2013/04/06
近排連續2星期都天陰陰雨檬檬, 無得出去室外活動真係好掃興
. 難得約咗兩位好姊妹及佢兩個小朋友嚟莎拉家作客慶祝佢地4月份既生日, 本來book咗既BBQ都因天氣唔穩定要取消呀. 不過好彩下午時天氣好啲, 又有太陽不過就有啲風, 3位小朋友點可以屈係屋內玩呢, 所以就一齊去咗大廈平台玩吓.
陶寶B之前已經見過呢兩位姐姐架啦, 上次就無咩交流, 希望今次好啲啦. 今日陶寶B既烈火單車iimo出場啦, 係時候用嚟冧靚女.
陶寶B仲細未識踩單車, 所以車手就由3歲既嘉嘉姐姐, 而副車手就由18個月既婷婷妹妹負責, 而陶寶B就企係中間做乘客.
哈哈哈
, 估唔到架iimo三輛車可以咁玩法, 三個小朋友都玩得好開心呢, 而我們大人就開心地追住佢地影相.
陶寶B又企得好似好穩震咁款呢, 而家陶寶B仲細, 都仲肯做乘客, 遲啲大個啲, 肯定自己要揸架車啦.
陶寶B被玩咗幾個圈之後, 就開始唔多耐煩啦, 莎拉媽媽出動第二樣法寶令一眾小朋友開心玩樂, 呢樣就係帳篷啦, 細個時, 莎拉自己好想有呢啲帳篷, 總係覺得好好玩, 所以而家就好想買個帳篷滿足吓自己細個時既願望. 呢個帳篷係Ikea買(好似係$24X), 個樣其實似馬戲團既帳篷多啲呢, 三個小朋友入晒去玩!
陶寶B又係依舊唔多識同人玩, 不過就座係個門口位, 玩玩吓, 陶寶B仲係帳篷內大叫, 搞到嘉嘉姐姐走番出嚟, 而婷婷妹妹見到姐姐走佢又跟住走, 好好笑, 陶寶B你叻啦, 嚇到人走晒唔同你玩啦.
莎拉覺得小朋友係唔會座定定同你玩同一個玩具或遊戲太耐, 佢地會玩一陣之後就玩第二樣, 之後又會翻轉頭玩翻第一樣嘢. 好似呢三位小朋友, 玩厭咗個帳篷就又去玩翻架三輛車, 今次就由陶寶B做車手, 兩位姐姐跟車扮火車, 不過兩位姐姐好似無之前咁enjoy
, 當然啦, 梗係自己揸車好啲啦.
係平台玩咗大半個鍾, 都係時候返入室內啦, 下次好天氣時再約姐姐們放車車.
. 難得約咗兩位好姊妹及佢兩個小朋友嚟莎拉家作客慶祝佢地4月份既生日, 本來book咗既BBQ都因天氣唔穩定要取消呀. 不過好彩下午時天氣好啲, 又有太陽不過就有啲風, 3位小朋友點可以屈係屋內玩呢, 所以就一齊去咗大廈平台玩吓.陶寶B之前已經見過呢兩位姐姐架啦, 上次就無咩交流, 希望今次好啲啦. 今日陶寶B既烈火單車iimo出場啦, 係時候用嚟冧靚女.
陶寶B仲細未識踩單車, 所以車手就由3歲既嘉嘉姐姐, 而副車手就由18個月既婷婷妹妹負責, 而陶寶B就企係中間做乘客.
哈哈哈
, 估唔到架iimo三輛車可以咁玩法, 三個小朋友都玩得好開心呢, 而我們大人就開心地追住佢地影相.
陶寶B又企得好似好穩震咁款呢, 而家陶寶B仲細, 都仲肯做乘客, 遲啲大個啲, 肯定自己要揸架車啦.
陶寶B被玩咗幾個圈之後, 就開始唔多耐煩啦, 莎拉媽媽出動第二樣法寶令一眾小朋友開心玩樂, 呢樣就係帳篷啦, 細個時, 莎拉自己好想有呢啲帳篷, 總係覺得好好玩, 所以而家就好想買個帳篷滿足吓自己細個時既願望. 呢個帳篷係Ikea買(好似係$24X), 個樣其實似馬戲團既帳篷多啲呢, 三個小朋友入晒去玩!
