4日3夜Crazy Family華欣自由行- Day 2(中)

由Santorini Park座車約30分鐘就到達愛與希望之宮. 有一個咁浪漫的名字當然本後有一個愛情故事啦, 原來是泰王拉瑪六世在1923年為愛妃建造的一座柚木高腳宮殿, 泰王希望每年的夏天與王后到來美麗王宮的環境下, 希望王后可為他生個小王子(因為王位只可以傳子的), 不過最後都無法如願以償, 最後王妃為他生下一名小公主就移民了去瑞士定居.

王宮建築於海邊, 整個王宮是用柚木架空建築的, 所有房間都可以遠望優美的海岸. 

來愛與希望之宮要注意衣著呀, 不可以穿背心露出肩膀之上身衫, 而下身的裙或褲的長度要到達膝頭呀. 不過如果真係衣著不合規格, 園內都可以租借"沙龍"(就係下面圖中既小亭內有得租). 當然啦, 被了"沙龍"後裝束會怪怪的, 所以如果想影靚相, 最好都係在出發前穿定配合的裝束了. 

皇宮的入場收費分兩種, 一種是普通收費(不包括參觀二樓), 而另一種是包括參觀二樓的入場費. 不過其實就算是是包括參觀二樓凡的入場費都是很平的呢. 收入場費的位置是一個少少的更亭.

之後就會是行過一條長長的路徑, 兩旁種滿樹木, 直通一個歐陸式的噴水池. 

皇宮內有好多大樹, 加上臨海既位置, 所以就算正值中午時份, 但係都唔會覺得熱, 唔怪得知呢度稱之位summer palace. 

皇宮用1080支柱支撐而成的16棟房間, 用上粉藍色的牆身加上淡紅身的屋頂, 顏色配搭好浪漫呢.

整個皇宮出signature既設計就是向海邊申延既房間, 不過好可惜呢間房間不可以參觀呢. 

二樓既參觀是有人數限制的, 因為要保護二樓的木質, 所以參選是不可穿上鞋的, 另外二樓是不可拍照的. 

莎拉都是一位守規矩既遊客, 雖然或者影了相都沒有人知, 但是還是守一守規矩遵重一下好啲. 二樓是有拉瑪六世的收藏品及泰國皇族房間的裝潢陳設. 莎拉之前從來未參觀過泰皇皇宮, 心諗一定是泰式設計, 但呢個愛與希望之宮的室內用品及裝潢陳設是用英倫風格, 相信因為泰王拉瑪六世曾在英國留學而受到影響呢. 

整個皇宮範圍很大, 不過可遊覽的位置不是太多, 但是慢慢散步加影相都可以消磨60-90分鐘的.

陶寶B好彩係皇宮內沒有扭計, 因為園內好安靜, 如果大吵大鬧就真係樣衰呀. 

各位團友, 參觀完愛與希望之宮之後就各往日情懷(Plearn Wan)出發啦, 往日情懷位處於華欣市中心, 所以座車約20分鐘就到達了. 

    陶寶B去到呢個Moment其實都已經好攰啦, 陪了我們玩了一整天, 所以個人都木木地了.

 其實往日情懷是一個以懷舊曼谷為設計主題的小村. 四周既裝飾真係好懷舊, 好似入咗去時光隧道, 返去了阿媽個年代咁.

呢部汽水機, 莎拉記得細個時係香港啲士多都係用呢款架. 

以前的雜貨店就係用呢啲餅乾罐裝住零食賣呢. 

全個小村都是用木材建造分上下兩層, 地方其實唔係好大, 如果快快行真係30分便以足夠. 

行了全日都係到咗而家先肚餓呢, 係時候食啲嘢啦. 係小村內都有好多小食攤當及小食店! 

又係看圖叫嘢食既時間啦, 今次點了pad thai, 湯粉, 串燒及炸蕃薯呢. 

陶寶B都唔輸蝕, 佢都食番支串燒呀. 唔知係泰國人細食定本人大食呢, 唔知點解啲份量永遠都係咁少, 大家食完好似攝牙罅一樣唔夠飽, 不過而家已經到了下午茶時間, 好快又食會晚飯啦, 唔緊要啦. 

呢架摩天輪, 係夠膽座嗎, 好似好危險呢. 

小村內既鋪頭主打都係賣遊客嘢, 所以都無咩收穫. 見到呢間賣親子裝既鋪頭, 莎拉有一刻想買番套一個三口既親子裝, 因為120baht才一件, 但係最後覺得無咩機會著, 所以都係唔好浪費去買呢.

行完往日情懷都差不多成5pm啦, 係時候去下一站, 就係華欣火車站!