4日3夜Crazy Family華欣自由行- Day 1(上)

Day 1

每次同小朋友出門都好緊張執行李, 因為好怕帶漏嘢, 唔似得上次去加拿大咁, 就算執漏嘢都可以買, 所以今次就要更加小心. 今次飛曼谷搭香港航空早機(7:55起飛), 好多人都話香港航空好多時會delay, 而莎拉係出發前幾日就check過同一班機, 呢幾日起飛時間都好準時(莎拉相信因為係每日飛曼谷第一班機, 因此飛機前一晚已在香港Stand by, 所以出現delay既情況相對較少). 

因為一早5am出發去機場, 所以陶寶B在前一晚臨瞓就已經著住出發去機場既裝束啦. 天都未光比人朦朦朧朧"的"起身就出發去機場, 莎拉仲好天真咁諗住陶寶B可以係車度繼續瞓, 但係陶寶B點會呀, 佢絕對演繹出"未出發先興奮"呢句心情呀.

今次出發去旅行, 第一次出動umbrella stroller($2xx)平平地用嚟係室內推吓, 好過吓吓都用i-angel. 陶寶B第一次用呢架Stroller都覺得好新奇呀.

 各位隊友出發啦, 一齊影番張相用嚟Post上facebook打卡先. (亮點係陶寶B掛住玩手機, 佢踩你地都傻!)

香港航空係廉航, 所以唔會泊係boarding gate, 要搭接駁巴士, 自己行上飛機, 不過咁都幾好呀, 可以影到張比較特別既登機上. 

因為同陶寶同行, 所以位置被安排座在第一行(最寬闊的一行, 後來知道原來座第一行是要加錢的架), 隻腳完全可以申直, 好舒服呢. 上次搭加航都沒有Seat beat給陶寶B, 只有莎拉徒手抱住, 今次座低無幾耐, 空姐就給予一條特別安全帶, 用法係將BB 安全帶首先穿落大人條安全帶, 之後就大人及bb分別各自扣上安全帶. 

有咗呢條安全帶就係安心好多呀, 好話唔好聽如果預上氣流飛機突然緊降, BB扣緊安全帶就唔怕被拋上天花呀. 陶寶B扣好安全帶之後就已經開始有睡意, 當飛機起飛時陶寶B已經乖乖瞓了.

莎拉特別為陶寶B order既小童飛機餐都無緣享用, 唯有莎拉同謝菲嚟試食啦. 莎拉都係第一次order小童飛機餐咋, 成日覺得小童飛機餐既食物造型應該會好可愛, 可惜原來沒有什麼特別(唔知其他airline會否有分別呢?), 食物有薯餅, 炒蛋配火腿絲加青豆蘑菇, 味道就麻麻地, 唔試食都沒有可惜. 

至於大人是日的飛機餐就有中式及西式, 西式是omlette配腸, 而中式係炒米粉配餃子, 西式那一款味道同小童飛機餐差不多都是麻麻地!

反而中式早餐又出奇地幾好食, 雖然個賣相麻麻地, 但居然成份食晒喎! 

2小時多的飛行時間其實好快就過, 呢頭剛剛瞓著, 個頭就announce準備降落, 而陶寶B都瞓醒了仲望實個窗口睇Landing呢.

過了海關攞埋行李就第一時間係機場出閘口(好似係Gate4or5位置)既流動電訊公司買番張7日unlimited 3G電話卡, 呢啲無限上網plan真係啱晒遊客用, 299Baht任上網真係好平呢, 所以我們就5個人買了2張電話卡, 之後再用wifi share, 上網速道都幾快, 絕對用得過. 

搞掂張電話卡之後就會合book了的包車司機Mr.Narong, 之前在email已聯絡好在那裡等待, 指引非常清楚, 所以一去到就見到Mr.Narong拎住莎拉大名等候我們了. 

等車時, 陶寶B真係異常地開心, 真係唔好當佢LuLu, 呢位小朋友一定知道我們是"旅行中", 所以特別開心. 

是日因為是星期六, 所以係某一段highway有輕微塞車, 前後都慢駛了45min呢, Mr.Narong解釋因為係weekend, 所以本地人都會多了揸車出外, 所以下次再來華欣, 最好擇在weekday到達呢. 車程行了差不多2小時, Mr. Narong就泊入公路邊的service center等我們可以食啲嘢, 而架車都要入油. 陶寶B剛剛瞓醒, 成個才檬檬豬. 

service center內有個沒有冷氣的food court.

因為全部鋪頭都係寫泰文, 所以大家唯有指手劃腳去order, 呢一間都知係湯粉, 但係估唔到係豬雜湯粉呢!!! 

食飽之後就上車向Swiss Sheep Farm進發啦.