大尾督踩單車

2014/10/01

自從陶寶B出世後都好似未踩過單車了, 既然踏入秋季了, 不如去踩單車. 以前一諗起踩單車, 路線一定會係由大圍開始沿住吐露港踩到去大埔, 不過今時唔同往日了, 正式嚟講已經不是踩單車, 而是踩家庭車(果種一家大細4個轆既呢!!!), 所以如果由大圍踩到去大埔, 謝菲一定踩到腳軟都似, 所以最好踩短線. 因此今天就揀了入大尾督踩單車, 因為路線短加上地點方便呀.

今次都係莎拉及謝菲第一次踩家庭車, 以前見到人地踩都好想試試. 隨便走入一間單車鋪租了2小時, 因為1小時又好似好趕, 都係2小時穩震啲. 陶寶B座係車頭位, 好似好威威好得戚咁款. 

莎拉平時嚟大尾督都係玩Wakeboard, 反而踩單車都係第一次咋. 

大尾督單車路線其實好短, 主要都係沿住船灣淡水湖既主壩來踩. 主壩上除了有人踩單車, 仲有好多人放風箏, 不過放既唔係平時見到小朋友玩的那種, 而係啲好專業要2隻手去控制那款風箏.

朋友號出發啦!

嗲嗲你踩得太慢啦, 等我嚟啦, 睇我表現吧!!!

 踩完單車熱C辣辣, 最好就係食番條雪條啦, 識食當然係食紅豆雪條啦. 雖然係秋天了, 但係下午時份都好曬好熱, 陶寶B都出晒汗呢, 呢位小朋友想佢學大人戴太陽眼鏡, 但係每次都唔成功呢, 唔知各位媽媽有無好方法呢?!