遊走加拿大-Day 2(下)- Banff

今日第二站就係Moraine Lake(夢蓮湖), 由Banff開車約1小時既車程, 泊好車後, 一步步行向湖邊, Moraine Lake就在眼前啦.

Moraine Lake是一個冰川湖, 所以只有到每年六月底後湖水才到達最高線, 再折射沉積的岩粉而呈現出美麗的藍綠色. 呢種藍色比起先前係Bow River見到既更加藍喔, 真係好靚呢.

 陶寶B明顯係因為時差關係, 剛才已經係車上大瞓特瞓了, 到了Moraine Lake時而弄醒佢落車, 全程喊晒口.

 影完幾張相之後陶寶B已經頂唔住了, 真係抱住又再瞓了, 小朋友要瞓就瞓了, 話之你係何處何地. 

環繞住Moraine Lake有不同既行山路徑, 可惜我們沒有足夠時間呢. 

Moraine Lake其實係加幣$20紙既background圖案, 所以唔怪之得似曾相識啦. 

湖邊有個小山丘, 好多小朋友大朋友爬上去玩, 不過莎拉望落真係覺得有啲"牙煙"呢. 

剛好經過有National Park既工作人員講緊生態保育, 有幸近距離見到隻大熊既標本, 啲毛摸落去"好鞋"架, 都係家中既teddy bear滑lulu! 

行完Moraine Lake後本來打算去埋附近既Lake Louise, 但因為細妹隻眼唔多舒服, 所以唯有留待明天才遊覽. 而家返回Banff市內去酒店check in啦. 

Banff大部份既酒店都係座落於Banff Ave, 而今次所揀既係Banff Caribou Lodge & Spa, 行路出市中心大約係10-15分鐘, 位置都幾方便. 酒店係country style, 老實講不是莎拉鐘意既類型, 不過我們只係住一晚呢,  加上Banff大部份既酒店都係呢種country style路線, $200加幣一晚係Banff呢個遊客區來講算不錯了. 

雖然房間好似暗暗沉沉, 不過其實廁所及房間都乾淨的. 

Banff大部份既酒店都係沒有冷氣的, 所以如果夏天7月來可能真係會熱啲呢. 另外Banff既旅遊業都好旺, 所以唔好太遲book酒店呀, 如果唔係選擇就會少好多了.

呢條就係Banff Ave啦, 一路上都係遊客, 因為大家都出來搵食啦. 因為之前沒有做定工課搵餐廳, 行到又攰又餓了, 有幾間餐廳都沒有位, 唯有見到Tony Roma都照入去食啦. 外國除了月亮特別大之外, 餐廳既碟頭都特別大架, HAHAHA!

 陶寶B都好肚餓啦, 今日下午掛住瞓都無點樣食嘢, 所以而家食Pasta食得不知幾知味. 食完晚飯回到酒店都已經10pm了, 要早啲瞓啦, 因為明早陶寶B應該都仲會因為時差而早起的喔.