香港K型教育

曾經同朋友傾計時, 對方既小朋友才1歲多, 但都已經擔心緊如何選擇幼稚園, 因為今天既選擇分分鐘會影響埋將來既小學及中學. 有一些更加誇張到連小朋都都未出世, 就已經安排好如何選擇幼稚園. 因為大家都深信由第一步所選既幼稚園係會影響將來能否入讀心儀的小學, 中學及大學. 小朋友才那麼年幼, 由入讀幼稚園就已經要背負住咁沉重既因素, 是否有啲那個呢?!呢個市場有需就有求, 有咁既家長坊間就會出現果啲"幼稚園面試班", 真係痴晒線. 

 莎拉又曾經係討論區見個一個題目"愉快學習既幼稚園係好, 但係當小朋友升上小一時就會因為功課及學習突然加深因而另到小朋友壓力大增, 所以幼稚園都係不應該愉快學習", 支持及反對既家長各有聲音. 反對既家長原因係因為人生慢慢長路, 難道3年既愉快幼稚園都不給小朋友咩?! 而支持既家長係覺得如果有呢3年既快樂, 那麼後來要追既日子就會更加辛苦及痛苦. 其實有邊個家長唔想小朋友可以在愉快既氣氛下學習呢? 

莎拉都有朋友本來都係抱住"不做怪獸家長"既宗旨, 但係當小朋友上到小一後, 第一次默書/測驗唔合格後就唯有急起直追, 慢慢地為了追上進度就變成怪獸家長努力吹谷了, 每晚做功課到10點就不在話下, 到了考試測驗更加會溫書到12點, 媽媽化身為哥斯拉怪獸. 莎拉相信無人一開始就想做怪獸家長既, 好多時都係學校既課程迫使. 

香港既教育係行精英制, 教育局雖然成日宣傳"求學不是求分數", 但有幾多間學校真係實行到呢(相信只有國際學校才可以), 有邊間學校既成績表係沒有排行呢?! 再者, 學校就好似一盤生意咁, 當中原因有部份當然係為錢, 但有部份因為要保持足夠既收生率嚟避免殺校, 所以學校就會出盡法寶嚟表示自己學生的成績(得到幾多個校制學制比賽既獎牌, 學生派位情況等等)用嚟吸引學生入讀, 因此家長們又會好似睇公司業績去選擇學校. 為咗學校可以提升Level, 學生們當然要跑出好成績嚟upgrade/maintain level啦, 結果就係學生們所學習既課程會加深, 小一學小二內容, 小二學小三內容, 變成大家成日講既"羸在起跑線, 為未來裝備". 

莎拉曾經聽同事講有小朋友上小一既數學堂, 老師問有邊位同學唔識乘數表九因歌, 結果係全班得2-3個小朋友舉手唔識, 老師就同唔識既同學講叫佢地返屋企叫家長詳細教九因歌, 因為班中大部份既同學已識, 所以唔會用太多時間慢慢教. 莎拉聽完之後真係匪夷所思, 幾時九因歌早到小一就教架?! 當年莎拉都好似無咁早學九因歌. 莎拉再上網search吓, 原來現時好多家長/幼稚園已經早係K3就教九因歌, 當歌仔唸口王教小朋友. 唉~~~莎拉睇到呢度真係無言了. 

究竟係香港政府既教育政策定係家長方針要求(羸在起跑線)引致到今時今日既呢個局面呢? 莎拉深信一隻手掌係拍唔響的, 兩邊都有責任去形成今日既情況. 有人會話如果家長唔去吹谷小朋友, 咁學校就唔需要跟隨吹谷啦! 無錯呢個Idea係可行, 不過要全香港既家長都要咁做先得呢. 試問香港人怕蝕底既心態下, 當人人都係咁做, 有幾多人可以好清高地會唔去follow呢?! 呢兩個月莎拉就不斷去諗香港既K型教育, 所以有感而發, 上述純粹個人肺up, 不喜勿插!