遊走加拿大-Day 5- 恭喜細佬小登科

莎拉有一個弟弟及一個妹妹, 上一年細妹已出嫁了, 今天就輪到細佬娶老婆啦, 我們三姊弟都全部成家立室了, 莎拉既媽媽mission complet啦. 一早細佬就出了去Tim Horton買了一大堆Donut, muffin, bagel回來, 因為一陣又兄弟又姊妹加上親朋好友, 真係多多都食得晒呀. 

平時買外賣coffee就一定係杯杯上架啦, 估唔到Tim Horton有bulk size coffee(仲可以keep warm幾個鐘), 莎拉都係第一次見咋, 成個紅酒盒咁, 唔講真係唔知原來係咖啡呀.

今日陶寶B都係半個主人家呀, 好多婆婆既朋友都會第一次見陶寶B呀, 當然要著到型仔啲啦. 

永遠都覺得小朋友戴煲呔係型過打呔既, 加件企領外套, fit晒(嗲嗲見到件外套就話, 點解可以咁型架, 如果有大人size就好了!!!) 

陶寶B咁靚仔, 莎拉同謝菲都要著靚靚呀, 講真著到咁"四"正真係好少有啦, 如果唔係半個主人家得話真係好少見呢, 好難得同老公影到張合照呀, 因為自從有陶寶B既出現後, 影出嚟既相大部份都係有陶寶B在內呢, 好少有張兩口子既Dress up既合照呢. 

再嚟一家三口既合照. 

今日莎拉都臨時上陣幫兩位親友化淡妝, 今次都係第一次幫人化妝咋, 自己化妝技巧都係馬馬地, 同自己化都只係叫做見得吓人, 幾驚畫眼線時手震呀. 

姨姨今天都好靚呀, 要同佢影吓相先!

陶寶B今日有個好緊要既任務就係"跳新床"啦!!! 陶寶B對呢方面係好有經驗架啦, 上年一歲時已經當個此重任, 所以今次簡直係Easy job, 睇我表演啦! 

恭喜恭喜細佬及弟婦!!!! 

再嚟全家幅一張呀! 我們三姊弟係咪唔多相似呢?! 

完成晒入門儀式之後, 細佬他們就又要那那聲做埋回門儀式呢, 好快隻回門燒豬都分了些回來了, 又係時間開餐了. 

香港既婚禮流程好多時中午都係安排去茶樓食lunch, 在外國地方大, 所以就可以買外賣以buffet型式食lunch呢, 呢個形式真係唔錯呀, 大家又唔需要走來走去, 傾吓計食住嘢不知幾咁好. 當陶寶B瞓個晏覺叉一叉電時, 我們就係Backyard飲住嘢享受一吓下午既陽光. 

小休一會後, 話咁快陶寶B又起身了, 瞓醒後爽晒!

時間剛剛好, 陶寶B與莎拉轉一轉做型後就準備出去Banquet啦. 

陶寶B轉了西裝Look, I Like It Too!!! 全人類搞掂ready, 我地出發去banquet啦.

雖然係在中式酒家擺酒, 不過加入了外國banquet既原素, 例如在dance floor及請了DJ打碟及做MC, 而場地佈置都好貼近同香港型式. 

莎拉要係reception幫手, 所以嗲嗲就負責睇實陶寶B, 不過陶寶B有時都會陪莎拉座吓係Reception幫手(定係搗蛋呢?!) 

係外國既banquet大約係7點就會開始, 所以唔似係香港咁要等到9點先有得食呀!

雖然早開席, 不過因為期間會有dance及DJ非常叻搞氣氛及玩遊戲, 除了係參加一個婚宴之外同一時間就好似係參加Party, 眼見好多賓客都好enjoy在其中, 莎拉真係好喜歡呢種外國式既婚宴, so far在香港都未曾參加過類似的呢.

陶寶B今日真係好攰了, 因為未到10點, 陶寶B居然可以係個speaker旁邊瞓著了, 當時真係嘈到同disco沒有分別, 真係好嘢. 

係度祝細佬白頭到老, 永結同心, Sweet Sweet Forever.