遊走加拿大-Day 3(下) - Banff

話咁快1小時就到了Lake Louise, 雖然無再落雨加但都係天陰陰, 所以真係凍了好多, 之前仲諗帶來既厚衫無用武之地, 而家終於可以出場啦. 泊好車行去湖既方向, 一行前無耐就見到好震撼既湖景呢. 

當時真實見到既景象靚過影相多多聲呢. 

不過可惜今日天陰, 相信如果天氣好影出來的相會更加靚. 

但換個角度睇, 天陰下多了些雲, 又好似多了一份詩意. 

湖邊都有得租獨木舟, 下次來一定要試一試呢.

 Lake Louise在冬天時結冰後就原來可以係湖上溜冰呢, 相信應該會好好玩. 

呢度周圍都有好多呢啲迷你size既松鼠仔, 佢地食嘢時既樣子真係特別可愛. 

因為一下子由亞洲地區嚟到加拿大, 所以真係突然變得又凍又乾, 陶寶B dry到個咀仔笑起上嚟不能大笑呀, 突然變的斯文了.

Lake Louise旁就係Fairmont集團既Chateau Lake Louise 酒店. 

呢間酒店歷史悠久,  所以好出名的喔, 雖然莎拉就無緣住呢間世界聞名既酒店, 不過就入去食番個lunch啦. 

好鍾意外國既餐廳會將kids menu印刷係張檯紙上, 咁小朋友就又可以玩吓填顏色呢, 香港好似好少有呢類服務呢. 除了有張顏色遊戲紙之前, 仲俾了隻卡通杯俾佢用, 陶寶B一見到就立即攞上手啜嚟飲啦. 

相信呢間酒店一定有唔少華人旅客呢, 因為Menu內居然有類似中式炒烏冬, 食了兩天西餐都想食個麵呢. 味道當然係老外式既中菜味道, 不過對於想食中餐的我們都算係止吓咳. 另外點了個cesear salad及ravioli, 味道都相當唔錯呀. 

食飽飽當然又係飯氣攻心既時候了, 陶寶B又開始扭眼睏, 所以又再次食住奶咀了. 

好難得先影到一張沒有啜奶咀既相呢. 

圍繞住Lake Louise同樣都有好多行山徑, 我們嘗試行一條向Lake Agnes Teahouse(http://www.lakeagnesteahouse.com/index.php)既山徑.

因為今早下過雨, 所以路上都有泥濘, 要行得比較小心呢. 行了約20分鐘後就已經上到山腰位置, 換上另外一個高角度望Lake Louise, 山上既松樹襯托下湖水既顏色特別藍呢.  

行了30分鐘後, 陶寶B已經頂唔住要抱抱了,  行去Lake Agnes全程來回7km, 單程計都要行2hr, 照咁睇跟本無可能抱住陶寶B嚟行足全程呢, 加上當時都已經差不多3pm了, 商量過後都係打消繼續行呢個念頭了, 唯有就此結束我們短短兩天的Banff之旅. 

Lake Louise就成為我地今次Banff既最後一個景點.今次係Banff既行程實在係太短了, 其實除了Banff呢邊, 在北面既Jasper都係莎拉想去既National park, 下次再嚟玩就一定要起碼玩5-6天才足夠喔. 

明天就會中午搭飛機去Montreal, 所以今晚就會返回前一晚在機場附近的Radisson酒店, 方便明早可以搭酒店的shuttle bus 去機場. 又再Check in後就出去搵吓有咩好嘢食, 因為呢兩天食了好多熱氣嘢, 所以全車人一至讚成食清啲, 咁啱見到有間越南粉, 正呀, 食完碗火車頭加一杯越南咖啡真係好滿足喔. 食飽就早啲回酒店休息啦!