陶寶B又係依舊唔多識同人玩, 不過就座係個門口位, 玩玩吓, 陶寶B仲係帳篷內大叫, 搞到嘉嘉姐姐走番出嚟, 而婷婷妹妹見到姐姐走佢又跟住走, 好好笑, 陶寶B你叻啦, 嚇到人走晒唔同你玩啦.
莎拉覺得小朋友係唔會座定定同你玩同一個玩具或遊戲太耐, 佢地會玩一陣之後就玩第二樣, 之後又會翻轉頭玩翻第一樣嘢. 好似呢三位小朋友, 玩厭咗個帳篷就又去玩翻架三輛車, 今次就由陶寶B做車手, 兩位姐姐跟車扮火車, 不過兩位姐姐好似無之前咁enjoy
, 當然啦, 梗係自己揸車好啲啦. 
係平台玩咗大半個鍾, 都係時候返入室內啦, 下次好天氣時再約姐姐們放車車.
陶寶B大個仔左好多呀 ~~~ 好可愛!!!
ReplyDelete[版主回覆05/09/2013 11:44:27]陶寶B仲愈大愈牛王呀!!!
架車又幾好喎，陶寶B又好似企得好穩陣
ReplyDelete[版主回覆05/09/2013 11:46:07]呢架車車真係Good架, 又靚仔又穩震呀, 陶寶B覺得新奇平時都係走既, 點解今次會企呢,,,所以企一陣都OK架
陶寶B戴呢頂帽特別可愛, 請問o係邊度買嫁?
ReplyDelete[版主回覆05/09/2013 11:53:17]我都好鍾意呢度帽仔, 因為可以令佢變包包面呀,,,我係呢間叫Little Fitting Room買韓國童裝鋪頭買呢.
https://zh-hk.facebook.com/LittleFittingRoom
帶住頂帽仔,好可愛呀~~~
ReplyDelete[版主回覆05/09/2013 11:54:17]頂帽仔令陶寶B立即變包包面, 所以好Kawaii呢..
陶寶B戴住頂帽好可愛呀, 個帳篷好正, 如果我買的話, 老公又會話我買d 大大件傢俱, hahahaha!
ReplyDelete[版主回覆05/09/2013 11:56:13]而家屋內已經好多bb嘢, 所以我老公都有complain架, 唯有盡量買啲可以拆又可以摺埋既, 加上又講到bb到時可以玩得好開心, 咁老公就無話可說, 阻我唔到!!!hahaha
嘩！好叻叻，企得好好呀~~~~
ReplyDelete[版主回覆05/09/2013 11:58:33]有陶寶b企得叻叻, 先可以玩到3人同玩一架車呢,,,,,
又一段時間無黎探莎拉mama同淘寶b la, 你地幾好ma^^
ReplyDelete淘寶b又大個仔左好多la.....佢個造型好得意呀~
淘寶b架戰車我都有睇過呀, 同普通果d有咩唔同呀?? (除左靚d之外)
[版主回覆05/09/2013 12:16:27]我都好耐無去探你呢, 只係可以update個blog, 要到weekend有時間才可以去探吓其他blog友呢,,,,,litlte k都大個咗好多啦, 而家過咗百日應該好玩好多呢...
呢架戰車真係好得, 外型及顏色好good, 而功能上, 佢可以摺得埋之外, 除咗可以當三輪車之前, 個seat位既圍欄擺係後面, bb就可以扶住handle當學行車推, 唔係describle得太好, 下次等陶寶b試完影相再post出嚟.
原來架車車可以咁樣企後面架???幾過癮喎.........唔知我架thomas得唔得呢
ReplyDelete[版主回覆05/09/2013 12:21:27]我都係第一次見人咁玩呢, 如果係thomas架車後面有個盤, 如果實淨, 都應該可以架!!! 兩個bb一齊玩車車, 都好開心呢,,,企既又開心, 揸車既都開心.
呢架車好有型
ReplyDelete[版主回覆05/09/2013 12:21:54]男仔啲都要有架型車呢,,,,
呢架戰車真係好吸引呀～～～～我諗左好耐，仲未買。。
ReplyDelete[版主回覆06/01/2013 11:13:38]heehee, 買啦買啦,,, 呢架車真係好鬼c正!!!