出牙仔

睇啲BB育兒天書, BB會係大約6個月開始出牙仔, 有時係Forum見到有啲BB仲會早到4個月就已經出牙仔呢. 等吓得吓, 終於係前兩個星期發現到陶寶B下顎有白點, 摸落去硬硬地, 應該係出牙仔啦. 所以唔怪之得近來陶寶B勁流口水, 一日起碼用5,6條口水肩呀.

陶寶B不嬲都係小吉既化身, 任何嘢都放入口, 不過可能佢出牙仔, 就算俾牙膠或Sophie佢咬, 佢令願走去咬條鍊或咬個夾, 專係咬啲硬嘢, 有時成個玩具波俾佢, 佢就一口咁刨落去, 阻都阻唔嚟, 俾佢激C啦, 所以唯有多啲清潔玩具啦.

唔知係咪因為出牙仔, 所以佢心情都無咁靚, 比起之前容易煩躁, 難服侍啲呀! 仲有近來食奶或食粥仔時, 唔多鍾意食, 又食得無耐性, 有時仲會食到發皮4呢, 相信應該係牙床腫腫地所以唔鐘意食嘢呢. 陶寶B出牙仔就代表佢進入另一個階段啦, 好快佢就會脫離無牙仔既階段, 有時望住佢呢個笑起上嚟無牙仔既笑容, 有啲唔捨得呢!!!!!!

相關資料:

http://www.toothclub.gov.hk/tchi/tchi_pnc_1_1.html