遊走加拿大-Day 2(上)- Banff

"晨早起床清新開朗, 陽光帶來無限美", 雖然晨早起床身體好, 但陶寶B你都唔駛5am天都未光就起身架, 難為莎拉同謝菲只係瞓得3小時都唔夠, 鳴鳴鳴!!! 

陶寶B明顯係因為時差關係所以早起, 其實經過上年既經驗, 都已經預咗佢會早起, 瞓夠後既陶寶B精神奕奕, 準備出發了.

昨晚夜嗎嗎先到達, 所以都影唔到酒店既外觀, 而家補番張酒店外貌相先, 圖中架紅色Van就係我們今次租既7人車啦.

今日既行程會係一直揸2小時車程到banff, 出發前先去令人懷念既Tim Horton先. 老實講Tim記既咖啡真係好水皮, 不過鐘意幫襯係一個情意結姐, 不過都推介大家試吓佢個susage english muffin, 即係豬柳蛋漢堡, 好鐘過麥記既多多聲, 另外Tim記既Bagel都係莎拉至愛呀. 食飽就開車出發啦, 一路上都係藍藍既天, 加上公路上兩旁既田野, 真係望望下舒服到瞓著啦, 而陶寶B就第一時間掙取時間瞓吓先啦. 

跟住GPS沿住 Highway一路向Banff一啲難度都無, 一路上由田園既風景慢慢轉變成Rocky Mountain既山景. 

係公路旁見到有好多車停係個湖邊落車影相, 我地都照樣停車睇一睇, 莎拉沒有指細走埋去睇個水牌, 不過相信係以前應該係一個礦場呢. 

好快就已經駛入Banff National Park既範圍啦, 進入國家公園係要收費的, 其本上係每一架車以family來收費的, 收費時佢會問你逗留多少天的,  因為是$20加幣一天. 唔好諗住明明逗留2天就諗住俾1天錢呢, 因為在國家公園內佢地係會打游擊設check point去檢查有無過期逗留的. 今天

第一站就係搭纜車上Sulphur Mountain(硫磺山), 進入banff城鎮後跟住Banff Gondola既指引就會到達搭纜車既地方, 來回價錢係$35.95+Tax. 除了可以搭纜車之前, 另外一個方法就係行山上去, 如果係行山愛好者真係可以試試. 纜車全程8分鐘就可以帶到上海拔2281m既山頂. 

陶寶B人生第一次座纜車呀, 乖乖座定定影張相先, 佢過樣好搞笑, 相信因為有啲緊張所以個樣笑得硬晒. 

其實莎拉真係除了搭過香港海浪公園既纜車之前, 今次係第一次搭, 編排行程時有考慮過搭纜車會唔會好搵笨好老襯呢, 不過當一座纜車到達山頂時, 就覺得好彩上咗嚟, 唔上嚟就真係老襯啦, 因為係山頂上360度俯瞰Banff及Bow River既景色真係無得頂. 

Bow River中文名叫弓河真係無改錯名, 條河係山與山之間彎彎曲曲穿過呢. 

自由行旅行團大合照, 我們就係一行6個大人加陶寶B啦

剛好呢一期ice bucket challenge好hit, 有人係山頂上玩, 莎拉真係好佩服, 因為山頂上吹風都凍加埋冰真係緊凍呀!

其實係呢個moment陶寶B又已經開始有啲眼瞓了, 所以影相時真係"唧"都唔笑呢. 

雖然山頂上有晒圍欄, 不過都係要好少心拖實陶寶B.

係山頂上有一條約1KM既木板地山徑連接住呢一個山頭.

另外一邊係Sulphur mountain既景觀, 山脈一個接一個, 好壯觀!

而陶寶B見到樓梯都好樂意自己行. 

不過可唔可以唔好食住奶咀呀, 好肉酸呀!

有時行行吓又攰, 又要嗲嗲抱抱. 

一路行一路沿途影相, 唔覺唔覺就行到上另一山頭既舊氣象台(Cosmic Ray Station). 

沿途上有好多松鼠仔呢, 細細好得意喔, 企係度食嘢時個樣係最可愛呢. 

好啦, 行返原路去搭纜車落山啦. 

返到Banff市中心剛好有個臨時Local farmer market, 行個圈睇吓有咩好嘢先. 

頭先係Sulphur mountain就好涼, 一返回山腳就熱啦, 買番杯homemade lemonade解渴先. 

除了有飲的當然有熟食買, 我地就買了即炸potato chips食. 仲有好多新鮮既水果買, 明符其實既又平又靚又新鮮呀! 

係呢個moment雖然有啲咁靚既蔬菜水果, 但係陶寶B已經完全沒有興趣了, 因為佢已經眼瞓到不得了.

係市集旁邊既就係Bow River, 啲河水好藍好清喔. 

張相絕對沒有PS過架, 河水真係藍色的.

有啲小朋友係河邊度玩緊泥, 當Play-Doh咁玩. 

望一望錶完來都已經差不多2pm, 行去市中心睇一睇有咩好食先. 在Banff town 行了約5分鐘, 街道兩旁都沒有食fast food類型既餐廳, 又唔想食sandwich, 突然見到一間食日本菜既那那聲衝去睇啦, 可惜餐廳內得幾張檯仲要reserve了, 無緣幫襯呢(莎拉好想食飯呀!!!). 有人既地方就有麥當當啦, 估唔到係Banff都要幫襯你呀. 食飽飽就準備向下一站進發啦.