9th month成長之路

體重及身高
前兩星期回醫院做檢查, 要陶寶B除光豬嚟磅重, 呢隻光豬仔淨重8.7kg (已經重過一包米啦), 而身高就75cm長. 之前去健康院檢查, 都唔係次次會幫陶寶B度身長, 所以其實莎拉媽媽都唔係好肯定陶寶B幾高, 有時買衫都係估估吓, 今期知道陶寶B既高度, 買衫俾陶寶B都容易揀碼啦.



食量
呢個月開始, 改為食兩餐粥仔, 一餐水果蓉, 而相對奶就減少到剩下三餐(早, 下午餐及消夜), 而奶量就回復正常水平(介乎於6-7oz). 而粥仔既份量就差唔多一碗滿, 而多數會安排一餐肉+菜及一餐魚+菜, 咁陶寶B就有均衡既營養啦. 今個月陶寶B都試咗雞肉及牛肉啦, 感恩陶寶B沒有大問題, 下個月就俾陶寶B試吓蛋王啦. 另外水果方面, 陶寶B係好唔鍾意食帶酸味既水果, 次次俾佢食蘋果或啤梨, 陶寶B就食到好似作嘔咁款, 真係俾佢激C呀!!!

活動能力
-明顯座得穩定好多, 可以自己座係地墊玩玩具.
-爬就唔係太識, 就係爬都係只可以向後爬一兩步.
-企就比上個月耐咗, 不過都係要扶住先可以.
-暫時未可以自己瞓低時座起身, 不過如果雙手捉住佢, 陶寶B就可以借力自己座起身.
-因為仲係出緊牙仔, 所以成日都咬嘢, 不過唔鐘意咬牙膠, 好多時走去咬硬嘢.

作息時候
因為天氣開始回暖, 加上又潮濕, 所以陶寶B會瞓得無咁好, 如果開冷氣瞓果晚, 陶寶B會瞓得好好多 (呢隻豬真係識嘆!!!) 普遍都係保持住晚上10:30 瞓至早上7:30, 而日間既午睡時間依然都係好少(最少45分鐘, 最多都係2小時). 另外, 陶寶B因為已經有番咁上下大, 所以而家用緊既BB床好似已經好細咁, 莎拉媽媽煩惱緊點算好, 究竟變張大啲既BB床好定係點好呢?!!! 

健康
感恩健康沒有特別, No news means good news!!!