K1學期終結篇

2016/7/13

真係話咁快就完結了陶寶B既K1生涯, 望翻轉頭好似開學唔係好耐之前既事, 但就真係一年時間就過去了. 

呢一日又嚟到家長日, 但因為莎拉之後仲要返工, 所以就自己單拖見班主任. 到了學期尾就要取回之前在課堂既所有作品回家. 

一頁一頁去睇陶寶B既勞作, 雖然稱不上畫得好靚, 但由初初既油顏色好大力到後期已油得比較仔細, 小肌肉既發展有明顯既改善. 其實陶寶B所讀既幼稚園並不是什麼出名既幼稚園, 反而可以講係冷門之選, 但莎拉還記得一年前自己講過”只要有學校收就可以了”呢句說話, 而呢一間幼稚園就係當日唯一既Offer, 但反之莎拉覺得幸運陶寶B入讀了呢間幼稚園, 因為他遇上了一位有愛心及耐性既老師. 

其實係入學初期, 老師就已經發現了陶寶B上堂唔專心, 所以老師會特別安排陶寶B坐中間位置, 而每當老師發現佢開始”遊雲”, 老師就會專登向陶寶B發問問題, 等佢可以集中回來. 而經過一年既學習, 老師對陶寶B既評價係正面的, 例如專注力已有所改善, 社交方面係好Social及好Sporty, 有禮貌, 喜歡閱讀(但點解係屋企就麻麻地), 英文及認知表演都好好, 而自理能力都唔錯, 而上堂時情緒都係穩定, 但有時會因為太心急說話表達得唔太好而情緒出現起伏, 而小肌肉就需要加強訓練一吓. 

而好多幼稚園到了學期尾都會頒發一啲豬肉獎俾小朋友以示鼓勵, 而陶寶B獲頒既係”表演積極獎” , Hahaha, 即係咩都有佢份啦. 

感恩陶寶B一齊都發展平均, 莎拉不需要陶寶B”贏在起跑線”, 莎拉既期望由始至終都只係希望陶寶B享受學習, 因為享受才會可以真正的學懂.

陶寶b與莎拉媽