一年一度赤柱遊

2014/5/25 

自從由懷孕時去過赤柱影大肚相後, 到了陶寶B出世後都Keep住每年5月都會到一到赤柱, 去返同一個background影一張相去記錄陶寶B每一年既成長(莎拉大肚赤柱遊, 陶寶B一歲赤柱遊). 每年去既日子都係陽光譜照, 真係熱C辣辣. 上年嚟既時候, 陶寶B都仲未識行, 今年陶寶B就已經自己飛快咁跑, 好似放羊咁了. 

去到赤柱都差唔到11AM, 襯遊人未算好多, 快啲去返每年指定一影既Background前影相先.

 莎拉嘗試同陶寶B擺番上一年既Pose, 不過小朋友真係無時, 想企定定影張相都好難呀. 

今日真係好熱呀, 影唔夠10分鐘, 就大人細路都已經流晒汗啦. 

不過係小朋友既眼內, 佢就算流汗流到衫都濕晒都會繼續跑, 唯有俾啲餅餅佢食等佢座低休息吓. 

不過今日莎拉好失策只係帶了2包餅乾, 搞到陶寶B食到到喉唔到肺(鬼咩到咗食Lunch時候啦, 得果兩包餅, 當時反我檯啦), 所以要拿拿聲搵間餐廳食lunch先得呀. 

不過由落單到有嘢食到都起碼10分鐘啦, 陶寶B自己拎住啲餐具享來享去, 好似係度Complain點解仲未有得食咁款. 

不過小朋友既耐性真係唔多, 等咗一陣就開始想發脾4呢, 咁都係既, 肚餓又點忍呢! 莎拉唯有同佢玩住玩具頂住先啦.

啲嘢食到了之後, 陶寶B最後居然自己一個人食晒成個湯烏東都不特只, 仲食了半塊漢堡扒, 今日真係好好餵口呀. 食飽飽就終於都到莎拉食啦, 陶寶B好乖乖餵媽媽食薯條, 陶寶B好彩暫時對薯條無咩興趣, 所以先會咁乖仔只係餵人食呢, 第時當佢知道炸薯條係咁好食, 佢一定會食埋一份呢.

 食飽飽叉足電又可以再玩過啦. 今天莎拉帶了吹泡泡來作玩喔, 係小朋友見到泡泡都會好開心, 笑得好天真好似magic一樣呀. 不過陶寶B實在係跑得太快了, 影既相都走晒焦呢, 失敗, 下次再影過.

玩到2PM就打道回府啦, 因為天氣實在太熱了, 下年要5月頭早啲嚟先得呀