[吃貨48小時] 快閃慶生親子遊@吉隆坡Day 3

話咁快就到了快閃48小時既尾聲了, 一早起身去泳池玩咗陣就快快手執好行李. 睇睇今次旅行既戰利品, 全部都係食既, 最特別就係大手咁買紙包美綠飲品, 因為上年去新加坡買了, 佢既甜度剛剛好, 雖然泰國都有得賣, 但試過甜好多, 所以都係馬來西亞板既美綠好飲啲.

 酒店Checkout後就去了十號胡同食lunch. 十號胡同位於Bukit Bintang站旁邊既Lot10商場basement. 

[吃貨48小時] 快閃慶生親子遊@吉隆坡Day 2 (下)

吉隆坡既景點唔多，不過如果要數茨廠街點都要去吓！剛剛游完水就一定會肚餓啦，所以下午既第一站就係去茨廠街掃街喔！

茨廠街其實就係唐人街，所以行街shopping 就無興趣了，但美食就當然唔會抗拒呢，天氣咁熱有咩好得過飲材龍眼冬瓜茶日呢.

[吃貨48小時] 快閃慶生親子遊@吉隆坡Day 2 (上)

一早起來就繼續我地吃貨之旅，其實係出發嚟吉隆坡之前，我地就已經做了功課有咩係一定要食，咁啱就見到台灣飲食節目既詹姆士介紹燕美巴剎，一個當地人好出名既早餐場地，所以今天早餐就決定了要嚟朝聖一下. 從前燕美巴剎係一個室外既地方市場，上年政府就搬了整個燕美巴剎去商業大廈ICC Pudu, google map search 了後地點都真係唔太方便，但今次為了食就點都要去了. 

搭monorail 係Imbi站落車行路去，路過既地方有好多舊式建築物，沿途仲有好多街邊大排擋添，終於行了大概15-20分鐘就到達啦，yeah!

[吃貨48小時] 快閃慶生親子遊@吉隆坡Day 1 (下)

莎拉係十年前嚟過吉隆坡，印象中就係周圍食食食，而我地呢次gate away 又真係得48小時，所以食會成為我地既娛樂喔！由酒店穿過一個商場唔使5分鐘就到達KL Monorail line 既KL sentral 站.

去售票機購買去bukit bintang 站準備去阿羅街食好貨呢！

[吃貨48小時] 快閃慶生親子遊@吉隆坡Day 1 (上)

大家每天返工既原動力是什麼呢？莎拉就係返工為放假喔，謝菲嗲哋生日又點可以錯過呢個惜口呢，不過因為時間上撞啱係剛剛開學，所以遠既就去不到了，近近地3日2夜就可以.上年就去了澳門同謝菲嗲哋慶生，今年無理由再去澳門架，又要平又要坐得好，最後就決定了比較次熱既吉隆坡嚟個3日2夜吃貨之旅！一家三口既座Air Asia package 只係大概$3200， 住既酒店係Hilton, 講真真係抵過去澳門呢！星期六一早起身出發去機場，真係未出發先興奮喔！其實每次旅行由執行李個一刻就已經享受緊旅行既快樂了！

食完早餐就行去Boarding gate準備起飛啦!

[捉緊夏天尾巴]瘋狂瀡滑梯@愉景灣

暑假都差不多去到尾聲, 不過天氣依然係非常炎熱呀, 襯天氣還未完結就一定要捉緊夏天尾巴呢. 上星期愉景灣就舉行了一個非常夏天既活動, 白沙灣上設置了多個吹氣滑梯免費玩呀. 愉景灣在兩年前都舉行了同樣活動, 不過當年就只有一個吹氣滑梯供成人玩, 當年陶寶B都仲係3歲未係好難玩, 不過今年就唔同啦, 陶寶B一知道有吹氣滑梯玩, 前一晚就勁興奮了, 一早起身就問幾點可以出發, 真係心急到爆呀, 終於出發去搭船啦, 幾時到呀, 點解咁耐都未到架?!

