[執支好筆]Stabilo專用力學三角筆

幼稚園進入K2學年後, 功課已由K1油下顏色連下線, 進化到K2開始學習寫字. 不過陶寶B既小手肌係麻麻地, 平時油顏色時見佢無論力度及角度既應用都唔係控制得太好, 所以對於寫字要求較細緻既小手肌控制, 陶寶B既弱點就通通曝露晒出嚟. 為咗改善及面對未來愈加煩重寫字練習功課, 莎拉都要想想辨法. 除了平時多啲玩一些小手肌訓練遊戲之外, 工具(支筆)呢啲硬件都好重要, 俗語都有話”工慾善其事,必先利其器”啦. 

日常平時使用普通鉛筆既筆身都係圓形或六角形, 對於初學寫字既小朋友係比較難揸筆及控制, 所以使用三角形筆身既就比較好, 而莎拉就找到呢款Stabilo天鵝牌專用力學三角筆.

筆身除咗係三角形之外, 仲有一啲凹位方便手指擺放, 因此呢款筆係有分左/右手專用的.

 

買既時候因為價錢比起一舨鉛筆顏色筆貴好多, 所以都猶疑咗一陣買唔買好, 最後都決定買一盒鉛筆及顏色筆試一試, 回到家中就當然快啲俾陶寶B呢位用家試試效果啦. 

 先講寫字, 用新筆後好似寫既字比較有力, 而控制寫畫既線條都比較容易掌握.

 

而顏色筆個包裝好靚, 一支支擺放得好整齊, 仲包埋一個鉛筆刨, 小朋友用完可以合埋個盒就可以.

至於油顏色方面, 同樣地使用新筆後, 油出嚟既顏色都比以前較深色及較用力, 加上油出界既情況好似有改善, 睇嚟莎拉今次真係無揀錯筆, 價錢雖然係貴好多, 但筆呢樣嘢都可以用到起碼兩年係, 所以都可以叫做物以所值.

陶寶b與莎拉媽