下一個目的地就係華欣火車站, 距離往日情懷(Plearn Wan)大約只有5-10分鐘車程. 華欣火車站有泰國最美及最古老的火車站之稱, 整個火車站用紅色及白色的柚木建成. 當日剛好有一班火車到站呢.
再行前少少就係火車站賣車票既地方啦, 同樣都係用上了好Sharp既紅白色呀
賣車票既大堂既LCD顯示屏好似同呢度有啲格格不入既感覺, 可能因為太過現代化啦.
當火車走了之後, 就可以行落路軌影相, 呢啲Pose一定係指定動作啦.
火車站旁邊仲有放了一架古董火車供遊客影相架.
莎拉媽媽雖然只係抱陶寶B一陣, 不過都已經好攰, 真係要座一座抖一抖先得!
呢個牌絕對是華欣的標誌呀, 嚟番張大合照到此一遊!
逗留了20分鐘影吓相就已經好足夠, 之後就去華欣市內唯一的大型商場Market Village行吓supermarket買吓手信.
5分鐘唔駛就到了Market Village, 商場門剛好有泰國傳統舞蹈表現, 相信因為大部份來商場的都是遊客, 所以先有呢啲特別表現呀!
商場內既supermarekt係Lotus (無Big C呢), 不過都係好大好好行, 由家庭用品電器到食品乜都有齊, 行過BB用品的一行, 見到有美贊臣A+ 大仔3號的紙包奶呢, 嘩呢個真係好方便呀, 如果香港有類似的咁就好.
莎拉除了對supermarket有興趣之外, 其次就係Boots啦, 每次到泰國一定要去boots買番啲香茅味既shower gel, 等返到香港時都可以感受吓泰國風情.
唔好睇陶寶B影相時好似好精神, 其實鏡頭甫背後既佢已經攰到爆架啦, 有相為証!!!
陶寶B係呢個時候終於可以瞓一陣啦, 因為今日全天的行程, 佢都沒有好好瞓晏覺, 每次在車上啱啱瞓著, 果頭就到目的地而被嘈醒呢, 希望佢而家叉一叉電等晚飯時間唔好扭計.
行完街都已經差不多6pm了, 大家個肚都已經打晒鼓, 係時候再向Cicada Market進發啦. 時間尚早呢, 所以到達Cicada Market時天都未黑齊呢.
呢個food court型式係先買voucher(最少100baht), 之後就用voucher買嘢食, 用唔晒既voucher可以退款的. 而食物攤檔都好多, 由頭盤到甜品應有盡有, 煎炒煮炸燒乜都有.
莎拉第一眼見到呢個無敵自動燒魚真係無得頂, 不過因為要等成30分鐘, 所以最後沒有試到.
除了有泰菜之外, 有兩三檔是賣西式食品(如steak及西式串燒). 見到咁多正嘢, 真係樣樣都想試呀.
正當準備同陶寶B開餐之時, 陶寶B就係呢個時候失控地發爛. 佢大喊大叫到座係附近既人都望向我們呢, 相信因為陶寶B係極度唔夠瞓又肚餓, 所有就成機少少嘢就發爛. 莎拉唯一可以做的就係抱走陶寶B去一個比較少人既地方等佢Cool Down. 本來如果今天有帶奶粉出嚟, 或者可以comfort到佢, 但係好可惜莎拉好老定見佢昨日良好表現, 所以今早滿有信心話不用帶呢, ai~~~今次真的失策了. 抱住佢前前後後差不多30分鐘了都仲未肯收聲, 果一刻連莎拉都想發爛頻臨爆炸的邊緣了, 好彩醒目既謝菲就試用手提電話引問陶寶B注意, eee, 呢朝果然work呀, 陶寶B終於收聲, 今晚唯有睇住i-phone既卡通片送飯啦.
而莎拉終於都可以食晚飯, 再嘆埋個香芒糯米飯啦, 好滿足呢.
所以呢同小朋友去旅行真係好難predict到, 同埋唔可以太高估佢地既表現呢. 係cicada market度叫咗N咁多碟嘢, 5個大人+1小朋友埋單都係2000Baht, 只係係昨晚既一半價錢, 所以Cicada market呢度真係好鬼抵食, 加上環境又好乾淨企理, 絕對值得推介呀! 今天都玩了一整天了, 食飽飽再行了一陣Market就回酒店休息啦.
No comments:
Post a Comment