遊走加拿大-Day 3(上) - Banff

一早起身見到外面天郎氣清, 遠遠已望到附近既山, 可能因為還早呢, 所以仲見到山腰有一條雲帶. 早上既Banff Town 好寧靜, 有了晚上街上全部係遊客既熱鬧, 人及車都好少, 聽見既係雀仔聲居多呢.

今天本來行程係一早去Lake Louise加Columbia Icefiled睇冰川, 但係因為細妹隻眼好唔舒服不斷流眼水, 為免影響病情, 所以今天一早天都未光就揸車出返去Calgary睇8am appointment眼科醫生, 而我們就另外再在Banff租多一架車去遊覽. 雖然由酒店行路出去banff town約15-20分鐘, 但係要抱住陶寶b都好攰, 加上因為拎住個car seat, 所以今早就試吓搭巴士. 

酒店門口附近就有個巴士站了, 上面有晒路線圖及schedule, 指示非常清楚, 呢度既巴士係每30分鐘一班, 剛好我們等了2分鐘巴士就來到了. 上車後有個女士拎住一籃cookie詢問剛上車既乘客"you want free cookie?", 原來啲cookie係免費架, 原因係來答謝乘客座巴士呢. 莎拉都係第一次遇到呢種情況呢, 心諗free cookie如果在中國人地方出現, 真係多多都唔夠派呀. 平時要15分鐘既人行路程, 座巴士真係5分鐘就到啦. 

我們隨便在一間cafe座下食早餐, 叫了2客Panini share來食, 加多一杯回魂咖啡, 真係要講句"what a perfect day!!!"

 如果係香港都可以有咁relax既地方就好啦. 

仲係好似剛剛瞓醒既陶寶B, 未係狀態!

食飽早餐就出發去攞車, 點知去到租車公司才知, 因為昨晚才book車, 他們現已沒有GPS既車了, Oh No!!!! 點算好呢?! 如果今天沒有車就邊度都去唔到了. 所以就快快走去另外一間租車公司睇吓walk in有無車呢, 好彩最後都租到架有GPS既車了, 終於可以放下心頭大石了. 

本來今天既行程係去Columbia Icefiled, 但因為車程都差不多要3小時既車程, 莎拉自知今天狀態馬馬地, 所以今次就同冰川無緣了, 唯有下次有機會再去啦. 剛剛取車後不久細妹就打電話來已看完醫生, 而家可以起程返回Banff, 所以我們就係附近行吓晏少少係Lake Louise度會合. 

Banff Town附近有個Bow river falls, 雖然名字就叫做falls, 不過其實係一個瀑布仔嚟, 不要抱太大期望啦.

 雖然話就話係小型瀑布, 不過基本上來到Banff既遊客都會到此一遊, 所以不斷見到一車一車既旅遊巴呢. 

今日天氣麻麻地呀, 天陰陰好似好想下雨, 所以影既相都沒有昨天既靚, 不過今天就有陶寶B既Lovely Smile搭夠!

今天終於可以影翻一張正正常常, 唔扭眼瞓, 唔食奶咀既全家幅啦. 

沿住河邊行前少少就有一個石灘, 見到原來附近有得玩rafting, 有不少橡皮艇下水作準備呢. 

Rafting就無我地份啦, 不如教吓陶寶B"片石仔"啦

HEEHEE. 呢位小朋友好認真好努力去"片石仔".

不過佢點樣拋啲石仔都唔會好似莎拉咁遠架啦, 次次都只係趺在自己前面, 好好笑. 

我們今次旅程既大會攝影-謝菲嗲嗲, 又要影風影小朋友真係唔容易的, 辛苦晒.

玩咗一陣個天開始落雨啦, 莎拉都開車出發去Lake Louise會合細妹佢地. 我地同Bow river fall講bye bye啦.

其實係highway揸長途車係好悶, 因為一路上公路上既景觀都係一樣, 不過Trans canada highway1就不同了, 因為沿途有時就正正有好靚既河流係公路旁邊, 河水既顏色係冰藍色, 所以一路揸車既過程都好享受呢, 莎拉相信呢一段既Trans Canada highway係最靚的.