4日3夜Crazy Family華欣自由行- 前言篇

陶寶B出世之前, 莎拉都有同媽咪及細妹一齊去咗之九寨溝, 自從果次之後就無再去了. 終於等到陶寶B大個了一點, 出外旅遊都方便一些呢, 係時候就再Plan一個family trip啦

本來今個family trip既原先地點係曼谷, 點知係12月頭既時候俾晒錢買個自由行package, 轉頭一個星期後曼谷就出現反對黨示威香港對曼谷發出紅色旅遊警示, 再過多兩星期就改為黑色旅遊警示 ai~~~, 有無咁黑仔呀.

不過因為我們出發日期係2月尾, 所以都抱住希望或者會好快沒有事呢. 不過一直等到1月尾政局都好似沒有平息既蹟象(灰爆呀!), 而另一方面香港航空俾客人兩個選擇, 一係改期, 二就係同日出發不過就改地方, 經過家庭成員閉門商討之後, 決定如期出發飛曼谷, 不過就改為去華欣. 而本來曼谷已訂的酒店就可以退款(不過就要扣少少手續費).

好啦, 既然決定改去華欣, 咁就要上網另book酒店及包車啦. 因為今次係family trip (family member有莎拉一家三口+莎拉的媽咪+細妹兩公婆) 總共5個大人+1個小朋友, 因為有大人又有小朋友, 所以行程最好預先計畫好, 唔可以好似平時自由行咁去到打開本旅遊書先決定. 莎拉就是今次華欣之旅的負責人, 安排行程食宿及交通安排(heehee, 咁即係導遊啦), 係出發前仲整咗張行程表呢!

不過最後實際行程就有啲改動, 真正行程就如下:
Day 1 - 曼谷機場 - Swiss sheep farm - 酒店check-in - Cicada market (周末創意市集)
Day 2 - Santorini Park - 愛與希望之宮(marukataiyawan palace) - 往日情懷(Plearn Wan) - 華欣火車站 - Market Village - Cicada Market內晚飯
Day 3 - 在酒店內hea (節目包括spa, 游水, thai cooking class), 而細妹兩公婆早上做過Spa之後就會去Hua Hin Hills vineyard(華欣酒莊)
Day 4 - 早上酒店游水 - check out - FN outlet - 曼谷機場