送羊迎猴一二事

年廿八

年廿八就上了番禺準備過新年, 自從嫁咗之後都係改為年初一先上大陸, 不過今年老公話無咩所謂, 所以就改為年廿八就上番禺喔. 大陸地方大, 真係啲玩具擺晒出嚟都唔覺阻地方呀.

陶寶B婆婆娘家既傳統係會在搭正大初一時拜神及食午夜飯, 無錯係零晨12點像徵式要食飯. 要啲小朋友咁夜都參與唔瞓覺, 就當然係互相一齊玩呀, 睇吓電視啦.


雖然話就話係像徵式, 但都係有湯有幾個餸架, 同埋重點係要添飯, 所以先前食果餐團年飯都係食少啲嚟應付呢餐午夜飯. 陶寶B今次都係第一次參與食午夜飯, 所以當佢夜嗎嗎成檯餸時, 真係當堂呆咗一呆. 不過好彩有個表表姐係度Lead住佢, 所以陶寶B都乖乖地食咗呢餐午夜飯.

年初一

恭喜恭喜, 一早起身就換件新年戰衣準備逗利是, heehee, 呢件唐裝今年都仲啱著呀, 上年就粉紅色著出面, 本來打算不如今年反轉綠色著出面啦, 點知陶寶B話堅持要著粉紅色喎, 好啦你話事! 

接過利是就乖乖啦. 今天既行程主要係就圍拜年加食不停, 好彩有表表姐同陶寶B玩, 莎拉都可以鬆一鬆. 

祝大家新年快樂呀.

到了晚上一家人就圍埋聚賭一番, haha, 陶寶B都有份玩架,,,,,,係玩搞事囉.