[懷舊打機]那些年打機的日子@Gaming Expo

今日既遊戲機質素真係好靚， 相比起從前細過玩既遊戲機真係差天共地，但唔知點解對童年既遊戲機總是有份情意結，泡泡龍，熱血排球，bomber man, 桃太郎就是伴著莎拉成長的，你還記得細個時打過既遊戲機嗎？ 

近日理工大學就舉行咗一個懷舊遊戲機展，活動除左展覽仲有大量遊戲機任玩呢！

[夏日郊遊]一家大細去挑戰@龍脊

莎拉既好朋友難得回港可以係香港聚舊, 從前由4條Queen一起去露營, 到了今天大家都成為人妻仲不得只, 位位都係人地媽咪了, 加埋真係人強馬壯, 大大細細加埋成十多人, 想搞活動真係都幾傷腦筋. 雖然夏天可以去海灘, 但係因為太多小朋友了, 怕啲呀媽掛住傾計, 得番三位男士睇6位小朋友真係唔多掂呀, 所以最後決定行個短短既遠足. 因為天氣真係熱, 所以下午4點才出發, 一行12人出發啦! 由筲箕灣坐巴士去到土地灣站落車就係龍脊既起點.

各位團友行啦!!!其實莎拉覺得自己今天好似位幼稚園教師, 帶住一班鴨仔去行山.

[高質沙灘] 配套充足好方便@淺水灣

莎拉真係覺得香港既夏天，一年比一年熱，冬天既日子愈來愈短了，所以夏天熱辣辣既日子，莎拉既腦海常常出現「沙灘」呢個字呢！而今個夏天，莎拉就最鐘意去淺水灣喔，點解呢，睇吓佢既好處啦！ 

1）地點交通方便，莎拉係九龍人，所以搭地鐵去到香港站就可以轉970巴士，呢架係express專線，所以唔駛30分鐘就到達淺水灣，除了有巴士出中環，仲可以搭小巴去銅鑼灣添，游完水約朋友食飯都無問題！

[發揮創意]讓畫作成真的Sketch Town@IFC

唔知大家既小朋友鐘唔鐘意畫畫呢？有無諗過畫出嚟既影像可以轉化成立體在大銀幕上出現呢？前幾日去淺水灣時經過IFC商場就見到有呢個名為Team Lab既活動！

現時只要係任何Beauty shop消費滿$600就可以換到兩張畫紙啦，注意喔活動是有有場次架，所以換領時要留意時間！

[夏日水Fun Fun]陶B生日快閃@ 澳門親子遊 Day 2

瞓醒一覺叉足電, 仲要係瞓到自然醒, 真係好爽呀, 今日天氣依舊係陽光譜照, 又可以開始去玩啦. 其實今次澳門親子遊都係以Hea為主, 加上夏天熱辣辣, 所以都係唔可以室外玩得太耐. 所以襯未到中午, 就去玩滑草去了. 查實大潭山郊野公園既滑草場都已經好多人都知, 如果想知點去, 可以去番莎拉既舊聞點去"3人世界親子澳門遊 (中)". 

雖然係星期日, 但都唔係好多人, 大概都係十多個, 所以好快就可以再玩一轉.

[好玩好食]雪糕大滿灌@樂富廣場

暑假mode正式啟動了，可惜在職既莎拉已經同暑假拉不上關係了，所以一到weekend就要爭取時間周圍玩啦！夏天熱辣辣，有咩好得過食雪糕喔，仲要係有人請你食添，邊度有啲咁好既活動？！咪就係樂富廣場囉！

由7/12-8/27，每天既12pm-8pm領展其下既樂富廣場會舉行雪糕大滿灌既活動，場內有多過遊戲之外仲有雪糕食！未玩遊戲前就首先俾佢呢個巨形雪糕杯吸引了，一跳入去見到一球球既雪糕真係唔想走呀！

[夏日水Fun Fun]陶B生日快閃@ 澳門親子遊 Day 1 (下)

不經不覺都玩到4pm了，上酒店房沖個靚涼之後出去啦. 由酒店行去官也街, 最方便就一定係經銀河酒店商場. 商場內周圍都係充滿夏季色彩.

好多打卡影靚相位.

[夏日水Fun Fun]陶B生日快閃@ 澳門 Day 1 (上)

陶寶B生日，莎拉媽媽又抽水惜阿囝名義想山去玩！2月才去完布吉，所以今次生日就短短地去澳門2日1夜嚟個gateway! 熱辣辣當然去玩水.

