4日3夜Crazy Family華欣自由行- Day 3(中)

陶寶B似乎都好似好肚餓呢, 餓到個樣成個呆晒咁! ^o^

每天早上去食buffet早餐時都會行經酒店內呢間向正海邊的"The Restaurant", 看過menu(在酒店website內有menu)後得知價錢不貴, 就決定一家三口食個quick lunch. 因為酒店平日的客人不多, 連帶光顧餐廳的人少之有少, 所以可以自己隨便揀位, 既然自由揀, 當然要揀個對正海邊可以吹住海風的靚位. 

座定定後, 陶寶B都自己睇menu揀吓食咩好. 

未有嘢食, 淨係對住個靚境都已經好滿意了. 媽咪, 你地掛住影相, 叫咗嘢食未呀, 我好肚餓呀, 有嘢食未呀?!!!我等緊開飯呀!!!

 呢點咁舒服既環境一定要嚟一杯冰凍飲品先match, 莎拉就order咗homemade lemonade, 而謝菲就整個冰凍椰青. 平時見開既lemonade都係一杯杯上, 估唔到呢度係成支上, 感覺上好抵飲呢(又C9上身). 

又想食泰菜又想食西餐, 所以最後就叫了一個泰式雞肉炒飯, fish&chip, 最後就嚟個pandan cake(斑蘭蛋糕). 泰式雞肉炒飯看似好簡單, 不過一食落口就不得了, 有好香鑊氣好鬼好味! 

本來諗住同陶寶B一齊Share個炒飯, 點知個飯可能好好味, 呢位小朋友差不多食了2/3碟炒飯, 真係好好為口呀. 莎拉都唔夠食, 唯有痴謝菲個fish &chip啦. 

呢個fish&chip都係水準之作, 唔係太過油利(莎拉最怕食炸嘢時成口油), 啲薯條係莎拉最鐘意得厚切呀, 好味道呢. 

最後個dessert斑蘭蛋糕就失色了, 因為得個甜味(仲要係偏甜)好少斑蘭味呢, 失望呀!

 食飽了休息一陣就返房換上泳裝去玩水囉!!!! 好想在池邊曬太陽加支冰凍啤酒呀!

泳池由3-4個不同深度的泳池所組合, 最淺的水深都只係到陶寶B腰部, 所以小朋友玩水都幾安全架. 

陶寶B係池邊做吓Warm up先!!! 一二一二!!!

上一次陶寶B游上時只係得1歲, 當時佢一啲都唔驚玩水, 不過今日就已經唔多同, 因為同佢行落水時佢有啲驚, 最後要同佢係淺水位Warm up吓先可以座落水泡去較深水既池玩. 

泳池對住個海, 雖然有一條少少馬路相隔, 但係在池邊時會有infinity pool既效果架, 係度游水真係好爽呀. 

因為出面係一條小馬路, 所以期間會有小販揸住架電單車慢駛賣雪糕, 佢地會播住歌仔吸引酒店住客, 只要係叫一叫佢地就會停車架啦, 好鬼得意呢. 

游了只係30分鐘就要上水啦, 因為莎拉要趕下一個重點節目-----就係學煮泰菜. 其實之前多次去泰國旅行都好想上thai cooking class架啦, 但係謝菲又無興趣, 所以一直無法達成. 但咁啱係今次旅行前同家人介紹一吓酒店既facility及activity時, 當媽咪一聽到有泰菜料理班上就話要試吓, 好呀, 今次莎拉終於可以上烹飪班啦. 酒店內的泰菜烹飪班每逢星期一, 三, 五既下午3pm上堂(1950baht/person), 地點就在The Restaurant內室外既egg station. 

當日得莎拉同媽咪2位學生, 真係包堂呀! 餐廳既廚師已經準備了所有材料及有一份簡單既食譜!

 

而我們呢兩位學生就著上圍裙再戴上廚師帽似模似樣呀. 

第一度菜式就係泰式青木瓜沙律, 廚師好細心地指道加材料的先後次序, 之後就用泰菜常用的"陶瓷樁"嚟樁啲材料. 

好快手, 10分鐘就已經完成了第一道菜"泰式青木瓜沙律", 之後就座低慢慢品嚐自己第一次動手整的泰菜. 唔係講笑, 呢個泰式青木瓜沙律同平時係九龍城食既真係十足十一樣呀(之後回到香港後, 莎拉仲特登去九龍城買了個"樁"返家再整, 好認真呀.) 

當我們在食緊第一道菜時, 廚師就準備第二道菜"冬陰公"既材料. 

差不多每次去食泰菜都一定會叫"冬陰公", 成日都諗住會好難煮, 但係原來都唔係難, 只不過係材料比較多, 真係又係15分鐘之內完成一碗又正宗又辣又好味既"冬陰公". 

吹住海風慢慢嘆完呢個足料"冬陰公"後, 就到了最後一道菜"泰式雞肉青咖哩". 泰式既咖哩比起馬拉及印度既咖哩相對多汁, 所以食呢個青咖哩一定要襯番碟白飯先係perfect match!!!! 

多謝晒廚師既指導呀! 最後仲有張証書架, 哈哈哈, 威威呀!!! 

上完呢個泰菜料理班後, 真係一個又好玩又好食又有嘢學既經驗呀, 如果係鐘意烹飪的, 呢個thai cooking class真係值得join架, 因為以後真的可以在家中自己整個正宗泰式晚餐了.