10th month成長之路

10th month成長之路

體重及身高同陶寶B返醫院睇上次DMSN Scan個報告時磅過重及度高, 今期係9.5kg 75cm高, 即係話陶寶B重咗0.8kg, 莎拉自己用個生長chart去睇, 估計大約係75%既生長線. 用Hip-seat揹陶寶B出街, 揹短時間還可以, 但長時間真係有啲吃力啦 , 所以揹陶寶B呢個重任就交俾謝菲啦, 其實連謝菲都感吃力架, 不過無法啦, 莎拉怕揹得太重, 揹都個人都矮咗呢(明顯係Excuse). 而家同陶寶B出街見朋友, 好多都話陶寶B唔似10個月BB, 唔知係因為比較身長既原因, 定係佢既Outfit似大人仔, 所以有錯覺佢好大個呢. 不過點都好啦, 總之陶寶B生長係正常範圍內OK便可以.

又嚟buffet - Café Too

2013/3/24
呢個3月莎拉稱之為buffet月, 因為一係唔食, 一食就食二次, 唔通一不離二 (唔好二不離三就好啦) 好耐都無同自己屋企人食buffet啦, 對上一次都好似係2年前食Marriott.

全家對上一次Buffet既龍蝦念念不忘, 所以今次都係target有龍蝦食既buffet. 今次就book咗金鐘Shangri-la既Café Too, 之前好難book位, 今次又好估佢唔到咁容易book到(一星期前打電話就得).

陶寶B我地出發啦, 你幫媽媽攞住個手袋先啦.

第二輪出牙仔

陶寶B踏入9個月大後, 莎拉媽媽就發現佢第二輪牙仔已經靜悄悄出緊嚟啦, 今次唔止出2仔呀, 係出咗3隻牙仔, 包括兩隻門牙及一隻犬齒呀.

所以近來陶寶B牙痕得好緊要呢, 真係咩都要咬一餐. 俾Sophie牙膠之類既俾佢咬, 佢唔咬, 走去咬硬嘢. 試過放陶寶B你床度, 一令轉面, 佢就走去咬床欄, 真係睇少一秒都唔掂呀, 最怕佢咬硬嘢整傷啲牙及牙肉咋. 

希望陶寶B呢第二輪出牙仔行動快快完成, 咁就唔使亂咬嘢啦.

嗲嗲唱歌好難聽

做咩陶寶B笑得咁開心????

呢隻傻豬係度笑緊謝菲嗲吔唱歌好難聽(其實唔係真係咁難聽架咋!!!), 而家間唔時再唱呢首歌, 陶寶B都會笑不停, 莎拉試過唱, 但係陶寶B唔會笑得咁勁呢, 只有謝菲嗲吔唱時, 陶寶B先會笑得咁勁勁!!!

而家呢個Video成為咗"賣飛彿", 因為陶寶B真係笑得好傻豬, 每次睇都咁開心.

陪瞓公仔

大家仲記唔記得自己細個時陪自己瞓覺既公仔或物件呢? 莎拉依稀記得及家人轉述, 原來自己細個係鐘意"暖"住一條毛巾既嘜頭嚟瞓覺, 無咗呢條特定毛巾係瞓唔到 (相信當時呢條毛巾已經俾莎拉玩到霉晒啦).

雖然陶寶B暫時唔多需要抱公仔瞓覺, 但係有一晚陶寶B瞓得唔多好時, 莎拉放隻公仔係佢手中, 陶寶B就好似安心好多, 慢慢瞓著, 所以莎拉就開始留意想買隻陪瞓公仔俾陶寶B啦.

學行路

自從陶寶B可以企得穩及扶住物件企到之後, 下一步就要開始開行路啦. 傳統上以前自己細過都係用學行車, 但係近年有唔少報告話學行車會影響BB發展 (http://happypama.mingpao.com/cfm/parenting3.cfm?File=20090810/newa/voa2.txt)專家唔建議使用. 所以而家就改為使用學行手推車式玩具俾BB學行路.

前一排海港城Bazzare有BB玩具開倉, 而陶寶B既姑姐係附近返工, 所以就去睇一睇, 點知就買到租筍嘢, $1XX就有架MegaBlock既手推車玩具, 真係好抵呢 (多謝姑姐!!!) 第一次俾陶寶B試玩, 佢個樣好似好新奇, 呢舊嘢咩呢架, 食唔食得架?!!

烈火單車 -iimo三輛車

莎拉稱今次買呢部iimo三輪車係終極販家, 因為價錢真係好貴($16xx), 比起一般既三輪車貴咗足足一倍有多, 所以呢部真係三輪車界中既皇, 睇嚟都係販埋呢次就會收手架啦, 如果唔係莎拉個人既shopping allowance會數轉為陶寶B販家基金.

其實係陶寶B未出世既時候, 莎拉已經係Gen媽媽既blog度見過呢部iimo, 之後就一直對佢念念不忘. 因莎拉同謝菲一直都唔太鐘意啲卡通三輛車, 所以對iimo既靚仔車身設計及顏色好like.

莎拉終於忍唔住買咗啦, 因為間鋪頭做promo, 加$2xx就可以換埋佢個iimo頭盔, 同埋本住早埋早享受既宗旨呢說服自己同謝菲早啲買.

陶寶B最後廣華檢查 - DMSA Scan

陶寶B之前係80日大及3個月大既時候分別試過2次尿道炎感染, 而康復後都會安排做3個檢查, 包括係尿道造影,超聲波及DMSA Scan (腎臟素描).  尿道造影及超聲波檢查主要係確認吓小朋友有否先天性尿道短引起倒流問題, 而今次既DMSA Scan就係檢查腎臟有否因為之前尿道炎感染而出現疤痕.

其實陶寶B之前既尿道造影及超聲波檢查報告已經出咗, 感恩陶寶B沒有結構既先天性尿道短問題. 所以如果做埋呢個最後一次檢查, 結果OK就安樂晒啦.

今次既檢查係要打少量既同位素入BB體內, 之後就要禁飲禁食, 而係做檢查時BB要完全瞓著.今次既檢查同之前個2次有啲唔同, 尿道造影係之前要食在檢查前一日俾BB食顯影劑. 陶寶B既入院時間係10:00am, 而做檢查既時間係2:00pm, 咁即係陶寶B要禁食約4小時, 所以果朝早, 就係9:00am係屋企餵咗陶寶B食粥仔食(真係食早飯), 咁樣佢就多啲飽肚感覺, 唔駛太肚餓. 雖然咁早餵陶寶B食粥仔, 但係佢都好乖乖豬食晒.

可愛笑容

相信如果莎拉話"BB及小朋友既笑容"係最靚既, 相信無人會反對, 因為佢地既笑容係最Pure最自然, 所以謝菲有時話影BB相時佢地點笑都係影得靚, 而你大人笑時想笑得自然, 真係點都唔會好似BB佢地笑得咁好睇.

近排莎拉買咗呢頂"他媽古池"帽, 陶寶B戴上之後塊面仔立即包包晒, 好可愛呢. 到陶寶B回望莎拉媽媽然後給予呢個迷人既笑容, 真係"林"C媽媽啦.(唔好意思, 又迫各位睇莎拉係度母愛泛濫)

陶寶B日漸長大, 而家既表情都愈來愈鬼馬, 有時座定定就扮正經, 不過依然係豬豬面

而最愛既動作依然係放嘢入口, 佢第一次著呢對鞋, 所以對呢對鞋好有興趣, 好似好想又將佢放入口, 好彩媽媽睇住, 如果唔係又俾陶寶B行動成功