4日3夜Crazy Family華欣自由行- Day 1(下)

由Swiss Sheep Farm開車約45分鐘至1小時就到達酒店了, Evason既位置其實不在華欣, 而係在Pranburi區, 距離華欣市30分鐘車程, 所以位置真係幾偏僻(之前上tripadvisor已經睇了住客comment, 所以都已經有心理準備了). 到達了酒店後, 不似一般酒店咁停在大門後走入Lobby, 而係會停在"Arrival Sala", 之後再座Golf Car去Lobby.

咁樣酒店內就真正做到沒有任何車輛的廢氣呢, 所以每當住客要出外, 就可以係lobby度叫golf car送去arrival sala. 

到達lobby時, 酒店職員送上一條冰凍毛巾及一杯凍lemongrass tea, 座了半日車而家就舒服晒呀.

陶寶B都唔執輸, 佢都試吓杯凍飲呀. 

雖然Lobby是開放式設計對住一個好大既荷花池, 就算沒有冷氣都不會覺得熱. 

莎拉check-in之時, 陶寶B都座係Lobby度啲sofa度嘆一嘆先! 

入度酒店房, 陶寶B左又掂吓, 右又摸吓, 不知幾咁開心.

大家係酒店度Settle down後換番啲夏天衫之後就出發去食晚飯了. 

原先莎拉係香港時plan咗會去華欣市內一間係海邊好出名既餐廳Choylay Seafood, 但係頭先係車度同Mr. Narong傾緊今晚既行程時, 佢話Choylay Seafood其本上係遊客才會去, 本地人好少會幫襯架. 咁莎拉就順勢問咁如果想係海邊睇埋日落的話咁本地人會去邊度幫襯呢, 之後Mr Narong就打了個電話問地址呢. 既然橫掂都係不如就試吓本地人推介既餐廳啦. 晚上接載我們的是另一位不會說英文的司機, 不過因為之前已經同Mr. Narong安排好今晚的行程, 所以沒有問題. 座了30分鐘車就來到呢間叫Supatra by the sea的餐廳(http://supatra-bythesea.com/gallery.html), 嘩嘩嘩, 單在門口位掛滿了燈就已經覺得內裡一定會好靚呢. 

Mr.Narong真係的沒有介紹錯, 入到去就係一個非常之大的open area放滿了檯.

 餐廳座落係沙灘旁邊, 剛好仲見到有人在沙灘上騎馬呢. 

入夜後加上樹上掛滿微微既黃燈, 真係一個好浪漫的地方呢. 

安頓好陶寶B既位之後, 就快快點菜, 因為真係超肚餓呀. 

莎拉本來就帶了麵包給陶寶B食, 但係陶寶B一啲都唔笨, 嚟到泰國當然食泰菜啦, 佢一見個蟹肉炒飯就起勢咁食, 真係好開胃呢, 食到佢舐舐脷呀!

除了有一個咁靚既環境, 仲有Live music, 呢位姨姨又唱得幾好聽, 佢大部份時間都係唱英文歌呢. 環顧周圍的食客, 大部份係本地泰國人及外國人, 中國人好似得我們呢一檯呢. 

陶寶B食飽叉捉電就落地玩一陣放吓電先. 餐廳食物味道OK, 我們點了好多道菜, 值得一試既又好食既係炸蝦餅, 炸魚餅,  炸雞(用葉包住來炸的)及燒魚. 埋單5大+1細既晚餐約4000Baht有找, 講真係泰國食飯呢個價錢唔算平, 不過以餐廳環境及氣氛是值得一來. 

不過當晚幫我們落單的侍應英文又唔好, 落落吓單走咗去, 之後當然有漏單既情況啦, 提咗佢有漏單之後都無補番個order, 真係激C, 最後要吓吓搵經理先搞番掂. 

其實陶寶B玩了一整天, 食完晚飯後都已經開始眼瞓了, 不過我們仲有下一個行程呀, 陶寶B頂住呀!!!

包車司機係餐廳既停車場度等我們, 我們食飽飽就向Cicada Market出發. 餐廳距離Cicada Market約5-8分鐘車程, 其實都幾遠吓. Cicada Market只會在星期五, 六, 日會傍晚4pm時份才會開, 平時market位置只係公園, 到了weekend就會變身為一個又有嘢食又有嘢賣既熱鬧市集. 

市集賣既大部份係本地人既手作品 (莎拉都忍唔住買了個竹脊做既小手袋用嚟裝電話呢). 

除了有賣的, 佢既food count絕對係吸引呀, 因為真的係包羅萬有, 最難得係好乾淨呢. 所以全家人一至決定明晚要再嚟呢度開餐呢. 今晚已經食飽了, 唯有買杯lemongrass iced drink加個椰子雪糕試住先呢,明晚我們再試過. 

時間都已經9pm了, 係時候回酒店早早休息!

Infomation:

Supatra by the sea餐廳: http://supatra-bythesea.com/gallery.html

Cicada market: http://www.cicadamarket.com/