4日3夜Crazy Family華欣自由行- Day 2(上)

Day 2

陶寶B好好瞓呢, 絕對沒有瞓唔慣生保床既問題(哈哈哈, 呢樣遺傳自莎拉), 張BB床咁大正式既打撗瞓都得呀, 明明昨晚個頭向右邊架, 起身時已轉了去左邊呢.

起身換好衫飲支奶就出去食早餐了. 係香港莎拉除了在公園放陶寶B落地行, 基本上都好少會係馬路俾佢走, 因為有車危險, 所以今天拖住佢自己行, 陶寶B不知幾開心, 好似All you can run咁.

沿途經過lobby前的大荷花池, 早上啲荷花開得好靚呢.

早餐buffet係在海邊旁既"The Restaurant", 餐廳好多人好滿呢, 見到好多說泰文的住客, 相信因為係weekend既關係, 本地人都愛來個weekend getaway呢. 陶寶B都有佢個私家位, 食咗一個麵包加生果, 佢都唔輸蝕呀.

而莎拉至愛食佢個湯粉加杯石榴汁作為早餐呀! 唔好睇碗粉平平無奇, 其貌不揚, 食落先知係正嘢 (打後幾日, 莎拉日日都食番碗先安樂)

小朋友食飽之後真係唔會有耐性座定係個位度, 所以莎拉就拖住陶寶B出去行吓影吓靚相呀.

同佢去海邊行, 呢位小朋友好似晨運阿伯咁做早操, 周身郁.

影相途中, 有位貌似韓國定唔知係日本既年青靚女向陶寶B集郵呀!!!!!! 陶寶B人生第一次被集郵呢, 可惜呢位小朋友怕羞驚驚, 莎拉想來個反集郵都唔得.

約了司機10AM接我們開始今天12小時包車之旅. 今天的司機是Mr. Narong既兒子, 佢幾型仔架, 哈哈!!! 今日行程第一站係Santorini park, 其實佢是在swiss sheep farm附近, 不過佢就係在另一邊的high way(向曼谷方向), 所以如果時間足夠其實是可以回程返出去曼谷是先去, 咁就唔駛特登座成個鍾頭車呢.

入去Santorini Park要比入場費架(好似係30定50baht).

Santorini Park係希臘風格既室外商場, 好大好新淨.

陶寶B見到有咁多樓梯, 好開心咁上上落落, 玩到癲咗!

好好笑好三級既噴水池! ^o^

商場內啲牆壁上有不同既道具及裝飾供遊人影相, 因為有好多影相位, 所以啲遊人分散得好開, 唔會要出現排隊影相架.

除了商場, 仲有小型遊樂場(好似只有摩天輛及旋轉木馬).

其實大家對shopping都無咩興趣,所以就係瘋狂影相!

今日天氣真的好熱呀(泰國天氣熱就當然啦), 加上因為係全戶外, 所以行了一陣就已經好熱啦

見到有呢個水池位, 莎拉同陶寶B立即除鞋行去玩水呀.

莎拉真係好Buy呢個水池位, 因為唔似一般水池, 佢有啲似海灘沖浪既感覺呀, 係咁熱既環境下, 浸一浸腳真係成個人cool down下來呢.

除了水池, 仲有啲水柱randomly噴出嚟, 陶寶B玩得好開心(莎拉自己都係)為

大家小心, 大白鯊之出沒呀!!!!

你以為陶寶B會驚呀, 你都傻既, 佢先至唔會俾佢嚇到, 仲要有啲婢視佢!

陶寶B: 媽媽, 我想寄張Post Card返香港呀!

 Santorini Park其實不是好大, 前前後後在此逗留了約90分鐘都好足夠.

之後就向愛與希望之宮(marukataiyawan palace)出發啦!!!

Information:

Santorini Park 網址: http://santoriniparkchaam.com/