24小時快閃大陸行

2014/8/2

因為要同伯父慶祝生日, 所以今次真係行色匆匆, 由出發到回程都只係差不多在24小時內完成, 真係明乎其實既快閃大陸行. 一早就座巴士出發上去了, 陶寶B今次座車都還可以, 因為佢其實好鐘意座車睇風景, 所以全程車都係睇風景及瞓覺, 沒有點扭計, 希望陶寶B搭飛機時都係咁定就好了. 到步回到家中, 所有事物對陶寶B都係新奇, 就算一條樓梯都已玩得好開心.

 

因為今次逗留時間實在時好少, 所以都沒有去邊度玩了, 正好家中有2棵龍眼樹今年大豐收.

啲龍眼果實多到連樹支都"Dum"了下來, 真係連陶寶B都可以自己摘龍眼呀.

所以陶寶B就幫手摘龍眼, 拎啲返香港慢慢食.

呢兩棵龍眼樹是爸爸生前種下的, 今天就由你既孫仔去摘啦, 莎拉深深體會到"前人種樹後人享"呢句說話. 

除了玩摘龍眼, 另一活動就係睇魚魚呢, 魚池內養了好多錦鯉, 陶寶B就放了些魚糧引了所有錦鯉來, 啲魚多到水花四淺, 陶寶B都係第一次見到咁多魚呢. 

到了晚上就去同伯父(陶寶B既伯公)慶祝生日啦, 雖然陶寶B不是生日主人角, 但係全家族暫時最細就係佢, 所以佢絕對係大家既焦點呢, 因此到了切蛋糕及唱happy birthday時, 陶寶B開心到以為自己生日呀, 真係笑C莎拉.

雖然來回24小時都只係為了呢一餐飯與家族長輩慶祝生日, 或者有人會覺得一上一來咁匆忙, 又要上大陸, 咁辛苦為咩呢, 但係莎拉覺得去到我們呢一代人, 家族觀念已經比以前薄弱了很多, 好多時真係一年才見到2-3次, 如果連呢2-3次都改為1-2次, 相信好快到了家族長輩們一一不在之後, 就會慢慢地與唐兄姐們不再聯絡了, 加上因為去到陶寶B呢一代(3rd generation)家中既小朋友已少了很多, 親戚既概念已開始模糊了, 或者莎拉係有啲old-school, 但係某程度上呢種係中國人既傳統來的, 所以莎拉希望盡力Keep到呢一份情誼.