遊走加拿大-Day 1- Calgary

全個行程第一站就係Banff 班夫, Banff其實是加拿大歷史最悠久的國家公園, 被列入世界遺產名錄內. Banff鄰近Calgary(卡加利)相距大約2小時既車程. 香港係沒有直航飛到的, 所以我們就由香港出發先飛到溫哥華, 之後再轉搭1.5小時既機程去到Calgary. 今次搭加航晚上7pm機去溫哥華, 其實對帶住小朋友既我們係非常好既 flight schedule, 因為陶寶B食飽飽玩一陣就可以瞓覺了. 其實莎拉相信陶寶B都知道要去旅行呢, 因為工人姐姐話出發當日好Hyper, 完全唔想午睡, 加上臨出發前, 陶寶B仲主動同工人姐姐Kiss good bye呢, 所以莎拉絕對相信陶寶B係知道的, 好啦要出發了!

因為7pm才起飛, 陶寶B呢個胃食仔無可能等得到起飛後既飛機餐呢, 所以莎拉就預先用保溫壺準備好佢既晚餐, 當入閘後就可以開餐呢. 

如莎拉所料, 陶寶B一見到個保溫壺就開行自動波自己攞嚟食, 食飽飽就心情都靚啲, 可以俾莎拉捉去影啲旅行出發必影既相.  

等待登機時莎拉不斷教陶寶B邊架係飛機呢, 真係睇書不如見實物呢, 真係容易明白好多呢. 

因為陶寶B已過了2歲, 所以今次佢係自己有座位的呢, 佢人仔細細座大人位, 簡宜就係變相"頭等座位"啦. 座定定扣好安全帶, 俾啲玩具佢玩就乖乖順利渡過take off既過程了, 叻叻呀! 

起飛後無耐就又開餐啦, 雖然莎拉可以幫陶寶B預先Order定小童餐, 但係上次去華欣時兩程機既小童飛機餐都極難食, 所以都係由得陶寶B食大人飛機餐比較隱陣呢. 唔講大家唔知, 陶寶B食得好Man架, 佢最鐘意食粉麵飯類, 所以大人飛機餐反而比較啱陶寶B口味. 雖然陶寶B之前食飽無幾耐, 但係佢一樣自己食晒個飛機餐內既白飯, 真係得確係大食仔呀. 

食飽最好做咩呀, 咪就係瞓覺啦, 陶寶B深明此道理呀, 一瞓就瞓了好幾小時, 莎拉同謝菲終於都可以自己休息吓啦. 

今次係飛機上面全靠呢5寶玩具, 又車車又玩具相機, 真係去到邊都要有佢.

不過有時玩得玩具耐了又會開始睇吓卡通片, 所以係機上既時間好快就過, 一啲都唔悶.

真係不經不覺12多小時既機程順利完成到達溫哥華, Yeah!!! 過了海關後就轉往乘搭內陸機飛Calgary. 

座了咁多個鐘頭起飛機, 個樣都好似迷迷地.

飛機呀!又再飛啦. 

短短1.5小時機程玩玩吓玩具又再瞓過呢, 陶寶B你係得既. 莎拉極力推介呢個小童頸枕, 唔駛小朋友瞓到頸痛. 

跟住個夕陽嚟飛, 影相都特別靚呀!

到達Calgary都已經係當地時間晚上9pm了, 我們一行7人既行李幾咁多呢, 陶寶B你睇實啲行李呀. 

出了機場就直去租車公司攞車, 一架7人Van剛剛好, 順便提一提大家, 小童座車時係一定要座Car seat架, 呢個係加拿大及美國既法列, 所以租車時記住要租埋Car seat呀. 

因為計劃明天一早就出發去Banff, 所以今次入住既係Radisson Hotel & Conference Centre Calgary Airport距離機場只有10分鐘車程, 非常方便. 

酒店非常之新, 所以一切設備又新又靚房間又大又乾淨, 一晚價錢都只係$1200港幣一晚(每間房最多可以住4人), 所以係好抵住. 

搞掂晒check in之後不知不覺都已經係晚上10:30pm了, 大家都餓都肚都孿, 所以就係酒店內唯一既餐廳內食嘢.

平時住酒店真係除了酒店包了既Buffet早餐, 正常情況下都唔會幫襯酒店既餐廳呢, 不過估唔到餐廳既食物都唔錯, 碟頭仲好大碟呢, 有啲portion分分鐘係香港既餐廳可以一開二呀.

 食飽就快快返房同陶寶B沖涼啦. 之前曾經提過陶寶B好怕用花灑沖涼, 雖然已有改善, 但係為怕陶寶B旅行期間發癲, 所以莎拉就係淘寶買了呢個吹氣既浴盆, 唔理佢係真既日本牌子貨定假貨, 幾十蚊人仔包埋個泵, 旅行時使用真係好方便喔. 

到陶寶B瞓了既時候都已經係凌晨了, 執好明天出發既行李都已經係2am, 早抖啦, 因為明天一定會因時差關係而早起呢.