雖然新開既巴黎人有水上設施，但水上樂園那邊又要另外收費，一家三口計落都唔平，所以放棄了巴黎人！至於新濠影滙都有水上樂園漂流河，值細妹上年住過覺得酒店麻麻地，所以最後都返回Galaxy既懷抱，上次住galaxy,今次就試試JW Marriott 喔！星期六一早搭8:15船，哈哈，我地真係玩到好盡，因為計過就算未能取房都可以先去天浪淘園玩.

給陶寶B的信

To my Dearest 囝囝 陶寶B,

感謝您來到我們的生活，這5年既時光真係太快了，生命真係好奇妙，回想5年前的今天，您由一個小粉團細細粒，到了今天已是一位好動小子，期間我們3人一起經歷了好多第一次，呢一些珍貴片段會成為媽媽日後回憶的一段！我們不是最好的父母，因為大家都好似邊學邊教，有時真係覺得不是我們去教育您，而是您令我們去反思自己做得更好從而去教育您！

現在的您已大了很多，不再像從前的BB事事順從，每天同您鬥智鬥力，真係少啲心神都唔得，但我們還是喜歡與您一起玩一起做所有事情，因為您的成長只有一次！

請您盡情去享受童年，因為童年只有一次，一個快樂美好的時光會是您日後美好片段之一！
希望您一直可以容許我們成為您的好朋友，分享您開心與不開心的一切，remember you are my best buddy！

最後希望您身體健康快樂無限, 永遠做一位樂觀 happy lovely dude！

Love you all the best!
With love
mommy

[又大一歲] 火車控的生日會@ 陶家

 又到一年一度陶家大日子了，係咩？咪就係陶寶B既生日呢！今年呢位小子已經係5歳啦，有晒自己既喜愛公仔或卡通，所以為了要囝囝一笑，今年莎拉都不能避免要用陶寶B最鐘意既Thomas火車作主題了！

雖然一如既往生日會只是在家搞，但都想令呢位小男孩有個難忘既生日會，所以裝飾一定唔少得！

[波波池放電]PlayHouse @ Mikiki

自從年頭去完大樹先生之後，陶寶B就對此地念念不忘, 每次問佢想去邊度玩，佢就一定話波波池，阿囝您知唔知大樹先生真係好難book架！好彩近排係Mikiki就開了間PlayHouse, 雖然同樣要訂位，但今次有朋友仔代訂位！

跟從玩呢啲波波池既經驗，如果午餐或晚餐時段去玩，成本會貴好多，因為正正係開飯時間唔通唔叫嘢食咩，另外小朋友一定掛住玩到時唔食嘢，所以個人認為玩下午茶時段就最抵玩！好啦講咁咁耐，收費如何呢？$220包一位成人及一位小童，如果另加一位成人就$70, 而2大1小既每惠顧就有$70現金代用卷用作店內食物消費! 波波池用藍白色為主, 整個場地用海洋作主題.

[好玩沙灘]新奇又刺激@愉景灣

端午節long weekend當然要搵啲嘢搞吓，想起謝菲有張愉景灣餐廳現金卷就快到期，天氣又咁好就不如去愉景灣走一轉喔. 去愉景灣不外乎兩個方法，一係就由中環搭船，如果唔係就在大嶼山轉巴士，經濟之選當然係搭巴士去，之後晚餐在指定餐廳消費滿$120就可以免費搭船返中環呢！

每次去愉景灣都係去碼頭廣場那一邊，今次去一去北面廣場那邊行個圈睇睇, 呢邊相比碼頭那邊真係可以用人煙稀少嚟形容，所以影相絕對無甲乙丙入鏡！

[布吉親子遊] 5日4夜陽光大拍賣 - Day 2 (下)

唔知係咪玩完浮潛，所以特別見肚餓架，唔駛10分就返回帝皇島了，今日開餐地點就係海灘盡頭那間餐廳.

