2014夏季下水禮

2014/7/6

今年夏天好似比往年來得遲了, 不過一係唔嚟, 一嚟就熱到不得之了, 最好既消暑方法就當然係游水水啦. 一身裝束及水泡準備好晒, get ready!!!

因為今年年頭係華欣去旅行時, 陶寶B好似對游水有啲驚, 所以今季下水禮都怕佢會驚呢. 不過好彩, 座係池邊玩了一陣, warm up了就沒有驚. 

佢座番上年既水泡車車, 感覺個水泡向下沉得好勁呢, 睇嚟呢個水泡都係玩埋今年就會退役了. 今日係泳池集中玩個瀑布位, 因為莎拉想同陶寶B玩"嘩啦嘩啦"(灑水遊戲), 呢位小朋友不知玩得幾咁開心. 

玩了一陣, 莎拉就試吓俾佢用手袖游吓水, 初初當然同預期既一樣, 陶寶B攬到我們實一實, 不過開始放鬆沒有那麼緊張之後, 陶寶B就會好自然地用雙腳拍水了. 再進一步就係試吓放手不抱住佢, 等佢感受吓半浮半沉既感覺. 起初都擔心陶寶B會飲泳池水, 不過原來莎拉既擔心都係多餘, 因為陶寶B唔係想像中咁小BB, 因為佢會自己吐番啲水出嚟呢. 游了水(浮了水至真)都差不多大半個鐘啦, 真係浸到皮都軟了, 所以下半場就係池邊玩下玩具, 繼續用玩具玩"嘩啦嘩啦".