野餐季節又來了

(努力Post翻啲舊聞先得!)踏入10月份, 終於感覺到有啲秋意了, 莎拉急不及待又同陶寶B去野餐了. 地點依然係最愛既迪欣湖, 相隔對上一次野餐已經係半年前, 陶寶B又大個仔好多了. 

今次莎拉準備了Macaroni salad, 肉肝醬+長法包, 西瓜, 粟米, 再加macaron作甜品, 簡單既食物已可以野餐去了. 鋪好張地墊, 陶寶B已經自動波埋位開餐啦. 

今日佢既Favorite係Macaroni salad, 因為陶寶B係最鐘意食粉麵, 所以一見到通心粉就食唔停. 另外西瓜都係佢至愛呀. 

食飽就當然唔會乖乖座定啦, 係時候要起身玩啦. 今天莎拉帶了Bubble槍嚟玩呀, 真係十個小朋友十個都鐘意玩架. 

話就話開始有啲秋意, 不過呢股秋意只係會在清早及晚上出現, 正午時份都係熱到無朋友架, 最好既消暑方法就係玩水. 迪欣湖公園內有個噴水遊樂場.

 陶寶B盡情去玩啦, 媽媽已經帶定衫俾你換架啦. 

成功放電30分鐘, 要準備回家啦, 下次再嚟玩過啦.