香煎鵝肝多士配黑醋藍莓汁 (附有食譜)

之前一直覺得煎鵝肝呢啲高級嘢會好難整, 但係原來唔係想像中咁難, 只係要花少少心機去煮個醬汁呢. 鵝肝呢啲口感咁heavy既texture最好配啲酸酸地既汁, 食起嚟會無咁肥膩架. 而煎完鵝肝後既煎pan會有頗多既油, 所以可以用嚟炒菇(例如皇子菇)就最好不過, 因為菇類係好吸油既食材, 所以炒起既菇會有陣陣鵝肝既香味架, 用嚟配意粉就perfect呢.

食材:
鵝肝2片 法包2片(Baguette) 沙律菜適量 藍莓一小盒(250g) 黑醋2湯匙 蜜糖1湯匙 麵粉適量

做法:
1) 法包用多士爐焗至脆身備用.
2) 用攪拌機打3/4盒藍莓, 倒出一半藍莓汁在sauce pan, 加入1湯匙黑醋及半湯匙蜜糖用中慢火煮至杰身備用(其實呢個醬既份內, 莎拉都係大約, 總之味道調較至酸酸甜甜便可)
3)剩下之藍莓汁在攪拌機加內入1湯匙黑醋, 半湯匙蜜糖, 適量橄欖油及黑胡椒攪拌後備用作沙律汁之用
4) 鵝肝灑上少計鹽, 整片鵝肝沾上麵粉.
5) 平底鑊中火燒熱加油少量油, 用中火煎鵝肝, 煎至金黃色, 反轉另一面再煎至金黃色, 放上法包多士上, 加上藍莓醬便可.

Tips:
a) 記緊鵝肝不可用大火煎, 否則鵝肝會化成一灘鵝油.
b)如果唔想麻煩用新鮮藍莓, 可以改用藍莓果醬加黑醋煮都可以.
c)餘下的1/4盒藍莓可以放入沙律菜中