因為好多人都未行嚟開餐，所以有幸地揀到張對住海灘靚景既檯！

[布吉親子遊] 5日4夜陽光大拍賣 - Day 2 (上)

經過一晚既休息後，一早9am就已經係lobby等司機了. 雖然只係瞓咗6小時，但係都不知幾精神，原因好簡單，之唔係放假囉！

今天既行程就係出外島玩，布吉出外島又好幾個選擇，有蛋島(Egg Islsnd)，珊瑚島(Coral Island)，帝皇島（Racha Island)及斯米蘭島(Similan Island), 實不相瞞莎拉上次同謝菲嚟布吉時，除咗蛋島無去之外，其餘三個島都已經去過. 首先斯米蘭島係4個之中最靚既，不過行程係最申苦，有小朋友同行就不用考慮了. 而珊瑚島就上之經驗，真係好普通，所以不在考慮之中. 最後剩番蛋島及帝皇島，好多人都話蛋島好啱小朋友，因為岸邊可以見到魚仔之餘，出島既團只玩半天就可以了，但就會好多人，因旅行團係必去既. 而皇帝島就上次經驗，印象中係好靚，水又清，而岸邊都有機會見到魚仔，所以最後都係決定去皇帝島！係香港出發前就搵了Man 哥book 團，好多人話可以去到布吉時才book都唔遲，但莎拉唔想麻唔想去到同啲艇仔講價，check 了幾個當地布吉既agent 價錢後，man哥既較合理後，（1200baht 大人, 900baht 小童) 就決定找他代為安排了.

[布吉親子遊]5日4夜陽光大拍賣 - Day 1

好掛住泰國既陽光與海灘呀, 過去兩年都分別去了華欣及芭提雅啦, 咁今年去邊好呢?! 不如去布吉啦, 雖然莎拉同謝菲都去過啦, 不過都已經係8年前既事了, 咁多年無去加上今次多咗陶寶B, 玩既嘢可以唔同呢! 就咁話啦, 心動不如行動. 由香港去布吉既直航選擇有港龍及泰航, 不過呢兩間既票價就一啲都唔平, 所以Budget行先就莎拉C9既本性, 所以最後選擇了Air Asia, 夜機去, 中午機返, 時間都唔錯呀, 就咁決定嚟一個5日4夜既布吉親子遊啦. 傍晚出發去機場, 時間好鬆動, 陶寶B已經一放學就已經十分期待啦!

[又甜又嫩] 親摘粟米@錦田鄉村俱樂部

冬天過後就沒有士多啤梨摘了，咁夏天呢？其實原來夏天都有嘢摘架，原來就係粟米喔！莎拉記得係卡通片龍貓入面，有一幕係草子次子去咗個農田摘粟米，之後仲即摘即食，就係因為呢套卡通片既影響，莎拉不知幾想試摘粟米喔！錦田鄉村俱樂部冬天就有士多啤梨摘，而踏入夏天就係摘粟米，價錢就係每支計，$30一支或$100/4支，雖然價錢貴，但係因為係有機水果粟米，試吓都好！

粟米田唔係好大, 因為摘既人唔多, 所以可以慢慢揀.

[角色扮演]舊大埔警署@綠匯學苑

前兩天去完大埔海濱公園踩完單車，回程就打算去大埔搭地鐵，想起附近就係舊大埔警署，但係地鐵站既指示搵咗好耐都見唔到舊大埔警署，明明就係附近，點解唔見呢？原來正確嚟講，果度應該係綠匯學苑至啱呀！由大埔墟地鐵站行去大概8分鐘路程，穿過運頭角公園就會到！其實綠匯學苑係嘉道理農場既附屬單位.

[小車手]車全部都係車@黃金海岸

五一Long weekend假期, 唔出外旅行就要搵地方玩吓啦. 陶寶B自從玩過電動車之後就迷上做車手了. 唔知幾時開始, 香港既各大商場好多時都會舉辦呢啲收費揸車既玩意, 其實買架電動車真係唔貴, 但香港地方分寸金尺地, 貴就係貴在搵地方去放架車呢, 所以無地方就唯有間唔時同佢玩吓車, 滿足吓陶寶B等佢開心吓. 今次有車玩既地方就係屯門既黃金海岸.
中午時份就到了黃金海岸, 莎拉還記得仲係中學生時, 當年好興俾錢人去影相然後自戀一番, 當年莎拉都係黃金海岸影過相架, 呢啲都已經係上世紀既事了. 今天再來就已經有個小人兒了.

今日天氣都好熱吓, 都係去食個Lunch先啦.

