2歲龍B生日會

2014/7/20

莎拉平時好少參加媽媽會既活動, 不過一年一度既生日會就點都會參加呢. 其實陶寶B係6月出世既, 好應該係參加6月既媽媽會, 不過因為當時預產期係7月, 所以莎拉就一早係埋堆7月媽媽會, 咁既然都係2歲生日會, 都無咩所謂6月定7月生日啦, 不如一齊玩啦. 

活動場地係一在旺角既Studio, 好近屋企所以好方便呢.  今日參加既小朋友差不了多有25位, 再加埋大人真係好熱鬧喔. 莎拉今次都幫手整了少量decoration為party加添氣氛. 

陶寶B一見到咁多玩具, 就第一時間飛奔去玩. (因為係飛奔住嚟玩, 所以發現影既相好多都係out focus, >o<)

但係陶寶B係那種沒有耐性既小朋友, 所有玩具佢會玩1-2分鐘, 之後就去玩另一個玩具, 玩完一個cycle之後, 又再從頭玩過呢, 唔知有無其他小朋友都有同樣情況呢? 有無咩方法可以改善小朋友耐性問題呀? 

玩完食完後, 小朋友都開始扭眼瞓了, 所以就開始切蛋糕啦. 所以小朋友圍住個蛋糕好開心, 因為大家都好心急想食蛋糕呢. 

莎拉其實真心好多謝攪活動既媽媽, 因為由籌備開始都活動當天真係好多嘢要安排, 全部都係義務性質, 如果無呢啲熱心既媽媽就沒有呢啲gathering活動了.