熱辣辣@大埔火車博物館

2016/5/29 

陶寶B作為一位超級Thomas粉絲, 有咩理由未去朝聖大埔火車博物館呀?! 所以趁天氣熱得嚟玩水又凍咗少少既日子, 就帶陶寶B去睇佢最鍾意既火車吧! 

相信呢個火車博物館大家都唔會陌生, 因為TVB既民初劇既火車場口戲時常都會係呢度取景.

整個火車博物館最正就係可以上去呢啲舊式火車度影相,還記得莎拉結婚那個年頭, 好多人鐘意嚟呢度影婚紗相,  不過而家已經一律禁止啦, 但係當日都仲有唔少龍友帶Model嚟影相. 我地都帶了私家Model”陶寶B”嚟影, 無聊既我地都無翻版吓人地既以前好流行既婚紗相Pose先.

睇吓呢位龍友為了影個囝可以瞓到幾盡?! 

陶寶B坐係呢架舊式火車後仲問莎拉架火車幾時開呢?! 笑C人呢!!! 

其實係咪所有男孩子都會迷上火車架呢, 不論新舊通通都鐘意. 話時話舊時既火車係無冷氣架, 大熱天時搭火車真係會大汁疊細汗架. 

大埔火車博物館真係唔錯既一個好去處, 入場費全免之餘, 仲可以玩完後就去附近既市政大廈食出名既炸豬扒麵, 真係平靚正既親子活動.

陶寶b與莎拉媽