[初階行山] 大人細路都啱行@南丫島

復活節假期多日，如果留係香港，行山基本上就係指定節目了，而莎拉就偏好去離島，因為坐吓船感覺係悠閒一啲！今次就選擇咗去南丫島行吓山，長假期就特別多人，所以一早就出發坐船去索罟灣！上次去南丫島時，陶寶B應該係3歲，當時行吓又要抱吓，睇吓一年後既佢今日表現如何了！

今日天氣好好，唔算太熱好啱行山呀，好多人又老又嫩一家大小一齊行！

[分享童年]找尋鐡皮滑梯@大埔

大家仲記唔記得細過去既公園條點呢？今日既公園設施，差不多九成九已經係塑膠做架啦，莎拉細過玩既公園設施全部都係鐵做既，今時今日少之又少了，不過咁又唔代表已經絕跡既，莎拉就發現大埔近宏福苑附近仲保存了一啲鐡皮滑梯，於是就帶埋陶寶B去找尋莎拉既兒時記憶了. 陶寶B一見到條滑梯就衝埋去. 

[市區放電]踩單車@九龍灣公園

作為一個九龍人加上陶B又係好動型既小朋友，單純既公園已經不能滿足莎拉及陶B了！踩單車係另一個可以極度放電既活動，其實市區都有唔少單車公園方便九龍友，九龍灣公園就係另一個好選擇！

公園內只有一間單車鋪, 獨市生意價錢一定貴少少架啦.

[全天候公園]鯨魚花園@愉景新城

"去公園先嚟落雨，唔通連個天都唔鐘意我"傻豬嚟既，邊個話落雨就無得去公園玩架，學校操場都有個陰雨操場啦，公園都可以係無論好天落雨都可以玩架，邊度有咁好既公園，咪就係愉景新城商場內既鯨魚花園!

愉景新城商場近年包裝成為一個親子商場，場內有好多都是為小朋友或家庭而設既商店！而場內既鯨魚公園就一定唔可以錯過，相信呢個公園都幾多人玩，所以星期六日係需要攞籌架，各位父母要留意呀，想玩就預先取定籌之後先去行街街！

[回到小時候]香港玩具傳奇

玩具呢樣東西，唔好諗住只有小朋友才鐘意，其實大人見到兒時既玩具都會同樣興奮，剛剛係星期六就去咗香港文化展覽廳既香港玩具傳奇！

入場費成人$10，小童長者$5，每位入場人士仲有小玩具送，今個星期送既就係一架紅色小小回力車. 久違了既跳飛機呀，從前每個公園都有既玩意，現在買少見少了，陶寶B目莎拉跳一次就知道點玩了.

[盡情玩]Playright@花展

唔知大家有無帶小朋友玩過Playright呢？玩過一次後，就會不其然咁下次想再去玩，無他既，因為用咁簡單既材料都可以玩得咁開心，又可以自行發揮創意運用材料去玩，自然大人小朋友都玩得開心啦. 不過playright 既活動係不定時舉辦，有啲仲要報名先有得玩，所以莎拉都成日留意住playright 既動態！而呢兩個星期係維園舉辦既香港花卉展覽，逢星期六日就有playright 活動在其中！門票成人$14，小朋友長者$7，入去睇花之餘小朋友仲可以開心放電，正呀！

星期日食完brunch 2pm去到維園都已經人山人海，陶寶B個心根本就唔係啲花度，一路行仲一路問啲遊戲係邊度呀？！ 話晒都係到, 俾我地望兩眼好喎.

[去玩去癲]年三十反轉海洋公園

"去玩去癲嚟Ocean Park"呢句slogans 絕對係莎拉童年時既回憶，每個小朋友都會希望可以去海洋公園玩！但係時至今日，有咗迪士尼公園後，海洋公園就已經被莎拉遺忘了，除了每天既哈囉喂時有意慾想去之外，其本上都唔會諗起海洋公園. 不過有小朋友就係另一種安排，上年同陶寶B去過Disneyland 了，今年既農歷假期去邊度好呢？！不如back to the basic去海洋公園啦，於是一家三口就係年三十去海洋公園囉！剛好地鐡開通了海洋公園站，真係話咁快就到了，比起從前要係金鐘轉巴士真係方便好多. 陶寶B未到達就已經好興奮喔，因為新既鐵路係無人騎駛，車頭位置可以睇住地鐵穿過tunnel 真係好得意. 

