2016/5/22
莎拉對赤柱呢一個地方好有情意結, 可能因為幾年前仲陀住陶寶B時, 就係呢度影了一啲大肚相, 所以自陶寶B出世後, 差不多每年既五月都會嚟翻同一個位置去影翻張相, 同陶寶B一齊留念記錄吓.
從前陶寶B細個時, 抱住佢影相都不知幾容易影相, 但今時唔同往日了, 相佢企定定影相真係難過登天呢, 唯有就依靠自己既拍攝技術了.
今日天氣好熱, 玩唔夠一陣就已經大汁疊細汗呢, 影相都影到無晒心機了!
每次嚟赤柱都會嚟呢間Grouchos café食Burger, 佢未必係最好食, 不過都係因為情意結而嚟呢.
上年嚟既時候, 陶寶B都仲未可以食炸魷魚, 今年就已經食到Lam lam脷了.
而個signature burger, 有一片菠蘿, 酸酸甜甜好好味.
你有無見過人食burger用筷子?! 我見過! 我真係見過!!! hahaha!!!
食Burger加埋熱氣炸物當然要飲啲凍冰冰既drink先至match啦.
唔知仲有幾多年daddy可以同你玩騎膊馬呢.
雖然天氣好熱, 但係小朋友好似從來都唔知個”熱”字係點寫, 就算又熱又曬都要係公園玩, 跑到一身汗都在所不辭.
嚟赤柱有個好處, 就係行完街食飽飽後就可以去另一邊既赤柱泳灘玩吓水消一消暑. 不過呢個赤柱泳灘既沙就真係好粗, 其實用沙粒嚟形容就更加貼切呢.
雖然室外溫度好熱, 不過啲水都仲係幾涼, 所以啲人話未過端午節都未係真正既夏天喔.
好可愛啊！....
ReplyDelete謝謝喔
Delete