科學館遊一遊

2014/6/2 

今日約了好朋友同佢兩個女囡囡嘉嘉及婷婷出嚟gathering, 但因為天氣太熱了, 室外活動除了游水之前外都別無他選了, 但因為朋友昨天才同小朋友游完水, 所以要轉戰室內活動呢. 諗起科學館內有兒童天地都好適合小朋友, 一於就向科學館進發, 玩完就一齊去嘆茶啦. 唔係講少, 對上一次嚟科學館都有N年前了, 耐到都唔記得了幾時. 

一早10am就到了科學館, 因為早既關係, 所以人唔多, 就算聽聞平時要排隊玩既揸車模擬遊戲都無咩人, 襯早就玩返轉先.

不過陶寶B好似未係好識玩, 應該係話佢唔係好知玩緊咩, 個樣傻吓傻吓, 唔多enjoy(不過謝菲嗲嗲好似就好enjoy). 

玩完揸車就快快衝去兒童天地同嘉嘉姐姐及婷婷姐姐一齊玩啦. 

除了鞋就瘋狂咁又跑又跳又碌, 玩得好開心. 

小朋友既精力真係無窮無盡, 佢地可以Non-stop咁跑上跑落, 係佢地本字典內係無"攰"呢個字既, 大人係呢個時候真係"謝晒". 

話晒都嚟到科學館, 當然要玩吓啲同科學有關既玩意呢. 唔好以為小朋友細過就唔識, 係玩既過程佢地應該係知道呢, 特別係呢個風吹起足球既Game, 陶寶B好熱衷不斷重覆去玩. 

玩到12pm時, 陶寶B因為肚餓既關係開始唔耐煩了, 所以快快一齊去嘆茶啦. 

陶寶B真係好餓呀, 俾餅乾佢頂住先, 不過唔夠幾分鐘就清晒, 好彩order個碟炒飯好快就到, 可以快快止肚餓. 三位小朋友食飽飽之後就又起勢再玩過啦, 陶寶B就成日都只識笑, 又唔會去學姐姐講嘢, 好多時都用動作交流玩. 

今期佢地都玩影相, 陶寶B就做Model俾姐姐們影相呢.

每當嘉嘉或婷婷叫陶寶B既中文名, 陶寶B就會笑到傻咗, 真係笑C莎拉. 小朋友與小朋友之間玩樂真係特別唔同, 與大人玩樂真係好有分別, 可惜莎拉與謝菲兩邊家族暫時只有陶寶B呢一個小朋友, 沒有同齡既玩伴, 有時真係覺得佢對住全部大人真係會悶呢, 莎拉唯有同佢多啲同其他朋友既小孩多啲Gathering及返吓playgroup啦.