[極速飄移]Crazy car cafe 甩尾賽車

茘枝角工廈近年活化改造得好成功，餐廳既選擇又多仲要係唔難搵位，所以近年都多咗去茘枝角開飯. 講開活化工廈，唔能夠唔提D2 place啦，因為呢度1樓有人氣高企既大樹先生的家係商場內，但係原來2樓都有嘢玩架，就係呢間crazy car cafe啦！

莎拉今次真係行過路過，食完飯見D2商場就係對面，諗住上去八吓架賽車點甩尾法，咁就入去玩咗一轉啦！雖然crazy car cafe有餐廳，但大家放心，唔幫襯餐廳都可以玩甩尾賽車架，只係買飛就可以玩！

[瘋狂波波池]朝聖大樹先生的家

大樹先生的家，相信一眾父母一早都已有聽聞呢間由台灣吹到嚟香港既親子餐廳有幾咁難訂位了，開業初期只有電話訂位，所以電話長期處於帶唔通既狀況，好彩後期有得上網訂位，但係星期六日都係成日full booking, 莎拉當然想帶陶寶B去玩啦，可惜真係好難book呢，終於莎拉年廿九就收爐，所以終於可以係平日book位，本來打算食lunch, 但係原來平日既lunch都係好難book,咁最後就唯有book 下午茶時段啦！一去到門口就已經俾佢個波波池吸引了!

大樹先生的家設有4個時段訂位分別係早餐/午餐/下午茶/晚餐，而價錢係每位6歲以上既設minimum charge, 而0-6歳小朋友就設有清潔費，但係清潔費就不可用作抵消叫嘢食既消費呢！好似今日只有莎拉同陶寶B兩個人，埋單就至少要$128+$58（清潔費），所以今日就order最少$120既食物，大家請放心，要order$120既食物係非常容易，俾大家睇吓個menu就知道了！

[送猴迎雞]恭賀新春齊開心

恭喜發財呀各位Blogger, 雖然今日已經係年初七, 但新精頭都係拜年時, 莎拉同陶寶B祝各位小朋友快高長大, 聰明伶俐, 而大朋友哥哥姐姐姨姨叔叔就身體健康, 大吉大利, 龍馬精神. 咁啱今日就係人日, 當然同大家講聲生日快樂, 笑口常開呀. 

[通山跑] 放風箏之初體驗@清水灣郊野公園大坳門

新一年新開始, “通山跑”作為2017既第一個活動實在是最好不過, 冬日天氣又涼爽, 襯好天氣出戶外玩真係人都精神啲. 今次就約埋家人一齊去清水灣郊野公園大坳門放風箏. 

大坳門位置及交通雖然唔方便又無車直接到達, 但係人流一啲都唔少, 去到10:30時差不多所以野餐檯及燒烤爐都已經沒有了, 所以如果打算BBQ既朋友真係要再早啲先可以霸到爐. 

[週末好食力]Brunch @ Ava Restaurant slash bar

婆婆新曆生日, 今年搞搞新意思不如食個Brunch作為慶祝. 想起一年前食過Ava Restaurant slash bar既lunch semi-buffet印象幾好, 今次就不如試一試佢既weekend brunch啦. 陶寶B每次搭呢啲睇到風景既電梯都會無限興奮 (其實莎拉細個時都係一樣)

係香港想搵個價錢唔太貴又有維港靚海景既餐廳真係唔容易, 而Ava Brunch既價錢係$398 (成人)及$278 (小童及長者), 而download 酒店既餐飲apps (the rhombus dinning aps), 成人價錢就有40%off(即係$238/成人), 真係好抵食. 

[熱愛遊樂場]AIA嘉年華又來了

熱愛玩的莎拉一家當知道今年AIA嘉年華再舉辦後, 簡直係十二萬分開心, 因此年尾既假期又會有個好去處了. 所以AIA嘉年華開幕後短短三星期就已經去咗2次, 因為今年既收費比起往年有所不同, 抵玩咗所以去多次都無咁”金”呢. 今年大門口大大個”CARNIVAL” LED變色燈大字, 非常Sharp醒, 忍唔住影相呃like. 

今年既入場費可以買package 成人$125包10個代幣, 而小童就$90包7個代幣, 另外可以選擇只買入場門票$35 (不包代幣)都可以, 而場內既代幣是$10一個, 所以今年唔會好似往年硬性規定一定要買入場費連代幣, 彈性咗既關係一家三口可以只買入場費進場先, 然後買少少代幣玩吓又可以.