜜梅汁, 絕對係送飯既best friend呀!

最後就係鴛鴦糯米飯, 呢一款好似係2012年既得獎菜式, 原先係要一日前預定, 但係因為可能我地早落order, 所以都可以整到俾我地, 呢個一來到就已經俾佢個presentation給引啦.

一夾落去好脆呀, 煎香既糯米飯內有咸蛋王碎加上用紫米做成既sauce(起初見到碟上既sauce黑黑地一粒粒, 心諗仲以為係豆豉汁呀), 帶有輕微甜味, 好正呀.
而上面個粒波波, 原來係芋頭蓉包住紫米微甜涵, 好味道! 唔好睇佢細細碟好似食唔飽, 食完呢個就真係已經飽晒啦, 連本來想試佢現場堂煮既蛋白杏仁茶都食唔落啦.

呢一餐"米豬連", 本來諗住都要$1000, 點知埋單$900, 但用渣兜信用卡有八折, 所以最後$720, 真係唔錯呀. 莎拉都唔係咩大富人家, 唔會話呢餐好抵食, 但以一個fine dinning嚟講, 真係可以一試. (埋單時已計劃下次要同屋企人試多次, 因人多可以點多啲餸呀)

食飽飽就再度懷緬吓2年前既婚禮場地, 沿途經過當晚擺酒既Picasso Room, 今晚無人擺酒但就有其他function. Lobby呢棵聖誕樹依然係一樣.

哈哈哈, 臨走前, 再係lobby嚟個自拍!

每年既結婚週年都係接近聖誕時份, 所以順便可以睇吓燈飾添.

估唔到仲有花收, 因為一早已估定謝菲未必會送花, 因為佢不嬲都唔係個種會送花既男人, 所以係office收到花時, 真係有啲驚喜, 多謝老公仲記得莎拉鍾意香檳玫瑰!